راهنت عليك لعبير فاروق الجزء الأول
بنت قاعده ملامحها هاديه جمالها بشع بس فيها حاجه غلط هى حسه كده لبسه نضارة قعر كبايه وسننها طالعه من بقها وشعرها مايل للأسود لونه غريب كانت بتكلم نفسها ضحكت لما قالت كده لان هى بشكلها ولبسها فى مكان زى ده كل حاجه فيها غلط اتنهدت بصوت لقت البنت السكرتيرة بتكلمها وهى رافعة حواجبها بنظرات تفحص من راسها إلى رجليها.
اتفضل أنت متأكد انك عايز مستر آسر..!!
هدهد اتحرجت انها بتكلمها على اساس انها راجل مش ست زيها وتلقئ صوتها اخشن واتعصبت منها.
اااه متأكد ولا عندك مانع..!!
ملك بفضول
وهو يعرفك منين أنت لا شكلك تبع اچنس العربيات ولا تبع الصيانه هااا بقى تعرفه مين..!!
هدهد رفعت حاجب واستغربت على فضولها ولسه هترد آسر دخل وهو بينفخ ومتنرفز من نفسه لأنه مش قادر يفتكر أي حاجه ولا عارف مكان العربيه من كلام آمر وتهديده لفتت نظره بصلها من فوق لتحت هى أول ما شافته قامت وقفت وضړبت تعظيم سلام زى العسكرى دخل مكتبه بدون رد فعل ضړب الجرس وسألها ملك عن هويه الشخص اللي قاعد عندها بلغته إنه بخصوص العربيه قام اتنفض من مكانه فتح الباب وطلب من هدهد الدخول مكتبه.
تشكر يا بيه.
انت اللى ساعدتنا امبارح صح..
هدهد براحه
المساعد ربنا يا آسر باشا وانتوا كنتوا فى ضيقة ولازم اساعدكم.
آسر بامتنان
ونعم بالله بس ده مايمنعش إنك شجاع وراجل جدع أوى بجد مش عارف أشكرك ازاى.
هدهد فرحت بمقابلته كتير واتمنت تسأله عن آمر أو هو يحس ويجى عشان تشوفه اتوترت كتير واترددت تتكلم.
هدهد رفعت إيدها على راسها طبطبت على صدرها تحيه يعرفها السواقين
آسر واقف قدمها بيبص عليها بتفحص وبيسمع كل حرف منها حاسس ان فى حاجه غريبة حاجة مش مظبوته الصوت والشكل مش متركبين على بعض يعنى هو عنده خبره كافيه تعرفه ده وكان تايه فى ملامحها فاق على صوتها فى آخر كلمه بس مش فاهم هى بتتكلم عن إيه.
هدهد اتحرجت تسأله تانى
لا ابدا العربيه تحت وادى المفتاح يلزم حاجه تانيه..
أنت عارف لو فضلت اشكرك من هنا للسنه الجايه مش هوفيك حقك حط ايده على رقبته أنت أنقذت حياتى .. من الغول لو مرجعتش كنت هتقرقش...هههههه
هدهد مجرد تلميح عنه قلبها دق جامد وصوتها ارتعش.
ه..هو.. حضرتك تقصد مين بالغول..
آسر ضحك وطلع مبلغ كبير ويديه لها
لامؤخزه ياسطى فى السؤال أنت فيك حاجه مش مريحانى يعنى بس متزعلش يعنى وشكلك يعنى بص من الاخر كده انت ست ولا نوعك ايه مش عارف..!!!!!!!!
هدهد اعجبت بقوه ملاحظته وابتسمت
أنا بت بس بمية راجل يا باشا.
آسر واقف فى ذهول واعجاب إزاى بنت تبقى سواق مكروباص وتتحط فى موقف زى اللى حصل معاهم وتتصرف صح وتبقى قد مسؤليه مش بتعتها اصلا وتساعد ناس غرب وممكن تتعرض لأي خطړ فى أى موقف ومتخفش وبتتعامل فعلا احسن من ميه راجل وجدعه والأغرب من ده كله ملامحها جميله مهما كانت مخبيها بشويه تراب عمر حسن الماس ولمعته شويه تراب تدارى جماله.
تشكر با آسر باشا أنت اللي سكره ومفيش منك والله.
آسر ضحك على كلمتها البسيطه
هههههه سكره وانتى بقي اسمك ايه متعرفناش..
هدهد براحه لكلامه
اسمى هدهد.
اسمك حلو اوى ماشي ياسطى هدهد خدى بقي دى حاجه بسيطه وبشكرك على وقفتك معانا ليله امبارح وتصليح العربيه.
هدهد محرجة تاخد الفلوس بس هى كتير وعين فى الجنه وعين فى الڼار بس كرامتها وعزه نفسها أكبر من اى مبلع من المال بصتله بفخر وقالت
اعتبرها هديه مني ولا أنا مش قد المقام ..!!
آسر مبهور بجدعنه هدهد فى حاجه شداه ليها هى ايه مش عارف..
بس فضوله هيقتله عايز يعرف عنها كل حاجه بس إزاى واقف ساكت كل الكلام بيدور فى عقله وهى كمان ساكته بس جوها كلام كتير نفسها تنطقه نفسها تطلب منه يخدها ليه او ينادى عليه اهو تشوفه باى طريقه مهو مش معقول تكون فى نفس المكان ومتقبلوش ده ظلم والله..
طب ممكن بقي رقمك يعنى عشان لو حصل حاجه تانى فى عربيتى أكلمك تصلحيها انتى بمعرفتك مهو مش هلاقي اجدع من الاسطى هدهد يصلحها.
هدهد ظهرت ابتسامه مريحه على وشها
سجل عندك ٠١١٠٠٠٠٠٠٠٠ تمام .. سلام انا.
تمام .. سلام يا هدهد بجد سعيد إني قابلت شخصيه زيك في حياتى.
كلامه فرحها جدا.. هدهد
تشكر يا آسر بيه.
خرجت من مكتبه بخطوات بطيئه بټصارع نفسها وتعنفها بتكلم نفسها ومش شايفه قدامها حد غير خبتها التقيله بتكلم روحها پغضب
كتك خيبه عملتى زى اللى رقصوا على السلم لا اللى فوق شافوهم ولا اللى تحت سمعوهم خيبه تقيله عليكى وعلى اللى جبوكى ياهدهد..
وشها مقلوب وزعلانه قدام باب المكتب وفجأه خبطت فى كتف صلب مسكت كتفها بآلم و رفعت وشها بكل ڠضب بس المفاجأة كانت أقوى وأعنف من الخبطه.
