اتنين في واحد ايمان شلبي
المحتويات
شبه الغوريلا بودانك دي
عيونه اتحولت للون الأحمر وعروق رقبته برزت وجز علي أسنانه وهو بيقولي من بيه أسنانه
شيلي ايدك يا انسه وإلا هتشوفي تصرف مش هيعجبك
بلعت ريقي بصعوبه وقلبي اترعش پخوف من هيئته وكأنه شخص تاني غير بتاع امبارح
زعق فيا جامد لدرجه اتنفضت ورجعت خطوه لورا بذهول
ابعدي ايدك عني
رفع صباعه في وشي بتحذير
قال جملته ولف وكان هيمشي بس وقف تاني ولف يبصلي من فوق لتحت
ونصيحه للزمن قبل ما تعملي تصرف متهور زي ده تاني ابقي فكري ميه مره عشان مش كل الناس محترمه زي
خلص كلامه ومشي وانا واقفه مش فاهمه اي حاجه!
قعدت مكاني علي اقرب كرسي وانا ساكته مبنطقش حرف
هزيت راسي بنفي وشرود
لا
هو انتي متأكده أن ده العريس اللي كان متقدملك ما يمكن واحد تاني شبهه
هزيت راسي بنفي وانا برد پجنون
لا انا متأكده أنه هو والله هو ده حتي كان لابس نفس القميص ده امبارح
واحده صاحبتي بتفكير
طب ما يمكن ليه اخ توأم
توء جارتنا قالتلي أنه ملهوش اخوات
بس ده شخصيته شكلها قويه عن الشخص اللي حكيتي عنه امبارح
هبدت علي الطربيزه اللي قدامي بعصبيه
ماهو ده اللي هيجنني ده شخص وده شخص تاني خالص
امممم تفتكري مكانش عايز الجوازه وعمل كده عشان يطفشك
رديت بتفكير وحيره
تفتكري
جايز
اتنهدت بحيره وانا بفكر وفي كم اسئله جه في بالي في الثانيه الواحده وللاسف مفيش اي اجابه!
بلعت ريقي بتوتر
د دلوقتي
ايوه يلا بينا عشان الدكتور ده صعب اوي
هزيت راسي وحاولت مفكرش في الموضوع لانه كده كده خلص وهو أخد اللي فيه النصيب امبارح
وصلنا المدرج لقينا زحمه شباب وبنات واقفين بيتفرجوا علي حاجه مش عارفه ايه هي
هو في ايه
واحده من البنات بهيام
ده مروان بيضرب واحد
ومالك فرحانه كده وكأنه بيكرمه
مسكت خصله من شعرها ولفتها علي صوابعها وهي بتميل برأسها علي كتفها
عشان هو جنتل اوي وقمر اوي وسكر اوي ادعولي اتجوزه يابنات
واحده تانيه پشراسه
لا أن شاء الله لا يتجوزني انا يارب
واحده تالته وهي بتبصلهم بقرف
ولا انتي ولا هي مروان بيحبني انا ووعدني بالجواز
اوماااااااي جاد بتهزري وعدك أمتي هو وعدني انا وقالي أنه بيحبني ياكذابه
نوووووو مروان بيحبني انا
نوووو بيحبني انا.
لا انا
انا
قاطعتهم وانا پصرخ
بااااااااااس خلاص انا اللي اكلت الجنبه اخرسي منك ليها
في الآخر تلاقي سي مروان ده عامل شبه القرد
الكل سكت والزحمه بدأت تتلاشى وظهر مروان وهو بيجر واحد وشه مش باين من قفاه من كتر الضړب
اول ما شوفته وقفت تنحت وانا برمش بعيني اكتر من مره
الاه الاه
واحده صاحبتي بذهول
انتي متأكده أن ده هو اللي كنتي بتحكي عنه أبو لبانه
زي مانا متأكده اني شيفاكي كده !
غمزتلي بمشاكسه
طب مش بتفكري تغيري رأيك
كنت لسه هرد عليها بس لقيته بيبصلي بنظره مرعبه خلتني اترعش من الړعب
مسكت في دراع صاحبتي وانا بهمس پخوف
امانه عليكي لو جرالي حاجه تقولي لامي اني بحبها وقولي للواد اخويا ان انا اللي كنت باكل المانجا بتاعته اللي في التلاجه وأبويا ابويا قوليله اني كنت ساعات بكذب عليه واخد منه فلوس زياده عشان اجيب بيهم اكل لنفسي و....
وقفت كلام وبلعت ريقي بصعوبه اول ما جه وقف قدامي
انتي ايه اللي جابك هنا
انا ا انا اصل ا اصل يعني
رد بضيق
اصل ايه انجزي معنديش وقت لسه في خڼاقه تانيه
احم ط طب ربنا معاك ويقويك حقيقي انت بتتعب بارك الله في امك
برق ورد بعصبيه
ايه
اقصد يعني بارك الله في ام حضرتك
رجع رأسه وعدل هدومه بغرور
اه إذا كان كده ماشي
همست بقرف
الله يعينك علي المهلبيه اللي في نفوخك
ربع ايده في بعض وبصلي من فوق لتحت
مقولتليش برضو ايه اللي جابك هنا
ابتسمت ابتسامه صفراء
جايه اصيف
هنا بيقولوا البحر في المدرج ده حكايه
جز علي أسنانه ورد بغيظ
انتي بتستظرفي
والله علي حسب هستظرف انت كمان وتكون فرفوش ولا هتديني بحاجه فى دماغي
ابتسم ابتسامه بارده وكلها خبث وهو بيمشر دراعه
لا انا مفيش حد فرفوش زي متقلقيش هراعي انك بنت وهضرب براحه
شهقت شهقه شعبيه وانا بلوي بوقي
نعممم ياخويا تضربني ليييييه هو انت مفكر اني هسيبك تضربني واسكت ده
متابعة القراءة
