جواهر الجبل بقلم زهرة الربيع

مش بالفلوس هتحس بالذل كل ثانيه لما تعرف انت قد ايه بقيت محتاجلي ومتقدرش تبعد ولا هسمحلك تقرب هخليك الاسم خاتم في صباعي بس في الحقيقه مقبلش بيك جزمه في رجلي
جبل ضحك بشده وقال.._ ده حلم الضهريه مش كده على العموم حبيت قوي التحدي ده ولو انك كده كده خسرانه بس هسيبك تلعبي يا شاطره
جبل قال كده ومشي وجواهر بقت تبص لطيفه پغضب رهيب
في اليوم التاني كانت التجهيزات لكتب كتاب جبل وجواهر وبعد دعوة اكتر من ٥ تلاف شخص محدرش منهم حضر ابدا وكلهم كانو رافضين يحضرو مهزله تانيه اخرها انهم اضطردو من جبل
جبل كان قاعد جمب جواهر والاغاني شغاله والفرح جميل جدا ومنسق بس مفيش حد من الحضور الا اهلهم بص لجواهر بضيق شديد وقال.._ شايفه فرحك عامل ازاي ده لو بومه بتتجوز مش هيبقى فرحها كده
جواهر بصتله بغيظ وقالت.._ لا عادي على فكره لو البومه بتتجوز غراب مستحل حد يخاطر ويحضر فرحهم مش عارفه انت ازاي اصلا متوقع ان حد يعبرنا بعد عمايلك
جبل بصلها پغضب وقال.._ ياسلام وبالنسبه لعمايلك انتي كانت ايه..
جواهر اتنهدت وسكتت هيه وجبل وفضلو شويه بسيطه وبعد كده دخلو بزهق وطلعو على اوضتهم پخنقه جواهر رمت الطرحه على الارض وقالت .._ شايف لتاني مره يبوظ فرحي بسببك اجمل يوم في حياتي بقى يوم اهبل جدا والبركه فيك
جبل ضحك بسخريه وبقى يقلع بدلته وقال.._ هو يوم انهارده بس اللي اهبل ما الحوار كله اهبل اتأقلمي مع الهبل يا جواهر لانه هيبقى بالنسبالك اسلوب حياه
جواهر نفخت بغيظ واخدت هدوم ودخلت الحمام وهيه متغاظه منه جدا بعد شويه خرجت وسمعت جبل بيتكلم في التليفون واتفاجأت باللي بيقولو كان بيقول.._ يا حياتي متزعليش قولتلك كنت مع ماما في الدكتور اه علشان كده اتأخرت عليكي بس اكيد هاجي بكره انا اصلا ھموت واشوفك
جواهر قربت منو بدهشه وقالت .._ يا حلاوتك انت بتكلم مين هات التليفون ده
وسحبت منه التليفون فجأه وجبل كان بيحاول يمنعها بس مسمعتش كلامه اخدت التليفون وقالت.._ الو ايوه يا حببتي انا مين انا مراته يا قلبي اه اتجوز يا حببتي وبلاش تلزيق بقى روحي شوفيلك حد فاضي
جواهر قالت كده وقفلت في وشها وبصتله پغضب وقالت.._ وانت هما ربع ساعه ادخل الحمام اطلع الاقي الدنيا خربانه ومامتك في الدكتور طب كنت قولي كنت قولتلها حمد الله على السلامه
جبل كان عايز يضحك على غيرتها بس اصطنع الڠضب وقال.._ وانتي مالك انتي بالكلام ده كله انتي هتعملي مراتي ولا ايه احنا لوحدنا يا حببتي يعني كل واحد حر
جواهر قالت بسرعه.._ براحتك مدام كل واحد حر انا كمان هكلم واحد اعرفه وخليك واقف جمبي اريل كده زي قلتك انت حر
قالت كده ولسه هتمشي مسك ايدها وقال بعصبيه.._ انتي اټجننتي تكلمي واحد يعني ايه لا طبعا انتي تحترمي نفسك وتحترمي الجردل اللي اتجوزتيه
جواهر قالت پغضب .._ لو انا احترمت الجردل اللي اتجوزته انت كمان تحترم المغفله اللي معاك والا انا كمان هعمل زيك فهمت
جبل بصلها پغضب وداس على اسنانه بغيظ وحاول يهدى بالعافيه وقال.._ تمام حلو كده الفتره اللي هنفضلها سوا كل واحد يحترم التاني وربنا يخلص المده دي على خير
جبل قال كده وراح نام وجواهر راحت نامت جمبه وشدت الغطا عليها جبل قعد وبصلها باستغراب وقال.._ انتي هتنامي جمبي ولا ايه
جواهر قالت.._ هنام فين يعني
جبل قال .._ احم..اه صح هتنامي فين انا نسيت الحكايه دي بس يعني احم ننام سوا كده ..
جواهر بصتله جامد وقال بسخريه.._ ايه..خاېف
جبل بلع ريقه بارتباك من نظراتها وقال.._ نعم واخاڤ ليه المفروض انتي اللي تخافي
وبصلها بنظرات وقحه وقال.._ انا..انا بقالي كتير محروم من الحلويات دي 
وحط ايده على كتفها وقال.._ وانهارده ډخلتنا وكله في مصلحتنا
جواهر قامت بسرعه وقالت بارتباك.._ تمام انا هنام على الكنبه اصلا انا عارفه انت بتعمل كل ده ليه مستفز بجد
جبل ضحك وقال.._ ليه بس تعالي ده انا عجبك..واتعبك
جواهر رمته بالمخده وراحت نامت وجبل ضحك عليها وبص بعيد عنها واتنهد وغمض عنيه وبقى يحاول ميفكرش فيها ولا في شكلها اللي كان جميل جدا وهيه خارجه من