طيف مالك.
المحتويات
طيف مالك..
بارك الله لكما وبارك عليكما وجمع بينكما في خير
_دي اوضتك كلها ٦ شهور بظبط ونقولهم اننا مش متفاهمين ونطلق فاهمه
_على اساس اني دايبه فيك يا مالك وھموت افضل عايشه معاك
_تعرفي لو متكلمنيش معايه بادب ها
_هتعمل ايه ان شالله روح بس كدا اقعد على جنب انا داخله اتخمد
دخلت الاوضه لبست بيجامه بيبي بلو وفكيت شعري وجبت روايه وقعدت اقرائها اه صح نسيت اعرفكم بنفسي انا طيف٢٠سنه واللي كنت بكلمه بره دا جوزي مالك عندو ٢٤ سنه
_اييييه حد يصحى حد كدا.
_بت انتي متعليش صوتك
_هتعمل ايه يعني لو عليت صوتي.
_بت خلصي وتعالي اعمليلي فطار
_متقوليش يبت وروح اعمل فطار لنفسك
_أنا قولت قومي اعمليلي فطار.
_اطلع برره الاوضه مش هعمل حاجه اطلع بره.
وفعلا خرج بره الاوضه وانا طلعت شوكلاته من شنطتي وكلتها يارب يفطس من الجوع بعديها بشويه قولت اخرج اشوفو خرجت لقيتو نايم على الكنبه وباين انه معرفش يعمل اكل حسيت بندم اني معملتلوش اكل دخلت حضرت له اكل وروحت اصحيه.
كان نايم شبه الأطفال شعره نازل على عينو شعرو طويل بطريقه حلوه ملامحه جذابه مش اسمر ولا ابيض قمحاوي يعني فوقت من سرحاني لما فتح عيونه ايه يا ابني العيون دي عيونه عسلي فيها لمعه كدا حاجه قمر هو انت حلو كدا ازاي يا جدع
_أنا عارف اني قمر بس مش لدرجه دي
_قمر ب الستر يا عومري
_احم حضرتك الاكل
_بجد اومال من شويه مكنتش عايزه تعملي يعني
_على فكره انا عملت لنفسي بس قولت اخليك تاكل معايه
_ولله ماشي ياستي وانا هروح اكل
قعدنا كلنا معا بعض وانا كنت بصه له وسرحانه برضو مكنتش اتمنا انو يتغصب على الجوازه مالك ابن خلتي كان مسافر يكمل تعليم بره مصر ولما رجع خلتو أصرت عليه أنه يتجوزني علشان بتحبني و شيفاني زوجه مناسبه بس مكنتش اعرف انه مڠصوب انا بحبه من وانا صغيرة ومكنتش اتمنا اننا نطلق ونسيب بعض بس انا مش بحب اجي على كرمتي
_هه لا مافيش
باكل اهو
_طيب بعد ما تخلصي اكل اجهزي علشان العيله جايه.
_تمام
خلصنا اكل شلت الأطباق ودخلت لبست فستان وفرت شعري وحطيت ميكب خفيف وخرجت لقيته قاعد قدام التلفزيون واول لما شفني تنح وقام وقف قدامي
_مالك في ايه
بتوهان _انتي حلوه كدا ازاي يا طيف
قطعنا صوت الباب فتحنا لقينا العيله جت فضلنا نهزر كتير وهو كان جنبي وبيهزر معايه وكل لما اخوه عمار يهزر معايه القيه بيبصلي بعصبيه اليوم خلص العيله مشيت
_عايز افهم انتي ازاي تهزري معا عمار كدا
_مالك عمار اخويا الصغير وكمان احنا على طول بنهزر معا بعض كدا
بعصبيه_لا انتي دلوقتي مراتي ومينفعش تهزري معا اي راجل غيري
_بتعيطى ليه دلوقتي
_علشان انت زعقتلي
مسح بدموعي ب ايده
_خلاص متعيطيش انا اسف
_مش هتزعقلي تاني
_مش هزعق تاني
_ماشي
_ايه رايك نطلع نقعد ف البلكونه انا وانتي
بفرحه _اوكيه وهعملنا نسكافية
_مستنيكي
روحت عملتلنا اتنين نسكافيه كنت فرحانه لانه بدأ يتكلم معايه يارب يحبني انا بحبه اوي خرجت له البلكونه لقيته قاعد اول لما شافني ابتسم لي
_تسلم ايدك
_الله يسلمك يا مالك
_ايه رايك نبقا صحاب
_بجد
متابعة القراءة
