هذا ما جناه.. الجزء الأول
وهي بصه في الارض
صلاح ليه انت اللي جيت تتجوز مش اخوك مع انه سبب في المصېبه دي
باسل مش عارف يرد هيقوله ان اخواه هرب فكر شويه
باسل انا جيت عشان ندمان علي اللي عمله باسم في ليندا ومش هكون مطمن وهي معاه قولت اجي واكتب الكتاب وفي اي وقت عايزه تطلق انا هطلقها
صلاح انت راجل يا باسل كفايه انك قد كلمتك وجيت انهارده
صلاح باستغراب اختك هههههههههه
باسل بابتسامه تقريبا كده فرق السن اللي بيني وبنها ١٠سنين
صلاح وفيها ايه علي العموم انا واثق فيك موقفك اتبتت انك فعلا راجل وقد كلمتك
عفاف يلا العشا جاهز اتفضلو
باسل لا مش هينفع انا لازم امشي الوقت اتاخر
باسل قام وكلهم اتجمعو علي السفره واتعشو بس ليندا طول الوقت سرحانه في اللي حصل
باسل الحمد لله شكرا يا طنط الاكل جميل تسلم ايديك .
عفاف تسلم يا حبيبي
قعد وشرب قهوه مع صلاح وصلاح بيساله عن حياته
باسل امي ماټت وهي بتولد باسم اخويا وبابا متجوزش بعدها انا كنت اكبر من باسم ب ١٠ سنين وبعدين بابا ماټ كان عندي ٢٥سنه وانا بقيت المسؤول عنه واعتبرته ابني مش اخويا بس من وقت اما دخل الجامعه وهو اتغير انا من طبيعه شغلي كنت بطلع رحالات كتير وبغيب عن البيت جيت من السفر وشوفت ياسر قاعد بره واما سالته عن باسم ارتبك ونزل دخلت وشوفت ليندا وهي مغمي عليها وعرفت منه علي اللي حصل وجيت لحضرتك
باسل بصله جامد وسكت
صلاح زي ما توقعت اخوك ده ندل و...
باسل لو كان اتجوز ليندا مكنش هيحافظ عليها عشان كده انا خدت القرار اني هتجوزها
صلاح ياريت تعرف تحميها من اخوك
باسل متخفش باسم مش هيقدر يقرب منها
صلاح انت اتجوزت ليندا وشلت انت خطيئه اخوك وده بيدل انك بتحميه هو مش ليندا
صلاح انت هتاخدها معاك
باسل ايوه هخدها ومتخفش عليها
صلاح بس هي نفسيتها تعبانه
باسل عارف وكلمت دكتور نفسي وهتبدا علاج قريب
باسل ممكن ادخلها انا عايز اكلمها
صلاح ثواني
دخل صلاح اوضتها وهي كانت غيرت وقاعده علي السرير سرحانه
صلاح خبط ودخل ليندا باسل عايز يتكلم معاكي
ليندا مش عايزه اكلم حد
صلاح باسل جوزك مش حد اسمعيه وشوفي عايز ايه
ليندا مش عايزه اتكلم
صلاح خرج لباسل مش راضيه بس لو عايز تدخل ادخلها
باسل باصرار هدخلها باسل راح عند الباب وخبط
باسل دخل وهو بيتفرج علي الاوضه وهي اټصدمت منه
ليندا انت ازاي تدخل هنا
باسل خبطت وانتي قولتيلي ادخل فدخلت وازاي من الباب
ليندا اطلع بره مش عايزه اتكلم معاك
باسل ليه انا عملتك حاجه
ليندا وانت شايف انك معملتش
باسل لا انا معملتش انا معاكي وواقف جنبك وله نسيتي انا عايزه افهمك حاجه انا هحميكي ومش هاذيكي هنفضل متجوزين علي الورق كام شهر كده وهطلقك لو عايزه الا بقي لو غيرتي رأيك وعجبتك العيشه معايا او حبتيني مثلا
اخر جمله قالها بطريقه مضحكه
ليندا ابتسمت باسل ايوه كده اضحكي بقي يا شيخه علي العموم انتي اختي الصغيره واعتبريني اخوكي واي حاجه نفسك فيها قوليها وانا جنبك اتفقنا
ليندا بصتله وسكتت
باسل السكوت علامه الرضا دلوقتي قومي البسي عشان نمشي
ليندا قلبها اتقبض وبصتله بدموع نمشي فين انا مش همشي لا انا مش همشي من هنا
باسل اهدي ليندا باسم مش في البيت لم هدومه ومشي وانا مش هأذيكي فكري كده انا صدر مني شيء ضايقك
ليندا فكرت شويه هو فعلا طول الوقت كان بيعاملها بحنيه
باسل ها لقيتي حاجه ضيقتك مني
ليندا هزت راسها بلا
باسل خلاص متخفيش مني يلا قومي غيري هدومك
ليندا مش عايزه ارجع هناك مش هقدر بجد مخنوقه من المكان هناك
باسل بتفكير عايزه تروحي فين فندق مثلا
ليندا لا خليني هنا مش عا...
