حب وندم سوليية نصار
...هو كان متاكد انها راحت هناك ..ميعرفش ازاي كانت هتروح وهي مش معاها فلوس بس اكيد كانت هتتصرف ابتسم وهو بيحاول يطمن نفسه أن يمني بتحبه اوووي واكيد هترجعله ...اكيد
وصل هناك وراح بيت العيلة عشان يطلب من جده يتوسطله ...بس اول صدمة كانت أن يمني مجتش هنا اصلا
يعني ايه يمني مجتش هنا
زعق پخوف
انت بتقول ايه يا عمر يمني معاك
سكت عمر فمسكه جده من هدومه وزعق
انطق يا واد يمني فين ...
حط عينه في الأرض وحكي لجده علي كل حاجة وقبل ما يخلص ضربه جده بالقلم ...ومسكه من هدومه وقال
اقسم بالله لو مجبتش حفيدتي لاقټلك وانا جاي معاك ادور عليها
اخيرا افتتحت المشغل بتاعي كنت مبسوطة وانا بحقق حلمي ياااه من كام شهر بس افتكرت أن حياتي انتهت بس سبحان الله دي ابتدت
كنت بتعشي أنا وماما صابرة فجأة الباب خبط ...
قومت عشان افتح واټصدمت لما لقيت جدي وعمر
جدي
قرب جدي وحضني وقال
قلقتيني عليكي يا بنتي ...لولا أن واحد حفيد صديق ليا ضابط مكنتش هلاقيكي ...
ابتسمت وحضنته وقولت
وحشتني اووي يا جدي
بعد شوية جابتلنا ماما صابرة الشاي فابتسمت وانا ماسكة ايد جدي وبتكلم معاه ومتجاهلة عمر تماما كأنه هوا
ضحكت ماما صابرة وقالت
دي بنتي متقولش كده ...
طبطب. عليا جدي وقال
عمر قالي علي اللي عمله فيكي ..
بصيت لعمر ببرود بس جدي كمل وقال
وهو ندمان وطالب انك ترجعيله وانا هضمنلك أنه يصونك
بجد يا جدي تضمن أنه يصوني...تضمن أنه ميعايرنيش باللي عملته ...تضمن أنه ميطردنيش من غير ما يفكر انا ممكن يحصل فيا ايه ...تضمن كده
قولتها وانا بعيط...
فجأة بكي عمر وجه وركع علي ركبته قدامي وهو بيقول
ابوس ايديكي سامحيني أنا اتعاقبت خلاص
بعدت عنه وانا بقول
اسفة خلاص مقدرش انت بقيت من الماضي يا عمر والماضي بنتخطاه مش بنرجعله
بصيت لجدي وقولت
اسفة يا جدي أنا بنيت حياة جديدة وعمر ملوش مكان فيها
باس كريم راسي وقال
بتفكري في ايه
بفكر فيك ...قد ايه عوض ربنا حلو ....
بصتله وقولت
كريم أنا بجد بحبك
وانا كمان بحبك يا عمري وهفضل احبك للنهاية
حتي تحترق النجوم
حتي تحترق النجوم
تمت
حب_وندم
سولييه_نصار
