غلبني حبك لكريمة
المحتويات
الحقنى يا عمار
خير يا مرات عمى مالك
ريتاج فى القسم يا عمار
قفل الفون بعصبية وجز على سنانه وقال منك لله يا ريتاج يا بنت عمى مواريش غيرك انتى ومصايبك
هو فى ايه بالظبط هو انا مواريش غيرك يا ريتاج ...نفسى استجوب حد غيرك يابنتى
_ وعد يا باشا لو خلتنى امشى هحاول انك متشوفش وشى لمدة أسبوع فى القسم
_ دا جزاتى يعنى يا باشا انى عملالك حس فى القسم كدا ومخلياك تشتغل بدل ما انت قاعد زى قرد قطع وملاقيش حد تستجوبه
خبط على المكتب و نعم يا روح امك ... انتى شكلك عايزة تباتى فى الحجز الليلة دى
_باشا انا مش هتكلم الا لما المحامى بتاعى يجى
دخل عمار بكل عصبية من غير ما يخبط وخبط الباب جامد فبلعت ريقها وقالت أو اقولك احبسنى احسن بلاش دا بالله عليك
اهلا يا باشا خير عملت ايه المرادى الهانم
الظابط اسالها بقى لأنها صدعتنى بأنها مش هتتكلم الا لما المحامى بتاعها يجى
بصلها عمار وهو بيتوعدلها وبيجز على سنانه وقال عملتى ايه يا ريتاج المرادى
ريتاج پخوف ولا حاجة زولم جيت هنا زولم
ريتاج عيب يا باشا كدا داحنا حتى قرايب وكلنا عيش وملح مع بعض
قرايب منين إن شاءالله
_ اللاه مش بطل عليك كل يوم هنا يبقى قرايب
عمار بزعيق اخلصى يا ريتاج اتكلمى
الظابط انت بتزعق ليه يلا انتو عيلة مجانين وشكلكم ناويين تجننونى
اتكلمى ياختى قوليله خلينا نشوف هتمشى ولا تباتى معانا
ريتاج بصت لعمار لقيته متعصب على الاخر ونظراته كلها متوعدة ليها ... بلعت ريقها پخوف وقالت بنبرة متلجلجة اتخانقت مع واحد خناقة جامدة وكسرتله عربيته
وايه سبب الخناقة
عمار بسخرية وانتى ماشاءالله متتوصيش يا ريتاج وبعدين انتى معكيش عربية اساسا جبتى عربية منين
سكتت ريتاج ورمشت باهدابها ببراءة فوسعت عيون عمار وقال بعدم تصديق هى
هزت راسها بنعم وهو كمل عربية بابا
_ وهو هيعرف منين بس يا عمار احنا هنصلحها بعد ما نخرج من هنا ونرجعها مكانها ولا من شاف ولا من درى
الظابط بعد اذن احلامك الوردية بس مين قال انك هتخرجى من هنا
عمار بتشفى أيوة صح قوليلى هتخرجى ازاى بقى
ريتاج هو انت مش هتخرجنى زى كل مرة ولا ايه
عمار لا يا حبيبتى مفيش خروج الا لما صاحب العربية يتنازل عن المحضر وشوفى بقى هتخليه يتنازل ازاى
ادخلى يا جلابة المصاېب
_ طب متزوقش طاه
وليكى عين تتكلمى كمان يابت اتهدى بقى اتهدى
_ لا مش هتهد لغاية ما اهدك معايا
والله وانتى فكرك تقدرى تغلبينى يعنى دانا اغلبك وأغلب مية معاكى
نينينينينينيى
دخلت ريتاج البيت ووراها عمار لقيت العيلة كلها متجمعة منهم اللى قلقان وخاېف ومنهم اللى شمتان فيها واخيرا بصت لعمها اللى كان قاعد بهيبة وهدوء وبصصلها تتكلم بلعت ريقها واتقدمت خطوة وقبل ما تتكلم قاطعها بنت عمتها وهى بتقول بخبث شايف بجاحتها يا خالو مش مكسوفة من نفسها وهى داخلة علينا وواقفة عادى كدا بعد اللى عملته
عمار بحدة ملكيش دعوة يا رانيا بيها وخليكى فى حالك
رانيا بس يا عمار ...
قاطعها والد عمار بصرامة اسكتى يا رانيا ومتتكلميش غير باذنى ... تعالى يا ريتاج
اتقدمت ريتاج وقفت قصاده ونزلت راسها وقالت بحزن اسفة يا عمى اوعدك مش هتتكرر
عمها بخبث ليه انتى عملتى حاجة مش عمار هو اللى ساعدك تاخدى العربية وتطلعى بيها من ورايا
رفعت ريتاج راسها پصدمة ولفت بصت لعمار وهو هزلها راسه بمعنى اطمنى ابتسمت وبصت تانى لعمها وقالت برضو يعتبر غلطانة يا عمى لانى زنيت عليه اوعدك أنها مش هتتكرر تانى
وقف عمها ومسك وشها بايده وقال بحنية بنتى تعمل اللى هى عايزاه وهسامحك المرادى برضو لانى مبحبش اقسى عليكى انتى بالذات يا ريتاج
ابتسمت بحب وعيونها دمعت ..ارتمت فى حضنه وبصت لرانيها وطلعتلها لسانها بغيظ ..
شافها عمار وضحك عليها بخفوت وقال بهمس مچنونة وهبلة والله
فى اوضة عمار ..
يارب اهديها يارب ومتتصلش بيا تقولى الحقنى يا عمار انا فى مصېبة
ونام على السرير وهى بيتمنى أنه ريتاج تسيبه فى حاله ...مكملش خمس دقايق وفونه رن فتح عيونه بضيق وهو بيتوعدلها لو كانت هى ..وفعلا كانت ريتاج فرد عليها وهو بيجز على سنانه خير يا ريتاج هببتى ايه تانى
_ بقولك ياض انزل الجنينة محضرالك مفاجأة
مفاجأة ايه دى اوعى يكون جيبالى مصېبة جديدة لغاية البيت يا
متابعة القراءة
