ابن ليل الجزء الخامس لأميرة أسامة
المحتويات
يقدر هو كمان ينفذ الخطه اللي هيجبر بيها دره علي التنازل
قالوها زمان الكثره تغلب الشجاعه
ودي كانت نقطة ضعف يوسف الوحيده انه لوحده عكس دره اللي معاها الكل
يوسف كان نازل وفاكر انه ممكن يستعطف دره ويضحك عليها بكلمتين وعشان هي طيبه هيصعب عليها وهتسامحه وتصدق انه هيديها حقها بس لما يخلص من الدين اللي عليه ويخلص نفسه من المستثمر الوهمي اللي قالها عليه لكن لما لقاها واقفه قدامه بكل قوه وطريقتها كمان اتغيرت معاه عرف ان خطته اكيد مش هتجيب معاها نتيجيه دره جواها شحنه ڠضب كبيره منه خيانته ليها مع دينا كانت اقوي من سرقته ودي حاجه الست لا يمكن تتغاضي عنها الست ممكن تسامح في اي حاجه إلا كسر كرامتها و ذلها واتفاجئ يوسف بدره جديده خالص عليه
مش ديما الخير بينتصر
ولا ديما الشړ بينتصر العلاقه بين الخير والشړ علاقه نسبيه لا نقدر نعرف ليه ربنا نصر الخير علي الشړ ولا ليه نصر الشړ علي الخير
ديما في حكمه وراء قدر ربنا ومش معني ان الشړ ينتصر ان ربنا بيجي علي المظلوم لان لو طال الزمن حق المظلوم راجع راجع ويوم رد المظالم هنكتشف من غير مجهود حكمه ربنا في انه يسيب الظالم عايش حياته كل الوقت ده من غير عقاپ
خبطت ديما وابتسمت لمها
ديما صباح الخير
مها صباح الفل تعالي يا ديما
احمد صباح الخير تعالي
ديما زهقت وجيت اشوفكم
مها تعالي يا حبيبتي دره فين
ديما كانت عندنا من شويه بس نزلت تشوف شغلها
ديما بخير الحمد لله
مها تعالي خليكي مع احمد هنروح نبص عليهم
ديما تمام
خرجت مها وسابتهم
ديما رقبتك عامله
ايه انهارده
احمد لا الحمد لله احسن كتير الۏجع خف بس لما بنحاول نحركها شمال ولا يمين بحس بۏجع
ديما معلش هتاخد وقتها اكيد انت بس متحاولش تحركها اوي خليها تفك براحتها
احمد انتي عامله ايه
احمد بإبتسامه طب وايه انتي فعلا زعلانه
ديما لا طبعا هزعل من ايه بس
احمد حقك عليا والله يا ديما انا والله ما فاكر اي حاجه اخر حاجه فاكرها كنا بنضحك وفجأه كل حاجه حصلت انا مفوقتش غير واحنا في العربيه جايين علي هنا ومكنتش اعرف انك مش موجوده والله
ديما من غير ما تحلف يا احمد انا عارفه والله وبعدين انا كمان اغم عليا واخواتي كلنا تقريبا فقدنا الوعي فا اللي خدكم ركبكم في عربيه وانا في عربيه تانيه فا لا انت ولا اي حد ليه ذنب في اللي حصل
ديما لا والله
يا احمد الحمد لله ان كلنا بخير ودي اهم حاجه لكن زعل والكلام العبيط ده اكيد لا
احمد طيب الحمد لله انا كنت شايل الهم والله لان انا اللي كنت قاعد جنبك بس الحمد لله علي كل حاجه
ديما سيبك بقي من الكلام العبيط ده انت مش ناوي تروح كرم قال ان ممكن تمشي انت وحسن
ديما انت عارف اكتر حاجه شايله همها ايه
احمد ايه
ديما الجامعه الامتحانات قربت خلاص واكيد الوقت اللي ضاع ده مش هنقدر نعوضه بسهوله
احمد لا مټخافيش وبعدين انتي شاطره يعني يومين تركيز في المذاكره هتقدري تلمي اللي فات
ديما يارب يا احمد انت مزهقتش من القاعده ولا ايه ما تيجي نقوم نتمشي شويه بره
احمد والله زهقت خلاص يلا تعالي نتمشي ونشوفهم بره حسن وهيما بيتمشوا بره
ديما طيب يلا بينا
دخل كرم اوضه البنات
كرم صباح الخير
مها صباح الفل
