حياة أسرت قلبي لعبير سليم الجزء الأول

فاقسك
نور ايه ده اسر بيتكلم زينا
هههههه
اسر طب ياللاادخلى فى الموضوع عشان رايح المكتب
نور فى واحده صاحبتى بتدور على شغل ممكن تساعدها الله يخليك عشان هى غلبانه اوى وملهاش حد
اسر تهمك اوى
نور اوى اوى ياحبيبى
اسر معاها ايه وعندها كام سنه
بص هى عندها تقريبا حوالى اربعه وعشرين خمسه وعشرين سنه
وهى طالبه فى اعدادى طب
اسر وده ازاى يعنى
نور كان عندها ظروف منعتها فترة انها تكمل تعليمها ولما الطروف اتحسنت رجعت تانى
اسر بس دى شاطرة على كده
نور وجدعه اوى يااسور تحسها بنت بلد
اسر طب تعرفى تجيبيها وتجولى المكتب النهارده وحشوفلها شغلانه عند حد من حبايبنا
نور وهى تقبله منحرمش منك يااحلى واجدع اخ فى الدنيا
الا صحيح هى الكونتيسه فين مش باينه يعنى
اسر وليه العكننه دى عالصبح
نور حبيبى وانت ايه اللى مصبرك عليها بس ماتطلقها وترتاح والله انت تستاهل ست البنات
اسر اعمل ايه بس خاېف جنى تزعل منى
نور لسه بتحبها يااسر
اسر بحبها وحفضل طول مافية نفس بحبها
جنى دى اول كل حاجه حلوة كانت معاها
اول ضحكه معاها
اول طعم للفرحه كان معاها
اول مرة اسمع كلمة بابا كان بفضلها
وحاجات تانيه انتى ملكيش دعوة بيها
نور هههههه اه ياشقى
نور طب بقولك ايه يااسور
اسر قولى ياعيون اسور
نور احم احم قصدى يعنى بس متشخطش فية
اسر لا ياستى مش حشخط فيكى عاوزة ايه
نور كنت عاوزة اعرف ازاى انت بتحب جنى الحب ده كله ومع ذلك قدرت تتجوز وكمان كنت عاوزها تخلفلك ولد
يعنى انت ازاى او يعنى كده يعنى زى المتجوزين وانت جوة قلبك واحده تانيه
اسر وليه زى مااحنا فعلا متجوزين
بصى يانور انا حفهمك
فاكرة يانور لما تيته الله يرحمها ماټت انتى عملتى ايه
نور طبعا يااسر دى كانت حبيبتى واكتر حد حبيته فى الدنيا
ده انا كنت حموت
واسر وموتى بعدها
نور لاء مموتش
اسر طب نسيتيها
نور عمرى مانسيتها يااسر مانت عارف انى بروح كل يوم جمعه المقاپر واقعد احكيلها عن كل حاجه واحس انى ارتحت وبعدين ارجع
اسر وبترجعى ازاى
نور برجع جعانه هههههه واضحك واكمل يومى
اسر يعنى حياتك موقفتش بمۏتها ولاحتى اليوم اللى بتكونى فيه عندها بترجعى مش عاوزة تشوفى حد
عارفه ليه يانور عشان دى سنة الحياة
الحياة مبتقفش عند حد ولازم تمشي بس ربنا وحده العالم باللى فى القلوب
اه اتجوزت وعايش حياتى بشتغل وكنت عاوز اخلف كمان
لكن هل ده معناه انى نسيت جنى والله ابدا ولا فى حاجه فى الدنيا ممكن تنسينى جنى الله يرحمها كفايه البنات اللى كل مابشوفهم بشوفها ادامى
لكن العلاقه اللى بتتكلمى عنها دى حاجه فطريه بس لما يكون فيها حب بتبقى حاجه تانيه خالص
يعنى مثلا مع جنى كانت كل حاجه ليها طعم
الحضن ليه طعم
نور اه وايه كمان
اسر ايه ده ايه اللى
انا بقوله ده امش بابت اطلعى برة امشي
نور هههههه هههههه طب متزقش
تخرج نور من الغرفه وهى تضحك بشده فتجد امامها ملك
