رواية طليق أختي بقلم.آية زين.الجزء الأول
المحتويات
بيمسكه من هدومه..ولااا متعصبنيش قوم فز نصالحها..
محمد..يا يوسف بقا..
يوسف بيحضنه..يلا يا حبيبي نصالح ماما عشان شكلنا كده زودناها المرة دى
محمد..طب يلا بسرعة يلا
يوسف ومحمد بيروحوا يدوروا على رقية يلاقوها فى اوضة محمد
محمد بدموع..اسف يا ماما
رقية بتمسح دموعه..متعيطش يا حبيبي خلاص انا اللى اسفة عشان اتعصبت عليك روح جهز الالعاب برة على ما اجي انا وبابا
يوسف بيقعد جنب رقية ويسحبها لحضنه..بنتي حبيبتي زعلانة ليه!
رقية بتمسك فى هدومه..مفيش يا يوسف مش زعلانة ولا حاجة..
يوسف..احكي ليوسف صاحبك وهيشوفلك حل ولا نجيب بابا يوسف!
رقية بتبص في عينه..اهم حاجة انى احكي ليوسف عشان انا متأكدة ان يوسف هيسمعني ومش هيضايق من رقية بنته وصاحبته وامه صح!
رقية بدموع..ماما كلمتني امبارح ولما سألتها على داليا قالت ان حياتها مع احمد صعبة اوى داليا مشتكتش لكن الجيران هناك بيسمعوا صوت صواتها من ضړب احمد ليها انا قلبي واجعني عليها اوى
يوسف بيمسح دموعها..انا مش هقولك متزعليش عشانها مهما حصل دى اختك لكن هيا اللى اختارت كده وحتى لو حاولنا نساعدها مش هتقبل كده اختك هتحس اننا شمتانين
يوسف بيطبطب عليها..انت ضي عيني من غيرك مكنتش هعرف اكمل انا ولا القرد اللى برة ده
رقية بتضربه..متقولش على ابني قرد
يوسف..بقا كده يا ماما! بتحبي محمد اكتر مني! انا ابنك الكبير على فكرة..
رقية بتحضن وشه.. انا مش عارفة اعبرلك عن مكانتك في قلبي..بس كفاية اقولك انك عندي بالدنيا..
رقية بتنهيدةبس هنعمل اى فى موضوع الشغل ده يا چو! لولا ان اصحابك بيطلبوا منك تصاميم وبتعملها فى البيت هنا ومشغول بيها كان زمانك زهقت
يوسف بمغازلة..وهو فيه حد يبقا معاك يا باشا ويزهق! ده انا على عيني انك تبعدي عن عيني لحظة وبعدين هنلاقي حل ان شاء الله لولا انى وعدتك انى مش هدخل فى مشاكل مع احمد ده كان زماننا خلصنا من الحوار ده من زمان
يوسف.. قولي يا بت ونشوف سوا اتحفيني
رقية.. انا كان نفسي اوى من وانا صغيرة اني اعيش فى اسكندرية فإيه رأيك نبيع الشقة دى ونشوفلنا أرض فى اسكندرية نبنيها جزء يبقا لشركة وجزء بيت لينا ايه رأيك!
رقية بسرعة.. جدا يا يوسف..جدااا
يوسف..طب ايه الطعامة دى كلها اهدي عليا كده خلاص يا ست طب اى رأيك نشوف على النت الأماكن اللى ممكن نشتري أرض فيها وبكرة نهرب انا وانت والواد محمد ونروح اسكندرية نتفسح ونشوف الارض!
رقية.. بجد يا يوسف!
يوسف.. بجد يا عيون يا يوسف هنقوم نتغدى وبعد كده نبدأ نشوف الاراضي يلا يا ماما طلباتك اوامر اصلا
احمد..انا مش قولت مية مرة ارجع من برة الاقي الاكل جاهز! ولا انت مبتفهميش!
داليا بتعب.. كنت تعبانة يااحمد والله..يعني افضل طول النهار مع امك تحت اخدمها واعملهم الأكل واطلع اروق شقتي واعمل اكل تاني! انا تعبت
احمد..اهو ده اللى عندي..وبعدين انا خسړت فلوس كتير على حوار يوسف ده..عايز فلوس
داليا..مبقاش معايا غير 15 ألف..هتاخدهم هما كمان!
احمد بخبث..اه مش انت اللى عايزة ټنتقمي من يوسف ورقية! وبعدين لسة فيه دهبك كمان
داليا بغل..اه عايزة انتقم منهم مش عايزاهم يتهنوا فى حياتهم عايزاهم يتلهوا بمشاكلهم عن ابنهم ده تخيل انه بقا بيقول لرقية يا ماما!
احمد بسرعة..هو انت بتكلمي رقية!
داليا..لا طبعا دى ماما كانت بتكلمني وهيا عندها وسمعته بيقولها يا ماما بس بتسأل ليه!
احمد..عادى بس هو انت مدايقة ليه! اى عايزة ابنك تاني! بس اعرفي انى مش هستحمل اربي ابن غيري اه
داليا..لا طبعا لو ده هيخليني اخسرك خليه معاهم اهو يشيلوا همه على الأقل
بعد اسبوع
يوسف..طبعا انا اللى هصمم البيت..تعالى هنا بقا قوليلي اللى انت عايزاه عشان ارسمه
رقية.. ما تعمل اللى انت عايزه يا يوسف مش مهم
يوسف بيشدها جنبه..لا مهم اللى انت عايزاه هيتعمل..
رقية بهزار..طيب بس معاك فلوس يعني ولا هنشحت فى الاخر!
يوسف بضحك..لا يا اختي متخفيش الفلوس اللى فى البنك وفلوس البيت ده ده لما نبيعه هيبقا كله تمام..تعالى بقا عرفيني انت عايزة ايه
يوسف..خدي امضي هنا يا روكا يلا..
رقية..يا خراشي! هتطلقني يا يوسف!
يوسف يضربها على دماغها..متقوليش كده تاني امضي بس
رقية..لا يا عم لازم اعرف همضي عل..ناااعم ازاى تعمل كده يا يوسف!
يوسف ببرود..وانا عملت اى يا قلب يوسف!
رقية..بتكتبلي نص الشركة ليه! هو انا كنت قولت عايزة حاجة!
يوسف بيمسك ايدها..لاوعمرك ما كنتي هتطلبيبس انا عايز اعمل كده انا مجبتلكيش شبكة ولا
متابعة القراءة