دارين صباح الخير
كرم يلا مفيش وقت زي الشاطرين كده تقوموا
مها في ايه
دارين نقوم فين
كرم بإبتسامه مالكم خوفتوا كده ليه يلا عشان تقوموا تتمشوا شويه مش فطرتوا
دارين اه الحمد لله بس بلاش والنبي يا كرم الچرح شادد عليا اوي
كرم مفيش الكلام ده انتوا بكره او بعدوا بالكتير هتخرجوا من هنا ولازم اطمن انكم بتقوموا وتتحركوا كويس يلا منك ليها بلاش دلع ولا عايزين الشباب يقولوا انهم اجدع منكم
مها يلا يا دارين قومي يلا يا سماح
سماح اقوم ايه انا مش قادره
كرم يلاااااا بلاش دلع دانه هتقدري تساعديني ولا انادي علي ممرضه
دانه لا انا معاك
قرب كرم من دارين قومها براحه مكانتش قادره بصتله بتعب
دارين مش قادره والله
كرم معلش اول كام خطوه بس بعد كده هتتعودي يلا
حاولت مها تقوم سماح مكانتش قادره وقعدت ټعيط
سماح بلاش والنبي يا مها مش قادره والله
مها يابت لازم تتحركي يلا انا معاكي مټخافيش
سماح بدمووووع اااه مش قادره
كرم دانه امسكي دارين وانا هشوف اللي بټعيط دي
دانه تعالي يا دارين
قرب كرم من سماح
كرم ايه بقي هنعمل زي العيال الصغيره
سماح مش قادره والله الچرح بيوجعني اوي
كرم تعالي واحده واحده يلا انا معاكي اهو
مسكت كرم ايده وايد مها خرجوا بره الاوضه كل خطوه تمشيها كانت دموعها تنزل
كرم يلا براڤو معلش تعالي علي نفسك
حسن كان رايح جاي بهيما قرب عليهم
حسن ايه في ايه
كرم ولا حاجه بتدلع
سماح والله الچرح واجعني
كرم عارف بس عشان انتوا مش بتتحركوا خالص مره ولا اتنين كمان هتتعودي يلا سمي وامشي
فضل كرم معاهم حوالي ربع ساعه ولما حس انهم مش قادرين رجعهم بس اطمن انهم بخير
كرم ساعه كده وهتقوموا تتحركوا شويه كمان كل ساعه نتمشي عشر دقايق ولا ربع ساعه علي بليل هتبقوا كويسين
مها متقلقش انا كل شويه هنمشيهم حبه
كرم دي مسؤليتك انتي ودانه بقي وانت يا حسن مسؤوليتك هيما
حسن ماشي متقلقش
كرم ايه يا هيما تمام ولا في حاجه ۏجعاك
هيما في الاول كان الچرح شادد بس احسن الوقت
كرم طيب الحمد لله خليكم مرتاحين بقي ولو مش هتتمشوا بره في الطرقه علي الاقل تروحوا وتيجوا علي بعض منها تتمشوا شويه ومنها متزهقوش من القاعده
هيما تمام يا حبيبي
اتصل يوسف علي دره لكن مردتش عليه وشالت الموبايل في جيبها
اليوم مر بهدوء باقي العيله كلهم وصلوا يطمنوا عليهم الدكتور طمنهم علي محمد والحمد لله الاصابه مأثرتش علي عينه
سونه كانت معاها مريم والاتنين كانوا مبسوطين طلبت مريم انها تشوف ياسين وخدها عمرو يخليها تشوفه وراحت معاهم سونه وكرم
يوسف اتصل اكتر من مره ودره كانت متجهلاه تماما
عمرو اهلا بالبطل بتاعي شوفت بقي جيبتاك مين يشوفك
ابتسم ياسين بحب ومد ايده لمريم مسكت ايده وسندت راسها علي كفه
مريم وحشتني اوي
ياسين وانتي كمان
كرم ايه يا استاذ يا سين طمني عليك عامل ايه الوقت
ياسين كويس الحمد لله
كرم يلا شد حيلك انت قربت تخرج بكره او بعده بالكتير
ياسين بإبتسامه يعني انا خفيت
كرم خفيت بس انت بقيت زي الفل كام يوم كده وهترجع تتنطط وتجنن بابا انت ومريم
عمرو بحب يقوم هو بس ويعمل كل اللي عايزه ويرجع كمان تمارين الكوره
كرم اوبااااااا علي كده بقي بتعرف تلعب ولا بتقعد في دكه الاحتياطي
ياسين انا مهاجم والكابتن بيقول عليا لعيب