ملك ايه ياقمر ضحكينى معاكى
نور ولا حاجه ياقلبى
عامله ايه مع فارس
ملك فارس هو فى حد تاعبنى غير فارس
ربنا يهديه ويصلح حاله يارب
نور ملك انتى بتدعيله
ملك وهو انا لو مدعتش لفارس حدعى لمين
فارس ده اول حب فى حياتى ده هو كل حياتى
نور والله مافى حاجه مخلياه يركب ويدلدل رجليه غير القلبه اللى انتى فيها دى يااختى اتقلى شويه خليه يعرف قيمتك
ملك بحبه يانور بحبه
كان اسر يسمع هذا الحوار من الداخل فقد كانوا يتكلمون بالقرب من غرفته وصوتهم كان عالى
فاخذ يحدث نفسه
والله انتى خسارة فيه ياملك انا مش فاهم ازاى فارس يبقى معاه ملاك كده وميقدرش قيمتها
ده اللى زى ملك المفروض تتشال عالراس هو فى حد يطول مراته تحبه الحب ده كله
ربنا يهديك يااخويا يارب
تجرى نور وتمسك بالتليفون وتتصل على حياة التى تنتظر مكالمتها بفارغ الصبر
ترد حياة بلهفه ايوة يانور
نور ايه ياقمر عامله ايه
حياة الحمد لله
نور طب بصي اعملى حسابك تلبسي وتجهزى وتقابلينى بعد ساعتين على محطة ترام محطة الرمل
حياة لقيتيلى شغل
نور لما اشوفك ححكيلك المهم بعد ساعتين بالظبط ومع بعض عالتليفون
حياة تمام يانور ساعتين وحتلاقينى عالمحطه
بعد مرور ساعتين
نور وهى تقبل حياة ازيك ياحياة عامله ايه ياحبيبتى
حياة الحمد لله والله انا اسفه يانور حتعبك معايا
نور متقوليش كده ياعبيطه احنا صحاب
ياللا بينا انا راكنه العربيه فى شارع جانبي
حياة هو احنا رايحين فين
نور خمس دقايق وحتعرفى
تدخل نور مكتب واسع به العديد من الحجرات وكل من يراها يسلم عليهافهى دائمة الذهاب الى مكتب اخيها
ثم تطرق على باب حجرته وتدخل
كان اسر مركز انتباهه فى الاوراق التى أمامه
فرفع راسه على صوت نور
وهى تلقى التحيه السلام عليكم ورحمة الله وبركاته
اسر وعليكم السلام
اتفضلوا ياجماعه
تجلس نور وتجلس حياة ايضا
اسر تحبوا تشربوا ايه
حياة متشكرة اوى
نور لا متشكرة ايه ده اسور الكرم كله
فتقول وهى تضع قدما على الاخرى هاتلنا كابتشينو
اسر وهو يضحك اوامرك ياهانم
نور هههههه
كانت حياة تنظر للا رض فى خجل ولا تشاركهم الحديث
اسر مش تعرفينا يانور
نور حياة اجدع صاحبه فى الدنيا
اسر اخويا حبيبى اشهر محامى فى مصر كلها
حياة وهى تبتسم له وقد ظهرت الغمازة التى بخدها اتشرفت بحضرتك
ينظر لها اسر باعجاب ليس بجمالها فهى كانت كاى فتاة عاديه ليست ذات الشعر الاصفر او العيون الملونه وكانت ترتدى ملابس محتشمه فعلى الرغم انها لم تكن محجبه وكان شعرها به التموجات الجميله ولكنها كانت ترتدى ملابس فضفاضه لا تبرز اى معالم انثويه بها
ولكن ماجذبه لها هدوؤها فى الكلام والغمازة التى ذكرته بحبيبة القلب الراحله
فوجد نفسه يبتسم لها تلقائيا ويقول لها نورتى المكتب ياحياة
نور قالتلى انك طالبه فى كلية الطب
حياة ايوة فى اعدادى طب
اسر طب فى وظيفه معينه تحبي تشتغليها
حياة اى حاجه حضرتك انا كنت بشتغل فى عيادة دكتور
