رواية رجولة أستاذ..الجزء الثالث.
المحتويات
لو نجحت العمليه هفرجك ع البلد كلها
فريده المهم انت
طارق المهم انك جمب انت ده
عدت الايام ع فريده وطارق وهما بيحضروا نفسهم للعمليه فمن الطبيعى ان طارق بس هو اللى داخل العمليه ولكن اللى بيبص لعيون فريده كان بيتأكد ان شعورها مش اقل من طارق فى الخۏف
حسن مضايق اول مره فى حياته يضايق كده بيهرب من انه يخلى فريده سبب فى انه يكون مضايق ع غيابها جومانا فى حيره نجاح طارق فى العمليه او لا وياترى هيكون رد فعله معاها ايه بس هى شايفه انها خدت القرار الصحيح هو كده كده مكنش عاوزها
وجيه يوم العمليه المنتظر ..
طارق تفتكرى هشوفك تانى
فريده ان شاء الله ايه اللى انت بتقوله ده ارجوك متقولش كده
طارق مممم حاضر اوعى تسبينى عاوز لما افتح تبقى اول وش اشوفه وعلشان العمليه دى هتخلينى اتولد من جديد
طارق فريده
فريده نعم
طارق انا بحبك
بتبتسم فريده لطارق اللى اتعلق بايديها واللى سابتها بين قلبه هو ده احساسها ساعتها من كتر الدفا اللى حست بيه كأن الحب فى قلب طارق اتلخص جوه ايده
طارق عارفه لو خرجت من هنا شايف هديهوملك انتى وهسيبلك التصرف فيهم تشوفى بيهم اللى انتى عاوزاه وتورينى اللى انا ما شوفتوش
حسن حبيبى سرحان فى ايه
جومانا جيت امتى
حسن من شويه عديت ع بابا وجيتلك ع طول
جومانا وهو عامل ايه
حسن حالته فى النازل ساعات بحس انه بيدور ع فريده بعنيه فى كل ركن فى الاوضه وساعات بيبتسم وهو بيبص ع الروايات اللى بتقراها
حسن انا بقول اللى شايفه
جومانا يعنى ايه
حسن متعرفيش هترجع امتى
جومانا مش قالت اسبوعين
حسن فات منهم 8 ايام وباقى 6 تفتكرى ممكن تزهق وترجع ع طول
جومانا ده انت بتعدهم بقى
حسن علشان بابا
جومانا ها قولتلى علشان بابا
حسن طبعا
بيبعد حسن عن جومانا وهو بيضحك لان فعلا هو نفسه يشوف فريده حاسس ان كل مكان ناقصها محتاجلها بينادى عليها حتى جواه
قاعده فريده قدام اوضه العمليات بټعيط خاېفه من نتيجه العمليه خاېفه طارق ميرجعش يشوف خاېفه عقده الذنب تفضل جواها وتكبر يوم عن يوم كل لما تشوف طارق خاېفه عليه خاېفه يكرهها خاېفه ترتبط بيه لمجرد انها حاسه بالذنب ناحيتهنظرته ليها مش بتغيب عن عنيها كل كلمه محفوره جواها كلمه بحبك مكنتش عاديه منه كان حاسسها اوى وبترجمها بكل تعابير وشه..كانت حاسه انه شايفها..محستش ابدا بضعف منه او جواه قد ايه استمدت منه هو قوه اتاكدت ان القلوب فعلا اقوى من العيون قدره ع الابصار
جومانا كل ثانيه بيبان فى عيونها التوتر كأنها عارفه ان دى ساعات العمليه ملامحها بترجم الام طارق فى العمليه كل نقطه عرق بتنزل منه كانت ع جبين جومانا...حسن قاعد مركز مع باب الفيلا ومع ابتسامه فريده اللى مش بتغيب عن عيونه دقيقه واحده وفى تفاصيلها اللى حفظها اكتر فى غيباها وكأن الهوا بينسج كل ملامح وشها ورافض البديل قدام عيون حسن
خرج الدكتور من اوضه العمليات جريت فريده تسأله فاتكلمت انجليزى معاه بسبب شغل باباها اللى زود ده جمب عشقها هى للغه
فريدة How is Tarek??
الدكتور Dont worry.
فريدة Is it possible to talk to him??
الدكتور after waking up from anesthesia
مشى الدكتور وفريده مستنيه خروج طارق من العمليات صممت انها لازم تكون الدافع ليه فى الليله دى علشان نتيجه العمليه هتتعرف بكره اتبسطتت ان الدكتور طمنها ع صحته بسبب خطوره العمليه خرج طارق من اوضه العمليات دموع فريده بتزيد كل لما السرير اللى نايم عليه طارق بيتحرك علشان يروح الاوضه ومنظر الاجهاد باين ع وشه..فاق طارق من البينج وحس بايد فريده اللى مسبتهوش طول الليل حست فريده بحركه
متابعة القراءة