كرم يا ولااااا كمان مهاجم لا ده انت تعلمني بقي
ياسين حصرتك مش بتعرف تلعب
كرم بصله بطرف عينه وقرب منه بتكتم السر
ياسين في بير
كرم بضحك صراحه عمري ما
عرفت نلعب كوره طول عمري كان نفسي اتعلمها بس بيدخل فيا اجوان كتير فا قولت اخدها من قاصرها بدل ما صحابي يضربوني واشتغل دكتور
ياسين بس بابا دكتور
وبيعرف يلعب كوره
كرم اممم طب ليه الاحراج ده بس علي العموم احنا فيها ايه رايك لما تخرج وترجع تقف علي رجلك زي الاول تعلمني
ياسين موافق طبعا و هخليك حريف كمان
كرم احرف من محمد صلاح اصل بصراحه كده نفسي ابقي زيه
ياسين بضحك لا مش اوي كده مفيش حد زي مو صلاح
كرم لا في ياسين ان شاء الله هتبقي زيه واحسن منه كمان ادام بتحب الكوره اوي كده يبقي افضل وراها لحد ما تحقق حلمك بس قولي بتشجع نادي ايه
عمرو رفع حاجبه هااا
ياسين بضحك بابا بيشجع الاتحاد السكندري بس بصراحه انا اهلاوي وهو بيقولي لا شجع الاتحاد
كرم هو مش ده ابوك
ياسين ايوه
كرم بضحك اوعي تسمع كلامه خليك زيي يا ولا
ياسين حضرتك اهلاوي
كرم بصراحه اه
عمرو اوبااااا يعني كده الخصم بتاعي بقي اتنين
ياسين وعشان طلعت اهلاوي وعد اعلم الكوره واخليك احسن من بابا
عمرو بقي كده يا عم ياسين ماشي
كرم لا لو علي ابوك فا مقدور عليه موافق طبعا وبلاش محمد صلاح انت اللي هتبقي محمد صلاح ان شاء الله
عمرو ان شاء الله
سونه حمد الله علي سلامتك يا حبيبي
ياسين الله يسلمك يا طنط
مريم قولها يا سونه عشان بتزعل
كرم حتي البت عرفت انك مبتحبيش طنط
سونه الله بقينا صحاب اطلعوا منها انت
مريم انت عارف يا ياسين انا قاعده مع سونه في بيتها وهي بتحبني و بتخلي بالها مني
ياسين طيب وليه مش قاعده مع تيته هي فين صحيح وليه مجاتش تشوفني
بصوا لبعض و ارتبك عمرو وقبل ما حد فيهم ينطق نطقت مريم
مريم ماهي تيته خلاص راحت عند ربنا
بص ياسين لعمرو پصدمه
ياسين هي تيته ماټت يا بابا
عمرو اااا ياسين يا حبيبي
كرم ادعيلها يا ياسين هي راحت مكان جميل واكيد هي حاسه بيك وشيفاك ونفسي تطمن عليك وانت طالع من هنا بخير
ياسين بدموع ليه مقولتليش يا بابا
بصله عمرو بحزن ومعرفش يقوله حاجه
سونه بابا كان خاېف عليك يا ياسين ومش عايز يضايقك وانت تعبان ادعيليها يا حبيبي وكل ما تفتكرها اقرألها الفاتحه وهي هتفرح بيك اوي
ياسين بس انا كنت عايز اشوفها
عمرو بۏجع ايه يا ياسين ده انا بنقول عليك جدع وراجل عايز مريم تبقي اجدع منك ولا ايه
مريم متزعلش يا ياسين سونه قالتلي كل ما هتوحشني هي وماما افضل افكر فيهم بليل وادعيلهم وهما هيجوا في الحلم يطمنوا عليهم
سونه اجمد كده امال يا بطل وبعدين الزعل هيخليك تتعب اكتر وبدل ما تخرج بكره ولا بعده هتفضل كام يوم كمان انت مش عايز تخرج وتبقي كويس وترجع للكوره تاني
ياسين ايوه
سونه خلاص يبقي بدل ما نعيط ونتعب نقول الحمد لله وندعيلها وندعي لماما وبعدين هنا لو حسوا انك زعلان كده هيزعلوا منك لانك هتتعب نفسك وتهمل تمارينك وهما اكيد كان نفسهم يشوفوك احسن حد في الدنيا انت ومريم
ياسين بس خلاص مفيش تمارين تاني
كرم ومين قال كده بس انت اول ما تتحسن هقولك علي طول يلا يا بطل علي تمارينك
ياسين تيته هي اللي
متابعة القراءة
