رواية حور عيني.بقلم رغد عبد الله. الجزء الثاني.
المحتويات
قاعدة مش كانه عماله تحرك و تقوم يمين وشمال ..
مالك لاحظ .. قال أى شاغل بالك
حور .. ها .. ولا حاجة ..
مالك ولا حاجة .. كل ما أسألك تجاوبينى ب ولا حاجة ..
حور بعصبية علشان فعلا مفيش حاجة .. ! ..
فى دماغها . . أنا أصلا مش فاهمة نفسى مش عارفة أنا مضايقة لية كدا من مرواحك مع فيروز ! ..
شبكت إيدها و بصت قدامها وقالت صحيح .. ه .. هتخرج مع فيروز
مالك بتلقائية آه ..
حور پغضب .. ماشى ..
مالك بحيرة الله .. .. إية الى مضايقك بردة ...!
مالك بزهق .. طيب تصبحى على خير ..
حور وانت من اهله ..
سامية كانت واقفة برا بتسمع محادثتهم كانت طايرة من الفرحة .. إتخانقوا فى تانى يوم كنت عارفة أن البت دى مش هتناسبك دورك يا فيروز .. !
الصبح ..بتقوم حور .. بتلاقية واقف بيجهز ..بتقف وراة .. بتمسك الجرفطة من غير ما تتكلم .. ترفع اللياقة وتربطها
هزت راسها.. وجهزت نفسها بسرعة علشان سامية متعلقلهاش ..
فى المساء وقت الخروجة..مالك كان لابس لبس كاجوال و فيروز على سنجة عشرة ..
فيروز بفرح من غزله دا أقل حاجة عندنا ..
أنجشت فيروز دراعة وهى بتقول .. يلا ..
من وراهم جت حور رمت نفسها فى وسطهم وهى بتقول .. إستنوا أنا هاجى معاكم !
فيروز پصدمة هتيجى معاناا !
حور فى دماغها .. اومال هسيبك تستفردى بجوزى !
تحمحمت وبعدها قالت بهدوء .. آه .. بقالى كتير قاعدة فى البيت ومروحتش فى حتة ..
إبتسم مالك .. هتحليها ..
جزت فيروز على سنانها وهى شايفة حور بتاخد مكانها وبتمسك إيد مالك أما حور فكان قلبها بيدق جامد .. لأن فى خيالها كان تصرفها جرىء ومتهور فهى لأول مره تعمل حاجة علشان نفسها لكنها بالرغم من كدا كانت مبسوطة وإفتكرت مكالمتها مع سلمى ..
سلمى بصوت عالى يخرم طبلة الاذن يا حيواانة تغيبى كل دا ومترفعيش سماعة التلفون حتى !
حور أصل موبايلى إتكسر ..
سلمى يا سلاام و بتتكلمى بآله حاسبة دلوقتى يعنى ولا أى !
حور ما هو مالك جابلى واحد جديد .. جوزى .
صفرت سلمى .. دا شباكك جابت الوله جاامد .. !
حور شباك إية ! إسكتى يا سلمى منتيش عارفة حاجة ..
سلمى لية .. و أية إلى مزعلك .
حور ا . . أصله خارج مع بنت عمتة .. لوحدهم
سلمى نعممم ! بت انتى اټهبلتى ! .. سايباه يخرج معاها لوحدهم ! ..
حور اعمل أية يعنى يا سلمى امنعة !
سلمى بخبث لا متمنعهوش ارشقيلهم زى القضا المستعجل ..
حور يعنى إي
بااك ..ركبت حور جنب مالك وفيروز رجعت ورا .. ومع كل دقيقة كان حقدها على حور بيزيد ..
فى مطعم فاخر ..مالك تاكلى إية يا حور ..
حور بخجل .. إللي تختاره ..
فهم مالك إنها أول مره تيجى ومش عارفة شارك المنيو بتاعة معاها وقعد يشرحلها الأكل ..إبتسمت .. ومركزتش فى الاكل .. سرحت معاة .. فجأة فيروز خبطت بالمنيو فوقتها حيث كانت بتشيط وشوية وهيطلع من ودنها دخان زى الكرتون !
مالك .. ها
شاورت على أى حاجة و قالتلة هاخد دا ..
اتبسط لأنها عبرت عن نفسها
متابعة القراءة
