ريم بقلم عبير سليم
المحتويات
الحلقه الأولى
في إحدى المناطق الشعبيه بإحدى المنازل المتوسطة الحال تدخل الغرفه على ابنتها فتتفاجأ أنها جالسه على فراشها و هي شاردة الفكر ريم انتي لسه قاعده ملبستيش كده حنتاخر يا ريم
ريم ياربي عليكي يا ماما هو انا مش قلتلك اني مش رايحه معاكم
فاطمه كده بردو يا ريم معقوله بردو متحضريش فرح مستر يوسف انتي عاوزاه يزعل منك ده مأكد علينا اننا لازم نحضر كلنا و لو مروحتيش حيزعل منك اوي
فاطمه اللي حيزعله ايه يعني انتي بزمتك مش عارفه غلاوتك عنده ازاي و انه بيعتبرك اخته الصغيره ده انتي مولوده على ايده يا ريم
ريم ييه عارفه يا ماما الكلام ده قلتيهولي مليون مرة و حفظته بس بردو مش رايحه و عالعموم اطمني هو الليلادي مش حيشوف غير عروسته و بس و لا حياخد باله مين اللي راح و مين اللي مراحش فسيبيني بقى فحالي و روحي انتي و بابا و متعطلوش نفسكم
ريم ييه هو بالعافيه مش عاوزة اروح فيها ايه دي ياربي انا مش فاهمه
فاطمه بس انا بقى فاهمه يا ريم
ريم فاهمه ايه يا ماما
فاطمه هاتي عينك في عيني و انتي تعرفي اني فاهمه اللي دماغك ايه يا بت بطني
فاطمه أقصد اللي أنا قلبي حاسس بيه من زمان بس كنت بكدب نفسي و اقول مش معقول دي ريم عيله لسه بتلعب في الشارع و مش معقوله تفكر في مدرسها بالشكل ده أكيد هي بتحبه زي اخوها لكن الظاهر ان شكي كان في محله انتي بتحبي يوسف يا ريم كده و اللا انا غلطانه
ريم
فاطمه اسمعي يا ريم انا لا حمد ايدي عليكي و لا حتصرف معاكي تصرف يزعلك لأني عارفه و مقدره كويس انك صغيره و مش فاهمه حاجه و لا عارفه تخللي مشاعرك تروح في سكتها الصح لكن انا حقولك كلمتين و يارب تفهميهم كويس
يوسف جارنا و عشرة عمرنا كله و زينة الشباب كلهم يوم ما اتولدتي كان هو داخل الثانويه العامه يعني أكبر منك بسبعتاشر سنه ده عمر تاني يا حبيبتي طول عمره بيلاعبك و بيشيلك على كتفه و ياما اشترالك حاجات حلوة و انتي صغيره و ياما عملتيها عليه و بهدلتيله هدومه و لما كبرتي بقى بيذاكرلك مع اخته اللي من سنك و اعتبرك زيك زيها و طول عمره شايل همك عشان عارفك خايبه و بتعدي بالعافيه و لما ډخلتي المدرسه عنده بقى موصي عليكي كل المدرسين و بيقوللهم دي اختي الصغيره و طول عمره بيعاملك عالأساس ده يبقى ايه اللي يخليكي تحبيه و تتعلقي بيه هو كان عشمك بحاجه قالك حاجه
فاطمه عارفه يا ريم عارفه انك حبتيه من غير ما تحسي بصراحه هو يتحب ما شاء الله عليه طول بعرض جمال و أخلاق و كفايه انه مرضاش يتجوز غير بعد ما جوز اخواته البنات و اطمن عليهم ده يتشال عالراس و يستاهل ست البنات بس البنات اللي من سنه يا نور عين أمك اللي تكون اصغر منه بسنه باتنين بخمسه بعشره لكن مش سبعتاشر سنه يا ريم
