اسكريبت بقلم الاء هاني
المحتويات
اصلا دا يكون تفكيرك من امتى و انت بتحكمى على حد من اهله كانوا ايه و لا خريج ايه و لا بيشتغل ايه انا مربتكيش على كدا انت بدأت تبقى زى هشام هينسيك تربيتك و أخلاقك و أحلامك هينسيك اصلك و طيبة قلبك انت بقيت قاسېة اوى يا عائشة بس فى الاول و الاخر انا بنصحك و بس و انت ليك حق الاختيار
عائشة بابتسامة و انا اخترت يا بابا و متخافش انا مش هتغير هفضل انا متقلقش بس عايزة اشوفكم فرحانين يا بابا بلاش تحسسوني انى مذنبة
انت فى دماغك ايه طيب عايز افهم
تفهم ايه
عائشة عائشة يا هشام عائشة
هشام بضحك مالها عائشة
على ولاااا متجننيش اقنعتها ازاى دى و لا انت رايح تخطبها كدا ازاى انا مش فاهم بقى الشيخة عائشة قبلت بيك انت طب ازاى
هشام ببرود عادي
على انت مهددها بايه
هشام بدهشه مهدده ايه
هشام عادى قولتلها انى بصلى و السجاير اتفقت معاها انها تساعدني ابطلها
على بضيق انت بتبنى حياتكم على كدب هى مش شبهك و لا انت شبها بعدين دون عن كل البنات راح تختارها طب ليه
هشام عائشة غلبانة مش هجيب واحدة تقعد تقولى المستقبل و المرأة و انت و انا و اهتمامت خزعبلية عائشة أقصى اهتمامها تصلى فى وقتها و تطيع جوزها يعنى لما اجى اقولها اقعدى من الشغل هتقول حاضر مش هيبقى عليا رقيب و بعدين مناسبة لحد كبير اعرف اديها الأمان لكل حاجه مش هقلق منها فى يوم
هشام مش بالمعنى الحرفى
على دا انت نهايتك هتبقى سودة اتق الله
هشام بضيق بقولك ايه يا على خلصنا اكتم بقى
على اتكتمنا
زينب انت هتسبها كدا يا محمد
محمد بهدوء اعمل ايه يا زينب راكبه دماغها سبيها تجرب و تتعلم و ادخل انت و خديجة ساعدوها علشان تخلص الناس كلها ساعتين و هتيجى
محمد بابتسامة ابتسمى هاا
زينب حاضر
عدى الوقت و هشام و عائلته جاهم و المعازيم كمان
سهير بضيق ملقوش غير المكان الزباله دا
سمير بضيق احترمى نفسك انت فى بيتهم
سهير بسخرية بيت ايه بس احنا على السطح يا سمير
سمير بهدوء والله المكان مش عاجبك كنت انت و ابنك اعملوها فى مكان يعجبك بس انت سبتلهم كل التصرف يبقى تسكت كفاية ابنك اللى مش فاهملوا راس من رجلين و اسكت و ابتسمى علشان أهلها جايين علينا
سمير ابتسم وقال بنورك يا ابو العروسة
محمد بابتسامة عن اذنك اسيبك لضيوفك و اشوف ضيوفى
سمير طبعا
فى الكوشة
هشام بضيق احنا مش اتفقنا انك تقلعي الخمار دا
عائشة بهدوء و انا قولت لا و بعدين احنا مش
متابعة القراءة