اسر وسيبتيه ليه
خياة انا مسيبتهوش هو اللى ساب الدنياكلها ومشى وترقرقت الدموع فى عينيها
اسر طب ليه الدموع دى واضح انك كنتي بتعزيه
حياة الله يرحمه وقف جمبي كتير وساعدنى كتير لحد ماخلصت الثانويه العامه وكان طول الوقت بيعاملنى زى بنته ربنا يرحمه يارب
اسر ربنا يرحمه
رق قلبه لها ولطريقة كلامهاوبعد ان كان فى نيته ان يرسلها الى احد من معارفه وكم من شخص يتمنى ان يقدم خدمه لاسر التهامى الا انه شعر بانها انسانه طيبه وقرر ان يبقيها معه فى المكتب
تحبي تشتغلى معايا هنا فى المكتب
نور بجد يااسر حتشغلها عندك هيييه
اسر يارب صبرنى
حياة اللى حضرتك تشوفه انا ممكن اشتغل اى حاجه
اسر تمام بصي هنا فى سكرتيرة واحده فى المكتب والشغل بقى كتير عليها وهى طلبت منى اكتر من مرة اشوف معاها حد يساعدها بس انا مكنتش فاضي لحاجه زى دى
فايه رايك تيجى الصبح تنظمى المواعيد وترتبي ملفات القواضى وبعد ماتخلصى اللى وراكى تقدرى تشوفى محاضراتك ولما يكون عندك محاضرات الصبح ممكن تيجى بعد الضهر وهنا المحامين بيشتغلوا فترتين عشان ويدرسوا القواضي فحتيجى تنظمى شغلك وتمشي
حتقدرى على الشغل ده
حياة ان شاء الله حقدر حعمل كل اللى حضرتك تطلبه منى
اسر تمام بس اعملى حسابك مفيش اوامر حتاخديها من حد غيري
حياة تمام حضرتك
اسر قوليلي يا حياة انتى ساكنه فين
حياة ساكنه فى شقه ايجار فى منطقة.......
اسر اه طب تمام فهو يعرف هذه المنطقه التى يسكنها ضعاف المستوى الاجتماعى
طب انتى كده حتعرفى تيجى الصبح بدرى
حياة ايوة ان شاء الله
اسر ممكن بطاقتك الشخصيه وكارنيه الجامعة
حياة اتفضل حضرتك
اسر تمام معادنا بكرة المكتب بيتفتح الساعه تمانيه الصبح والموظفين بييجوا الساعه تمانيه ونص
حياة تمام حضرتك
نور تنظر فى ساعتها
اسر عندك محاضرة
حياة ايوة حضرتك عندى محاضرة بعد نص ساعه
اسر تمام تقدرى تقومى
حياة متشكرة لحضرتك
نور وهى تحتضنه منحرمش منك ياياسور ياحبيبى
وتاخذ حياة وينصرفوا
بينما اسر يتذكر حبيبته الراحله
فلاش باك
جنى اسر انا بتكسف متبصليش كده
اسر بتتكسفى طب قولى الكلام ده لحد غيرى ويغمز لها بعينيه
جنى وهى تقذفه بالمخده بقى كده طب والله لاضربك
وتهجم عليه بينما اسر يكاد قلبه يتوقف من الضحك ههههههه ههههههه خلاص يامجنونه متجوز مجنونه ياناس
جنى دى اقل حاجه عندى عشان تعرف تضحك علية
اسر اموت انا ياناس وبموت اكتر فى الغمازة الحلوة دى بس حاجه غريبه اوى كل الناس عندها غمازتين اللا انتى عندك غمازة واحده
جنى بدلع ايه وحشه
اسر وحشه ايه بس ده انتى قمر هو فى حد قمر كده ياناس
جنى هههههه هههههه
اسر بت انتى حتجننينى
جنى وماله ياحبيبى واټجنن معاك والناس تقول المجانين اهم
يجد اسر نفسه يضحك على هذه الذكريات ويجد دمعه تجرى من عينيه وينظر لصورتها الموضوعه امامه على المكتب وحشتينى اوى ياحبيبتى حياتى بقت كئيبه ملهاش طعم وكفايه البلوة اللى بليتينى بيها نفسي اۏلع فيها اقسم بالله مفيش حاجه مصبرانى عليها غير انها اختك مع انى شاكك والله
