سكريبت لجهاد أشرف
المحتويات
النهاردة بس هو كلامي أثر فيه بالسرعة دي...
خلاص انا مش هفكر تاني ولا كأن حصل حاجة النهاردة ويوم زي اي يوم
نمت من كتر التفكير وصحيت تاني يوم مفيش اي جديد في حياتي بس الحلو في الموضوع إن بكرا اخر امتحان في الترم وابقا خريجة الا ترم.. ياااااه علي فرحتي
چني يونس برا عايزك
طيب انا خارجة
خرجت لقيت ماما ومرات عمي قاعدين
نعم
وقف وابتسم عاملة ايه
اول مرة في حياته يسألني عاملة ايه انا بدأت اشك فيه
الحمدلله بخير... كنت عايزني!!
اه..
كان في شنطة كبيرة جمبه علي الارض مسكها واداهالي
ايه دا
دا شوية حاجات تتسلي فيهم وانتي بتذاكري
يونس ممكن تيجي معايا البلكونة عايزاك في كلمة
اه طبعا.. عن اذنكوا يا جماعة
دخلنا البلكونة واول ما وقفت في وشه اتعصبت
في ايه
في ايه في ايه
وفيها ايه.. اداما مفيش بينا حاجة انتي قلقانة ليه!!
يونس انت في حد بيهددك بحاجة... مبدلينك طيب يعني انت مثلا مش ابن عمي وجايبين واحد غيرك قولي لو في مشكلة وانا اساعدك
قاطعني اهدي يبنتي في ايه
اتعصبت انت اللي في ايه.. امبارح خرجتني والنهاردة جايبالي حاجات عشان اتسلي فيها وانا بذاكر... انت طبيعي بجد!!
تنحت دلعت بنت عمي!!!
بص في ساعته انا همشي دلوقتي عشان عندي شغل وهكلمك اما اخلص وعايزك تذاكري كويس وتجيبي تقدير.. سلام
مشي وسابني واقفة مكاني بستوعب اللي بيحصل... مين ابن المچنونة دا!!
دا اكيد مش يونس دا اكيد واحد شبهه
طب دلوقتي اخرج ازاي قدامهم!!!
بصعوبة عرفت اطرد الافكار كلها وركزت في المذاكرة
خرجت من الامتحان تاني يوم ومتفجأتش المرة دي بيونس لأن بقيت متوقعة منه اي حاجة كان مركز في الفون حطيت الشنطة علي راسي وحاولت اتسحب منه عشان ميشوفنيش بس للأسف....
مش اي حاجة بنتمناها بتتحقق
وقفت واتكلمت بزهق نعم
بتتسحبي ليه انتي مش عايزاني اشوفك!
انت جاي ليه تاني النهاردة وكمان مش كفاية اللي عملته امبارح
طب حقك عليا انا اسف تعالي اخرجك النهاردة كاعتذار
شوفت اهو اهو.. وكمان بتعتذر من امتي وانت بتعتذرلي ها.... لا يا يونس انت مش طبيعي بجد.. قولي لو انت في مشكلة نقدر نحلها من بدري كدا انما بجد انا قلقانة منك ومش مطمنالك الا اما ترجع ابن عمي الحقيقي
وهو انا فلصو!!
بقولك ايه انا ماشية عشان تعبانة وعايزة انام...
قاطعني بقلق
متابعة القراءة