انا لو علية نفسي اشوفك عروسه النهارده قبل بكرة و بحلم باليوم اللي اشوفك فيه بالفستان الأبيض و بتتزفي لعريسك لكن مش مع اي عريس مع العريس المناسب ليكي يا ريم يكون شاب من سنك تحبوا بعض و تفهموا بعض و يبقى تفكيركم قريب من بعض لكن الكبير ده حتتعبي معاه و مش حتستريحي وياه حتبقي انتي ف وادي و هو ف وادي تاني خالص و كل واحد فيكم حيكون ليه عقله و تفكيره حتبقي انتي لسه عاوزة تجري و تلعبي و تتنططي و تعيشي حياتك و هو شبع من الدنيا خلاص و عاوز يرتاح و يعيش في هدوء و انتي أصلا تجني بلد
و حياتك عندي لبكره تبصي على كل ده و تضحكي و تقولي ايه الهبل اللي انا فيه ده معقوله كنت بحب استاذي انا عقلي كان فين
ريم لا يا ماما مش
معقوله مشاعري ناحيته متكونش حقيقيه انا مبفكرش غير فيه محدش واخد قلبي و عقلي غيره يا ماما
فاطمه قلب مين يا ام قلب ياللي مطلعتيش مالبيضه ده انتي لحد السنه اللي فاتت كنتي بتلعبي في الشارع يا بت قومي يا بت قومي البسي و روحي افرحي لمدرسك اللي فرحه النهارده باركيله و قوليله الف مبروك يا مستر و باركي لصاحبتك على فرح اخوها قومي يا بت الهبله ده اللي يشوفك جمبه بيفتكره ابوكي قومي يا بت العبيطه
تحاول امها تقنعها كتير انها تروح معاها الفرح لكن مفيش فايده فتضطر انها تسيبهاو تروح هي و باباها و اخوها الكبير و هي تفضل قاعده لوحدها بټعيط و بتحاول تقنع نفسها بأن أمها عندها حق في اللي قالته لكن في نفس الوقت قلبها بيقوللها لاء انتي بتحبيه و هو أول حب فحياتي و حتى لو اتجوز و خلف انا بردو مش حقدر انساه و حيفضل في قلبي
تفتح تليفونها و تقلب في الصور اللي متصوراها معاه في المدرسه او في الدرس
و تفكر في كل مواقفه معاها و كل كلامه ليها و ضحكه و هزاره معاها و تقعد ټعيط و هي بتتخيله مع عروسته و هما بيرقصوا و مبسوطين مع بعض في الفرح و هما بيقضوا مع بعض شهر العسل و تفضل ټعيط لحد ما ياخدها النوم و تنام
في اليوم التالي تقوم من النوم و وشها وارم من كتر العياط
صباح الخير يا ماما
فاطمه يالهوي عليكي يا ريم ليه كده بس يا حبيبتي
ريم في إيه يا ماما هو انا عملت حاجه
فاطمه بصي لنفسك في المرايه و انتي تعرفي عملتي ايه
عشان ايه ده كله يا حبيبتي يا بنتي ليه كده يا ضنايا ده انتي ست البنات كلهم و بكرة يجيلك سيد العرسان كلهم و تحبي و تفرحي زي كل البنات
ريم فرحه كان حلو يا ماما و ميس سوزان كانت حلوة زيه
فاطمه فرحه كان جميل و هو و عروسته كانوا زي القمر ربنا يهنيهم و يسعدهم و يرزقهم بالذريه الصالحه يارب
تعالي يا ريم
تاخدها امها من ايدها و تدخلها اوضتها و تقفل عليهم الباب و تطلع من دولابها شنطه كبيرة و تفتحها ادامها بصي يا ريم
ريم الله يا ماما دي حاجات حلوة اوي
فاطمه دي حاجاتك انتي يا حبيبتي
ريم بفرحه بجد الحاجات دي بتاعتي انا
