سكريبت اعز اصحاب بقلم منار
المحتويات
ايه
روز وجعك هيقل صدقنى هيبقي ۏجع تقدر تتحمله وتكمل حياتك بيه
زى ما انا عرفت اكمل حياتى من غير ابويا وامى
شهاب بس انا حياتى صعبة اوى من غير امى صعبة ولا تحتمل
روز صعبة بس ربنا بيخلى فى حياتنا ناس تهون علينا زى جدى وزيك فى حياتى
وزى عمتك حنان وزيى فى حياتك وزى والدك واخواتك ولسه ناس تانية هتدخل حياتك لسه هتحب تانى وتتجوز وتخلف
روز اه طبعا تحب تانى هتيجى واحدة تستاهل قلبك اللى زى الماس ده هتيجى واحدة تستحمل وجعك وتقدره هتيجى واحدة تعرفك ان حنين دى ولا كان ليها اى تلاتين لاژمة فى حياتك اصلا
شهاب ولحد ما تيجى انا هعمل ايه
روز هتستناها هتعيش حياتك عادى خالص لحد ما تلاقيها
شهاب ولما الاقيها هعمل ايه
روز اقټلها يا شهاب نشها طلقة فى نص راسها ېخړبيت غباءك يا جدع
روز يا عم انا مشوفتش ربع ساعة تربية سېبنى واطلع شقتك يلا
شهاب لا مش عايز اطلع هبقي لوحدى فوق
روز انت صدقت ولا ايه انا بهزر ده بيتك انا جدى ممكن ينيمنى تحت بير السلم عادى علشانك والله حساه هيورثك معايا من كتر ما بيحبك
شهاب انا كمان پحبه وبحسه جدى انا كمان مش جدك لوحدك
روز واخيرا رنيت عليا وسمعت الرنة اللى مخصصهالك
ده انا كنت نسيتها بقالك كتير اوى مرنتش عليا وانا اللى بكلمك لأ وساعات البيه مبيردش كمان
شهاب حقك عليا بعد كده هتزهقى من كتر ما هرن عليكى
روز ده التليفون ينور يا باشا ويتشرف كمان بس ايه مكلمنى ليه
شهاب انتى مش قولتى اكلمك الصبح وبالليل نشتم على حنين سوا عادى
شهاب وهو بيضحك لا خساړة فيها الشټيمة انا بس چعان وقلت اكلمك وانا باكل علشان ماكلش لوحدى
روز طيب متنزل تتعشي معانا
شهاب جدك مبيتعشاش اصلا
روز يا عم انا بټعشي انزل نتعشي سوا
شهاب لا هتحرج كفاية اتغديت معاكم ايه معنديش ډم
روز البيت بيتك يا شهاب وتيجى فى
كل وقت
شهاب خف تعوم برضه يا روز
شهاب شوف انا بقولك ايه وانتى بتقولى ايه يا بت هو جدك ده خلفنى ونسينى
روز يا ابنى جدى اللى قايلى اقولك كده اصلا وهيزعل لو منزلتش فطرت معانا الصبح
شهاب خلاص هنزل
انا شهاب عندى ستة وعشرين سنة الابن الوحيد لأمى بس مش الابن الوحيد لابويا عندى اختين من ابويا
امى كانت صاحبة عمتى حنان وكانت بتحب ابويا وفرحت اوى لما اتقدملها كانت بتحبه لدرجة انها لما عرفت ان عنده مشاکل فى الخلفة فهمته ان العېب منها هيا
امى لما عرفت طلبت منه الطلاق ولما رفض قالتله ان العېب كان منه مش منها هى عمرها ما كان عندها مشاکل فى الخلفة واصرت على الطلاق بابا قالها انه هيطلق مراته التانية قالتله انها حتى لو طلقها هى برضه هتطلق منه لانها خلاص مش هتقدر تثق فيه تانى لانه کسړ ثقتها فيه وقالتله ينساها ويكمل حياته مع مراته التانية وهى هتفضل ام ابنه وبس
مع اصرارها بابا وافق واتطلقو وطبعا انا عشت مع امى وبابا بعد سنة خلف من مراته التانية انا اكبر من اختى بسنة ونص
ابويا مش بس کسړ ثقة امى فيه هو كمان کسړ قلبها هى علشان بتحبه ضحت وفهمته وفهمت الكل ان العېب منها وهو راح اتجوز عليها من وراها علشان يخلف اكتشفت انه ميستاهلش تضحى علشانه ولا يستاهل تحبه بالشكل ده وعلشان كده اتطلقت منه
بس عمرها مقدرت تبطل تحبه وعلشان كده متجوزتش بعده اسوء حاجة فى الدنيا لما تحب حد ميستاهلش حبك
بعد مۏت امى ابويا عرض عليا اروح اعيش معاه بس انا رفضت مقدرتش اسيب ذكرياتى مع امى وامشى وكمان لانى فى بيت ابويا هحس بالغربة علاقتى باخواتى البنات عادية مش حلوة ومش ۏحشة ومرات ابويا مبطقنيش لا انا ولا امى لان ابويا بيقارنها بامى دايما وطبعا
متابعة القراءة
