رواية طليق أختي بقلم.آية زين.الجزء الأول
المحتويات
رواية طليق أختي بقلم آية زين الجزء الأول
..ازاى يعني اتجوز طليق اختي يا بابا! وانت يا داليا عادى بالنسبة ليكي!
داليا ببرود..ايوة عادى انا عمري لا حبيته ولا هو حبني وبعدين انا اللى طالبة الطلاق وكمان انا عايزة ابدأ حياتي من جديد وبصراحة كده ابنه ده مش هيخليني اعمل اى حاجة
رقية پصدمة..ابنه! على فكرة ابنك انت كمان وبعدين اى ذنبي انا اشيل شيلتك! ما تشوفي حياتك انا مالى انا!
رقية بدموع وصوت عالي..وانا مالى! هو انا كنت امه ما امه ترجع لابوه والموضوع ينتهي بتدخلوني انا ليه
الام بحزن..يا بنتي مش انت مكنتيش عايزة تتجوزي! اتجوزي يوسف وهو مش هيزعلك صدقيني ومش هتندمي يا رقية
الاب وهو بيضرب داليا قلم..انت ازاى كده! انا ازاى معرفتش اربيكي كده!
داليا بصوت عالي..اهو ده اللى حصل بقا وخلوا ست الشيخة دى تتصرف مش هرجعله يعني مش هرجعله ومش اخد الواد منه عشان ميعرفش يشوف حياته ولا هيتجوز واحدة تانية
رقية..انا عارفة يا يوسف انك رافض ال..
يوسف..بس انا موافق اتجوزك يا رقية
رقية پصدمة..نعم! موافق تتجوز اخت طليقتك!
يوسف بتنهيدة..انا موافق اتجوزك انت يا رقية انا مش هكدب عليكي واقولك مش هتجوز بعد داليا لا انا محتاج زوجة ومحمد محتاج أم وانا مش هلاقي أم ليه احسن منك
يوسف..اولا مش عايزك ټعيطي ثانيا ايوة يا ستي هكمل معاكي انت حاولى تنسي انى طليق اختك اعتبريني عريس متقدم لك وخلاص
رقية بجمود.. وانا مش عايزة اتجوز خالص لا انت ولا غيرك واظنك عارف كده من زمان عن اذنك
يوسف بسرعة..طب لو قولتلك ان انا ومحمد محتاجينك فى حياتنا!
رقية بدموع..مش هقدر يا يوسف مش هقدر صدقني
يوسف..هنقدر سوا انا ومحمد معاكي
رقية بتردد..ب بس داليا
يوسف..مالها داليا!
رقية ..هتحنلها فى يوم! هتندم انك اتجوزتني بعدها!
يوسف باستغراب.. واندم ليه! انا محتاجك فى حياتي وبعدين انت عارفة ان اختك التعامل معاها صعب وانا للاسف ربنا محطش حبها فى قلبي بس ربنا يعلم انى كنت بعاملها بكل احترام بس هيا اللى قررت تبعد..
رقية بحيرة..مش عارفة يا يوسف بس انا خاېفة
يوسف..اوعدك اطمنك وهفضل معاكي دايما..
رقية بجدية.. انا موافقة يا يوسف بس مش عايزة فرح وكمان..اااا
يوسف..كمان اى يا رقية! قولى اللى انت عايزاه
رقية..داليا..ملهاش علاقة بينا بعد النهاردة هتفضل اختى مهما عملت بس انت متحتكش بيها ولا ليك كلام معاها..
الاب.. اللى انت عايزاه كله هيحصل يا رقية..بس يا بنتي تفرحي زى اى عروسة
رقية.. لا يا بابا..انا قبلت اتجوز يوسف عشان محمد بس اى حاجة تانية ملهاش لازمة
الام بدموع.. سامحينا يا بنتي ڠصب عننا والله
الاب بيحضن رقية.. يوسف ابن حلال وطيب يا رقية وانا متأكد انكو هتبقوا مرتاحين سوا..
رقية بجمود..خليكوا متأكدين انى عمري ما هشتكي منه وده عشان خاطر محمد بس ولا عمري هطلب الطلاق زى داليا هستحمل عشان اهرب من لقب عانس على رأي اختى
الام بدموع..لا يا بنتي متقوليش كده ده انت ست البنات
رقية بجمود..اختي شايفاني عانس يبقا مش هستغرب حاجة من الباقي بس عرفوها ملهاش دعوة بيوسف ولا محمد من النهاردة
داليا بتدخل وهيا بتصقف ليها..لا براڤو الاخت المضحية بقا وكده! طب ما كنتي تقولي ان عينك على جوز اخت..
رقية بتضربها بالقلم..متنسيش انى اختك الكبيرة ومتنسيش يا ست داليا انى كنت رافضة الجواز قبل سيادتك ما تتجوزي وحتى بعد ما اتجوزتي مفكرتش اتجوز
متابعة القراءة