فاطمه من وقت ما خلصتي الابتدائي و انا كل ما تعجبني حاجه اجيبهالك و اشيلها و اقول دي لريم و كل العلب اللي عالدولاب دي بتاعتك يا حبيبتي فيها فوط و ملايات و اطقم سراير و كاسات كل ما باباكي ربنا يكرمه بقرشين اخد منه فلوس و اجيبلك و اشيلك بس مبرضاش اقولك عشان مشغلكيش و محسسكيش انك كبرتي
ريم انا عاوزة افرح بيكي يا قلب امك من يوم ما جيتيلي و نورتي حياتي و انا بحلم باليوم اللي اشوفك فيه عروسه بالفستان الأبيض و معاكي سيد العرسان كلهم اللي تليقي بيه و يليق بيكي لكن ده بعد ما تاخدي شهادتك و تكبري و تعرفي توزني الأمور صح و تحكمي عقلك قبل قلبك و تختاري صح لكن دلوقتي انتي تهتمي بدراستك و بمدرستك يا ريم انتي لسه يا حبيبتي داخله تانيه ثانوي و الدنيا لسه فاتحالك دراعاتها و ياما حتشوفي عاوزاكي تحطي ربنا ادامك في كل خطواتك و تبصي لابوكي اللي تعبان و شقيان عليكي و اخوكي اللي بيقعد مع الشباب و بيفضلوا يتكلموا عاللي رايحه و اللي جايه مش عاوزة فيوم من الايام حد يقولله اختك عملت و اللا سوت عاوزاكي ترفعي راسنا للسما و تفضل الناس تحلف بريم و بتربيتها و أخلاقها و يوم ما يتقدملك عريس ابوكي و اخوكي يحطوا رجل على رجل و يتشرطوا زي ما هما عاوزين
سيبك يا حبيبتي من الأوهام اللي فدماغك دي و ركزي في مذاكرتك و بس و بكرة تكبري و تحبي و تتحبي و تعيشي حياتك بس تكون حياه صح يا حبيبة امك و انا بقولهالك اهوه و حطيها حلقه فودنك خدي اللي بيحبك و متاخديش اللي بتحبيه
مستر يوسف حيفضل مستر يوسف استاذك و بس اللي لازم تفرحي عشانه و تباركيله لما تشوفيه انتي فاهمه
و كل ما الشيطان يحاول يضحك عليكي و يشغلك بالتفكير في أي حاجه تخصه استغفري ربنا و قومي صللي و ادعي ربنا بكل اللي نفسك فيه
فاهماني يا حبيبتي
ريم فاهماكي يا ماما انا بحبك اوي يا ماما
تاخدها امها فحضنها و انا بحبك اوي يا حبيبة ماما انا كل منايا في الدنيا اني اشوفك انتي و رامي اخوكي سعدا و مبسوطين و محققين كل احلامكم
ربنا يخليكم لينا يارب و يجبرنا فيكم يا رب العالمين
تمر الأيام و تحاول ريم انها تنفذ كلام امها و كل ما ييجي يوسف فبالها
تفضل تستغفر ربنا و تحاول تشغل نفسها بأي حاجه عشان تمنع نفسها انها تفكر فيه و فيوم تقابل صاحبتها رنا اخت يوسف
رنا انا زعلانه منك اوي يا ريم و ابيه يوسف كمان زعلان منك على فكرة
ريم معلش والله يا رنا سامحيني مقدرتش اجي كنت تعبانه شويه
رنا طب حتى عالاقل كنتي اتصلتي يا ستي و باركتيله حتى بالتليفون لكن ده انتي و لا عبرتيه و هو و الله سالني ليه مجيتيش و استغرب اوي كان فاكر انك حتكوني أول واحده تباركله
ريم خلاص يا رنا انا حبقى اكلمه و اباركله
رنا و ليه تكلميه هو النهارده معزوم عندنا هو و عروسته عندنا عالغدا تعالي عندنا و
متابعة القراءة
