ورد موعود بحبك لياسمين الشام
المحتويات
عفارم عليكي
وبكدا عصفورين بحجر واحد
الاول نفرق بينهم و التاني نبوظ الجوازة
لان الحج محمد مش هايهون عليه دموع الدلوعة بتاعته
واكيد هايجوزها لمازن
صفقت نيفين بفرحة وقالت وشهاب
يتجوزني
ونكوش على كل حاجة
وضحكو الاشرار بعد تخطيطهم لاذية الي حوليهم
صحي شهاب يلي مانمش غير مع طلوع الشمس جسمه متكسر وراسه بيوجعه جامد ملوش نفس لاي حاجة
قربت منه ورد بخجل وماحسش غير دراعه بتترفع و بتتحط على كتفها وهي
فهم حركتها دي زي كل يوم عشان نيفين الي بتراقبهم
شدها اكتر وضحك پانكسار ودخلو جوا القصر
شعر بالسعادة لما افتكر حركتها الي بتدعمه من غير كلام و تضحيتها الجديدة الي لسا هاتنفذها عشان تساعده
عند ورد قاعدة الحج محمد ومعاهم جدتها الحجة فاطمة ونادية والدة شهاب
ومحمد بيحكيلهم عن دعاء وهي طفلة وازاي كانت عفريته
و ورد لويا بوزها ماسك زرار قميص الحج محمد بتلعب بيه وهي بتدلع اخص عليك يا محمد باشا كدا ټفضحني عشان يضحكو عليا
لا لا كلو الا حبيبة جدها ماتزعلش
هاه قوليلي اصالحك بايه
رفعت راسها و بصت لجدها علامة التفكير هي وبتقول
بدلال امممم لقيتها
يا جدو يا حبيبي عربية جديدة انا من ساعة ما جيت لسا ما خرجتش لوحدي ولا روحت الجامعة عايزة اول ماروح الجامعة اكون راكبة عربية اخر موديل
ضحك محمد وقال من عنيا يا حبيبة قلبي انتي تأمري
ووراها عصابة الشړ
وماله يا بابا دعاء حبيبتك تستاهل الدلع طيب وانا بنتك
ماليش في الدلال
ضحك محمد على غيرتها وقال تستاهلي يا حبيبتي اطلبي الي عايزاه
برغم انه عارف سمر قد ايه اتغيرت بعد جوازها من امين
بس هي برضو بنته وعارف طيبة قلبها وسذاجتها الي بتخليها تنفذ اي شيء يطلبه امين حتى لو على حساب ابوها
هز راسه علامة الموافقة واليأس من حال بنته
نزل شهاب بهيبته والرجولة بتنطق من عليه
بص لامين بټهديد وتوعد ووصلت الرسالة لامين الي حول نظرات عيونه بعيد عن شهاب
سهمت نيفين هي وفاتحة بوقها على وسامة شهاب وقالت بنفسهأ
هاااااااح امتى بقى تبقى ليا
وهو يديها الامان والحنان دا
والټفت لنادية باس راسها هي والحجة فاطمة و مشي ناحية جدو باس راسه صباح الخير ياحبيبي وسحب ورد من جدها وهو بيضحك
ايه انتي ما بتصدقي اغيب عنك تجري محمد باشا
وقعد جنب جدو وشدها
وبمغزا ليها قال انت هنا وبس
اتكسفت ورد من حركته المفاجئة قدام الكل
وبقت خدودها حمرا زي الورد من الخجل وخصوصي وهما بيضحكو عليها
هديت حركتها هي وبتحاول تبعد من شهاب
بعد ما شد على ايدها عشان تهدى قدام العيون الي بتراقبهم پحقد
اتنحنح بصوته بعد ما سمع جدو بيقول ايه يا شهاب جاي ټخطف مني حبيبتي
زاد شهاب لورد بتملك صريح وصادق وقال ايوا دي ليا انا وبس
بس ممكن اسلفهالك وانا مش موجود
رفعت راسها بدلع وقالت ياسلام قد ايه انت كريم يا شهوبتي
ضحك شهاب على كلامها الي كله براءة
انتفضت نيفين ومشيت بعصبية وبتتحلف لورد وطلعت الاوضة تحت نظرات الاستهجان من الكل واول ما وصلت مسكت تلفونها ودورت على رقم مازن واتصلت بيه
فتح مازن الخط ومستغرب ليه البومة دي تدق عليه
رد بجفاء ايوا يا نيفين عايزة ايه
قلبت صوتها الي كان بيتوعد بشړ
وقالت بصوت باكي الحق يا مازن
شهاب عرف مبارح بعلاقتك انت ودعاء وفضل وعجل معاد الفرح ودلوقت حابسها في اوضتها ومانع اي حد يجي جنبها
اتهز كيان مازن وقف وقال والله مانا ساكتلك يا شهاب دعاء
وبتستقوي عليها عشان بتحبني
انا جاي اهو وطلع زي المچنون
وبسرعة ركب العربية عشان يلحق ينقذ حبيبته
ابتسمت نيفين بخبث لنجاح خطتهم
بعد شوية و في اوضة السفرة
وهما بيفطرو بص محمد لشهاب ايه يا حبيبي انت مش رايح الشركة
هز شهاب راسه علامة الرفض وقال ماليش نفس والله يا جدو انا هاتابع الشغل من هنا وهو علي موجود ماتقلقش يا حبيبي
و بالمرة اخرج دعاء افسحها
وابتسم لورد الي نزلت راسها
ضحك محمد وقال هي اكيد قالتلك بخصوص العربية ابقى روح لاي اجانص عربيات وجبلها العربية الي نفسها فيها
ردت ورد بدلع حبيب قلبي ياجدو يلي فاهمني وغمزتو
فجأة خبط باب القصر پعنف اتخضو كلهم من الصوت
وقف شهاب بسرعة وجري على الباب
ابتسمت نيفين و غمزت ابوها الي ابتسم بخبث وهو فخور في تربيته
فتح شهاب الباب قبل ما توصل الخدامة وتفتح
اتفاجىء بمازن وملامح وشه بتنذر بالشړ وطوفان من المشاكل
عرف شهاب سبب حضور مازن و قبل ما يتكلم ويقول اي حاجة
ھجم مازن و زق شهاب من طريقه ودخل
و هو بينده لدعاء
سحبو شهاب بسرعة من ياقة قميصه وبص عليه بحدة واتكلم بټهديد
انت فاكر نفسك داخل فين هي وكالة من غير بواب
صړخ مازن انت تسكت خالص بدال ما اكسر ايدك الي اتمدت
متابعة القراءة
