أسيرة العشق لمنة مجدي
تاخرت عليكي قالتلي العصير جاهز ومش هياخد وقت
وفعلا جابتلي عصير شربته ومحستش باي حاجه غير تاني يوم الصبح وانا...........وهي جمبي علي السرير ووقتها افتكرت كل حاجه
والله هو دا كل اللي حصل
صمتت ملك ولم تعقب فقد كانت دموعها هي المسيطرة علي المشهد ان ذاك
اياد: انا مش عاوز منك اي حاجه دلوقتي غير انك ترجعي البيت
ارجعي البيت ياملك وانا اللي همشي والله همشي ومش هضايقك
ملك: هو انت خلاك متاكد ان انجي مثلا مش بتكدب عليك
زي ما بنشوف في الافلام او الروايات مثلا
اياد: لانها ورتلي الفيديو اللي ......اللي كنا فيه سوا
اياد: انا عارف انك تعبانه ومچروحه ومش طايقاني عارف انك مستحقراني
ملك: انا فعلا تعبانه حاسه انك كسرتني يا اياد
انت فعلا كسرت قلبي وروحي انت طعنتني
ليه عملت معايا كده هو انا مكنتش كفايه ليك للدرجه دي
كنت وحشه اوي لدرجه اني استحق الاحساس دا عارف يا اياد انت قتلتني بسکينه باردة انت بعد ما اديتني كل اللي بتمناه وكل الامان
اخدته مني كله بعد ما كنت اسعد واحده في الدنيا وطايرة فوق السما سحبت كل دا مني ووقعت علي جدور رقابتي انا حاليا مچروحه يا اياد ومش هقدر اديلك اي حاجه
اقترب منها اياد في اسف وحب
ولكنها وجدت نفسها ترجع للوراء بضع خطوات
اياد : انا اسف والله العظيم اسف كل اللي هتقولي عليه هعمله
بس ارجعي للبيت
عارفه ياملك يومها رجعت وانا مش شايف قدامي
كان نفسي اجري عليكي واستخبي في حضنك وافضل ابكي وبس
كنت عارف انك انتي الوحيده اللي هستريح عندها كان نفسي كل اللي حصل دا يتسمح من حياتي بقيت عايش في كابوس مستني اليوم اللي تعرفي فيه عامل زي المحكوم عليه بالاعډام ومستني التنفيذ بحاول املي عيوني منك لاني خاېف خاېف لمتسامحينيش
خاېف لتبقي دي اخر مرة هشوفك فيها ومن لما مشيتي وسيبتي البيت مدوقتش النوم والراحه وانا بدور عليكي كل يوم علي امل اني الاقيكي علشان اقولك ارجعي وكل اللي انتي عارزاه هعملهولك
انا عايزك تعرفي حاجه مهمه
انتي كل حاجه في دنيتي بنتي ومراتي وحبيبتي وحتي امي
انتي والله النفس اللي بتنفسه والله مش هقدر اعيش من غيرك
عاوزك تعرفي ان كل ستات الدنيا عندي ولا يسوا والله كل دا حصل ڠصب عني عاوزك تعرفي اني مكنتش في وعيي لاني لو في وعيي والله مكنت عملت كده ابدا
سامحيني ياملك سامحيني ياملاكي
شعرت ملك وكان كل دمائها بدات في الهروب الي قدميها
شعرت بالارض تميد تحت قدميها فمالت قليلا وكادت تسقط
اسندها اياد بقوة
اياد بقلق : ملك !!
وادخلها الي السيارة فكانت فكرة احضارها الي هنا حماقة منه
اياد: انتي كويسه
ملك: الحمد لله
اياد: انا اسف لكل اللي حصل وهمشي واوعدك مش هزعجك تاني
دي هتكون اخر مرة تشوفي فيها وش........
قاطعته ملك بحدة
ملك: انت جيت ليه يا اياد
اياد: جيت لاني مېت من غيرك ياملك لاني تايه ومش لاقي نفسي
انا غلطت عارف وعارف اني المفروض اتحمل نتيجه غلطي وحتي مش بحمل انجي اي غلط ولو واحد في الميه كل اللي حصل دا غلطتي انا بغبائي وسذاجتي اللي وصلت نفسي لكده
جيتلك لاني بحبك لاني طمعان انك تسامحيني ولسه عندي امل انك هتسامحيني ياملاكي
ملك : اياد لو سمحت رجعني لبيت نانا ناهد ممكن
شعر بخيبة امل شديدة ولكنه قرر الصبر
اياد : حاضر
انا اسف ياملكاسيرة العشق
الثامن والعشرون
انطلقا الي بيت ناهد في صمت تام
اطلقت لدموعها الحبيسة العنان ما ان وصلت الي المنزل كانت تشعر بالالم والحزن معا
ايجب عليها مسامحته ام الرحيل لا تعلم حقا
اعدت حقائبها وتركت رسالة الي اميرة للاعتذار منها علي رحيلها بهذه السرعة وقررت العودة الي كندا مرة اخري
في القاعة
اميرة: معتز اتصل باياد انا قلقانه علي ملك
معتز: وانا كمان
خلاص هروح اكمله وارجعلك تاني
خرج معتز من القاعة لمهاتفة اياد
معتز: طمني يا ايدو ايه اللي حصل
اياد: ملك مسامحتنيش
معتز: ازاي
اياد: قالتلي رجعني علي بيت نانا
معتز : طيب وانت فين دلوقتي
اياد: انا في الشارع يا معتز حقك عليا يا ابني خطوبتك قلبت نكد وكمان سيبناكوا ومشينا
معتز: بلاش هبل يا اياد وانت روح دلوقتي وانا هخلص الناس دي بسرعة وهروح اميرة وهعدي عليك
اياد: لالا روح البيت ونبقي نتقابل الصبح ان شاء الله
معتز: طيب ربنا يسهل
عاد معتز الي الداخل مرة اخري
اميرة: هاه ايه اللي حصل
معتز: ملك نشفت دماغها ومسامحتوش
اميرة: انت بتتكلم جد طيب وملك فين دلوقتي
معتز: اه والله رجعت تاني عندكوا البيت
خلينا دلوقتي نكمل الخطوبة دي وبكرة ان شاء الله يحلها حلال
بعد وقت قليل حضرت ريم وميرا
