سكريبت بقلم سارة
المحتويات
عروس للبيع بقلم سارة
..وأنت بقا يا حبيبتى بتشتغلى
..اه أكيد بشتغل ممرضة على قدى وبفكر أعمل دكتوراه إن شاء الله
..الله لازم تفكرى فى الجواز هو الواحد هيعيش طول عمره لازم تتجوزى!
..والله يا طنط أهو اللى حصل بقا
انا هنا أتخرجت السنة اللى فاتت من كلية تمريض وعايشة مع ماما وأختى سهيلة وعيالها لأنها مطلقة.
..عيب يا هنا دى تبقى طنط فاتن صحبتى من زمان من أيام المدرسة بس هى ربنا كرمها وأتجوزت مستشار وعيشتها بقت فى العالى ربنا يرزقها ويرزقنا
..اه هو حضرتك منديانى فى حاجة
..تعرفى طنطك فاتن جايلنا ليه
..أكيد عشان تشوفك وتحقق معانا شوية
..يوه الواحد ميعرفش يغلبك فى الكلام لا يا فالحة دى جاية تطلب القرب
..سهيلة إيه هى عاوزاك إنت لأبنها خالد الراجل شغال شغلة حلوة وكيل نيابة و...
..وإيه أنت عارفة إن رافضة الجواز
..يا بنتى ده محترم و هما عيلة كبيرة بس المشكلة إن...
..قولى يا ماما
..هو أرمل وعنده بنت انا قولتلها إننا مش هنقبل اه غير لما نشوفه ونعرفه الأول اه الأصول أصول
..بصى يا بنتى هقولك من الأخر انا خلاص كبرت وخاېفة عليك من بعدى وأختك زى ما أنت شايفة مطلقة ومتجرجرة فى المحاكم يعنى القرش مبقاش يكفى
..وشغلى قصر
..يا بنتى شغلك ولا بيكفى خالص انا عاوزة أرتاح وأشوفك عروسة وفيها إيه لما تشوفيه مش يمكن كويس وتكونى خدتى ثواب تربية يتيمة
تانى يوم حضرنا البيت وجاه هو أمه وأخته أول ما دخلت كنت باصة فى الأرض وساكتة.
..نسيب العرسان مع بعض فكيها ها
..أحم انا خارجة بقا
بصيتله وأول ما شوفته لقيت واحد منطفى راجل ثلاثينى تحت عيونه أسود واضح عليه الحزن لبسه رسمى الى حد ما.
..عاوزة تسألينى أى اسألة
..اه ليه جيت تتقدملى!
..أيه السؤال الغبى ده أكيد عشان عاوز أتجوزك
..لاء مش بحبك عشان أكون صريح معاك انا كنت بحب مراتى بس ده ميمنعش إن هعاملك بما يرضى الله بس قبل ده انا مش هقدر أشوفك زى هدى الله يرحمها مش هقدر أفتح قلبى لأى ست من بعديها
..طب وأنت معذب نفسك ليه جيب مربية أسفة مش هقدر أكون خدامة ليك
..ماشى ده حقك مقدرش أغصبك وانا قولتلك عشان مظلمكيش لو أتجوزنا وانا لو عاوز مربية كنت هجيب لكن انا عاوز أم لبنتى تعوضها عن اللى فقدته
..ممكن أفهم ليه رفضتيه يا بنتى ده عريس لقطة هو عشان بنته ده انا شوفت صورتها عندها تلات سنين يا حبة عينى صغيرة
..انا محبتهوش عادى
..حرام عليك يا بنتى والله ضيعتى فرصة من إيدك
ماما خرجت ودخلت أختى سهيلة ...اه ما هما بيبدلوا.
..قوليلى بقا وبصراحة
..عاوزنى خدامة لبنته مربية يعنى
..هو قالك كده
..قالى مش هقدر أشوفك مراتى زى اللى ماټت وقالى أنه بيحبها
..والبنت الصغيرة مين عارف مش ممكن تكونى سبب تغيرى حياتهم يا هنا دول ماتوا وجود ست فى حياتهم هينعش قلبهم لما تكونى فى حياته مش ممكن قلبه يدق من تانى
صعبان عليا أوى الطفلة الصغيرة أينعم تفكيرى مش فى الجواز ولا الحب بس حسيت إن موافقتى عليه ممكن تكون تضحية كبيرة ..الأيام مرت على الحدث ده وماما صحتها فى النازل كان حاجتها للعلاج بيزيد ومرتبى مش مكفيها لوحدها ولا مكفى أختى بعيالها ولا مكفينى.
..انا هدور على شغل
..لا يا سهيلة تدورى إيه عاوزة طليقك يمسك فى الفرصة وياخد العيال
..هنعمل إيه أمك صحتها فى النازل و لازم لها دوا و أنت يا حبيبتى شغالة ليل ونهار ومش مكفى
سكوت تام مفيش أى حلول أختى كانت بتبيع من دهبها لحد ما خلص والى ان لقيت ماما داخلة فرحانة.
..هنا تعالى يا حبيبتى متقدملك عريس والمرادى بقا ولا أرمل ولا غيره ده لسه أعزب
..مين ده يا ماما
..بيقول انه عارفك وشغال معاك دكتور وإسمه فايز
أفتكرته فايز شغال دكتور معانا بس اللى بسمعه عنه
متابعة القراءة