الله يحرقها
فى احد اقسام الشرطه
عادل ياباشا انا مليش دعوة بالحاجات دى
دى مش بتاعتى
الضابط نعم ياروح امك ماهى كانت فى شنطتك
عادل معرفش مين حطهالى
الضابط هو كيس لبان حد حطهولك ده كيس بودرة فيه اعدام ياباشا
عادل اعدام ايه ياباشا انا عاوز محامى
الضابط طب تحب نجيبلك غدا بالمرة
انت ياعسكرى خد المتهم ده ارميه فى الحجز
عادل الله يخرببيتك يامحسن
محسن ايه رايك يامزتى ادينى اهوه خلصتك منه
عزة لا يابابا لما اتاكد انه اتسجن
محسن يتسجن قولى يتعدم دى بودرة يوم مايكون القاضي رحيم بيه حياخد مؤبد على الاقل وانتى حتطلبي الطلاق ونتجوز ياوزة
عزه هههههه ماشى ياكتكوت
محسن كتكوت مين ده انا اسد
عزة بكرة حنشوف
فى منزل مصطفى
مصطفى يتحدث الى مالك انا عاوز افهم حاجه دلوقتى هى الحمد لله فاقت وبقت بتتكلم وافتكرت بنتها ليه بقى مش قادرة تفتذر العنوان اللى كانت ساكنه فيه
مالك بص حقولك حاجه عارف لما تنام شويه بعد العصر
وواول ماتفتح عينك وتلاقى الدنيا ضلمه حواليك اول حاجه بتقولها ايه ده الساعه كام انا راحت علية نومه وتفتكر ان الصبح جه وانك اتاخرت على الشغل ويبقى عقلك مش مستوعب انت نمت اصلا وشويه تركيز بتعرف ان لسه اليوم مانتهاش اصلا بس الدنيابقت ليل فبترجع تانى تنام اوتقرر تقوم
عفاف هى كمان بعدت فترة عن الدنيا مش يوم ولا شهر لاء دول اكتر من خمس سنين يعنى عمر تانى
فاقت افتكرت اسم اهم حد فى حياتها اللى عشانها وبسببها دخلت فى الحاله. اللى كانت فيها
دلوقتى هى تايهه مش فاكرة كانت ساكنه فين ممكن يكون السكن ليه علاقه باللى كانت فيه حتى لو بطريقه غير مباشره هى دلوقتى فى مرحلة انها فاقت وبتحاول
تفتكر هى كانت فين قبل ماتكون عندنا بس اطمن ان شاء الله حتفتكر
اطمن يادكتور كله حيبقى تمام
مصطفى يارب يامالك
بس هى لسه تايهه
مالك ياربي عليك مانا عمال اقولك لسه بتفوق
مصطفى ماتيجي تاخدلك قلمين احسن تصدق انى استاهل عشان بتكلم مع عيل زيك
قوم امشي من هنا ياللا امشى
مالك هههههه
يسر خير ياجماعه بتضحكوا على ايه ضحكونى معاكم
مصطفى بقولك ايه خدى دكتور المجانين ده وياللا من قدامى
يسر ايه بس ياابيه هو ملوكتى زعلك فى حاجه
مصطفى ملوكتك والله العظيم انتوا الاتنين حتشلونى ببرود اعصابكم ده
لاء وكمان خليتكم تعيشوا معايا
كنت ناقص اصلي
مالك قول انك زعلان عشان غلبتك امبارح فى الطاوله
مصطفى لا يابابا انا سيبتك تغلبنى بمزاجى عشان الهبله اللى جمبك دى كانت قايلالك لو خسړت حتبيتك برة وانت صعبت علية بس تصدق انى غلطان
يسر هههههه هههههه
قلبك حنين ياطفطف
مالك مين طفطف ده
يسر ابيه مصطفى طبعا اه احسب بتكلمى دكتور مصطفى كنت حزعل اوى انك بتدلعى حد غيري
مصطفى يانهار اسود ده انا وقعت فى ايد اتنين مجانين
امشي يااهبل منك ليها تخفوا