لن اتخلى عنك لناهد خالد

يا أمجد بيعه واخلص بدل وقف الحال ده.
_واخسر قدامه!
_ولما تبقي في الشارع ومش لاقي تاكل مش هتخسر! بيعه يا أمجد يونس مش سهل واحنا عارفينه من سنين لو فضلت علي الوضع ده ١٠ سنين قدام هو مش هيزق ولا هيفرق معاه.
_ابن ال عرف ازاي يجيبني تحت ضرسه.
_أهلا أهلا نورت مكتبي يا أمجد.
اخلص يايونس عاوز ايه
_عاوز ايه أنت الي جاي يبقي انت اللي عاوز!.
_ماشي انا موافق ابيعلك نصيبي.
_حلو.. بس عندي شروط.
_شروط! شروط أيه!!
_هو شرط واحد... تقولي ايه سبب ان ريم مش فاكره حاجه في السنه اللي فاتت.
_انا معرفش.
_تمام وانا مش هشتري.
_عادي هروح ابيع لغيرك.
_محدش هيرضي يشتري ٤٠٪ يا امجد ويبقي تحت رحمة الإداره العليا خصوصا لو الحد ده كان يونس الدمنهوري.
سحب أمجد نفس بعمق وهو شايف يونس بيحصره في عنق الزجاجه زي ما بيقولوا هز رجله بعصبيه وهو بيحاول يتمالك اعصابه وبدآ يفكر.. يونس مش هيتنازل غير لما يعرف الحقيقه وهو مش هيقدر يبيع لغيره والمبلغ الصغير الي كان في البنك آخره الشهر ده وهيخلص وبعدها هيشحت فعلا او هيضطر يبيع العربيه او حاجه من املاكه وكلها حلول مبدأيه.
_ماشي يايونس هقولك.. ريم عاشت السنه دي زي اي سنه غيرها بس.. بس كانت بتاخد دواء معين بيستخدم مع المړضي النفسيين وهو اصلا غالي جدا وجديد مصنوع في امريكا وبينزل بكميات قليله جدا حسب الطلب.
_دواء أيه
_دواء بمجرد ما توقفه بتنسي كل اللي حصل في الفتره اللي خدتها فيه.
_مش فاهم.
_يعني انا بدأت اديه لريم بعد ما كشفتني وعرفت اني اتجوزتها عشان الوصيه وبقي اقناعي ليها انها تنقلي الأملاك كلها باسمي مستحيل ففكرت العب بحاجه تانيه وروحت لدكتور صاحبي دكتور نفسي هو وطلبت منه يساعدني فقالي ع موضوع الحبوب دي وقالي اني ادهيالها لمده شهر مثلا واوقفها هتنام وتصحي هتلاقي نفسها مش فاكره غير اليوم الي قبل اليوم الي خدت فيه الحبوب الي هو من شهر ومن بعدها ابدأ العبها من حته ان مخها في خلل وبينسي وان بعد شويه ممكن يحصل عندها زهايمر وده كان دوره انه هيشرح لها الكلام ده لما الجأله بيها وفي حالتها المضطربه دي امضيها ع التنازل من غير ماتاخد بالها من الورق هو اي بس الي حصل غير ترتيبتنا لاني اكتشفت بعد ما بدأت بأسبوع انها حامل فرجعنا نفكر ولاقيت ان لو وقفت الدواء هبقي بأذي الطفل كمان لأن حالتها هتبقي سيئه جدا بسبب الي هتكتشفه وكمان لاقيت ان الطفل ده ممكن استغله بطريقه تانيه وهو اني اقنعها بعد ماتولده انها تنقل كل حاجه باسمه ووقتها هبقي انا الواصي عليه فكل حاجه هتبقي تحت تصرفي برضو ومنكرش اني فرحت بوجوده يعني انا مش وحش لدرجة اني مفرحش ان هيبقلي ابن من صلبي ويشيل اسمي المهم اتفقنا اني اكمل الدواء معاها لحد ما تولد وفعلا ولدت وبعدها قررت اني خلاص هوقفه بس القدر رجع يعاندني لما حجزوا حمزه في الحضانه وكان لازم ريم تروحله كل يوم تقعد معاه ساعتين وتحضنه عشان يحس بيها قالوا ان ده بيأثر في حالته ونفسيته لو كنت وقفته مكنتش هتبقي فاكره حمزه اصلا عشان تروحله وبس عدت الشهور لحد ما حمزه خرج من المستشفى بعد شهرين ونص روحنا البيت وبعد يومين قررت اوقف الدواء ورنا محطتش لها الحبايه ولما نامت صحيت مش فاكره اي حاجه والباقي هي حكتلك عليه وكل الدكاتره الي روحنا ليهم كانوا تبعي بس دي كل الحكايه الي مش هتستفيد حاجه بمعرفتها.
ضغط علي ايده عشان يتمالك اعصابه وميقومش يكسر عضمه وقال ببرود ظاهري_
_تؤ انت قولت اللي عندك ملكش دعوه هستفاد ايه.
رد بزهق_
_طب ايه! هتشتري ولا هو رغي وخلاص.
_هشتري طبعا ياحبيبي اومال! هو لعب عيال بس بكره هجيب المحامي ونقعد ونمضي ونتفق ع السعر.
_تمام.
قالها وسابه وخرج خبط يونس بايده علي المكتب وهو بيقول _
_يابن ال وديني ماهرحمك.
_اتقبض عليه!.. ليه
_عشان ده.
قالها وهو بيخرج الفون من جيبه وبيشغل مسجل صوتي بكل اللي امجد قاله...
كانت دموعها نازله بصمت وهي مش متخيله انه اذها بالشكل ده وكان ناوي يأذيها اكتر.. بسببه زمان خسړت يونس.. ودلوقتي مش فاكره