باسل قطعها انتي عنيده اوي
ليندا بدموع مش هقدر ادخل البيت هناك
باسل مسح دموعها خلاص كفايه عارفه اني حسك بنتي اوي .
بره في الريسبشن كانت عفاف وصلاح قاعدين مع بعض
عفاف باسل شكله جدع وراجل
صلاح فعلا بس الخۏف من اخوه خاېف يضيقها كفايه المصېبه اللي عملها
عفاف باسل هيحميها ده هو اللي جابلها لحد هنا وكفايه انه جه وكتب عليها اما اخوه هرب
صلاح باسل بيتصرف بدافع الندم مش حب فيها يا عفاف
عفاف ان شاء الله هيحبها ده ماشاء الله عليه كفايه انه جدع وراجل وقد كلمته
صلاح ربنا يهديهم للخير بس اقدر اقولك اني ارتحت لباسل اوي اللي قلقني بس اخوه
عفاف متقلقش سيبها علي ربنا وان شاء الله خير
عند ليندا
باسل في صوت
تليفون بيرن
ليندا ده تليفوني ومش عايزه ارد
باسل بيدور عليه لاقه علي المكتب بص فيه مكتوب ايمي دي صحبتك
ليندا اه صحبيتي الوحيده
باسل طيب رودي عليها
ليندا لا هقولها ايه
باسل دي اتصلت ٢٥مره كتيير اووي شكلها قلقانه عليكي
ليندا بكره فرحها واكيد بتطمن عليا عشان متصلتش بيها بقالي كام يوم
باسل امم هنروح مع بعض ده فرح صحبتك الوحيده ازاي هتتخلي عنها في يوم زي ده
ليندا مش هينفع اروح مليش نفس
باسل بتتصل تاني دي مصممه
باسل فتح التلفون والاسبيكر الو
ايمان اتخضت وبصت للتلفون الو مش ده تليفون لي
باسل لي اللي هي ليندا
ايمان اه
باسل وليه بتقوليلها لي ما ممكن تقوللها لينا او لينو
ايمان قولي انت مين الاول
باسل انا باسل
ايمان باسل مين
باسل جوز ليندا لسه كاتب كتبها
ليندا اضيقت وبصتله بغيظ
باسل بص لليندا هي بتسالني اكدب عليها
ايمان ايه ليندا اتجوزت كده قولها اني زعلانه منها
باسل متزعليش منها انا السبب اصريت علي عمها صلاح اني اتجوزها وبسرعه وهو وافق
ايمان اه عمها طبعه شديد اكيد ڠصب عليها
باسل فعلا طبعه صعب بس متخفيش عليها انا هخلي بالي منها
ايمان اممم هنشوف قولي الاول بتشتغل ايه
باسل بشتغل طيار بس ليه
ايمان واوو طيار اكيد عندك مضيفات مزز
باسل اه حلوين اووي
ايمان انت بتعاكس وقدام مراتك كده عادي
باسل ضحك جامد وليندا بصتله ومستعجبه
باسل بصراحه هما اللي بيعكسوني بس انا محترم
ليندا ابتسمت وبصوت واطي مغرور
باسل سمعها مش غرور بس الحقيقه اكيد هخدك معايا وتشوفي بعينك
ليندا مش عايزه اجي معاك
باسل خلاص برحتك هاخد ايمي ايمي تيجي معايا المطار وتشوفي بعينك
ايمان بجد هتاخدني معاك
باسل اه بس بشرط تخلي لي صحبتك تيجي معانا
ايمان انا هقنعها متقلقش بس خليك عند كلمتك
باسل عيب عليكي قوليلي بقي فرحك فين
ايمان في نادي ال..
باسل عرفه انا معزوم وله لا
ايمان طبعا يا بااشا انتي تيجي قبل العريس
باسل اوكي بكره هكون في الفرح ومعايا لي بس ممش عجبني لي ينفع اقولها لينا او لينو
ايمان يا باشا انت تقول اللي انت عايزه
باسل ضحك اووي ماشي يبقي لينا وانتي ايمي
ايمان هي الست لينا مش بتكلمني ليه
باسل بص ليندا تكلميها
ليندا هات قفلت الاسبيكر الو ايمي
ايمان الواد ده من صوته مز
ليندا ابتسمت بت اتلمي اخبار الفرح ايه
ايمان بصي انا كنت زعلانه منك بس صلحتك عشان السكر اللي كلمني ده دمه زي العسل وكمان طيار يابت افرحي
ليندا بۏجع فرحانه اووي
باسل بصلها وشايف الحزن في عينيها
باسل كفايه رغي بقي واقفلي التلفون يلا يا ايمي نامي عشان تفوقي بكره ومتنميش في الفرح
ايمان اقفلي بقي عشان ميضيقش مني
ليندا انتي بتبعيني عشانه
ايمان يا بت افهمي هيزعل مني ومش هياخدنا المطار عايزين نركب الطياره بقي ونتفسح
ليندا مصلحه
ايمان سلام تصبحي علي خير يا لينا قولي لباسل تصبح علي الخير
ليندا وانتي من اهله
قفلت ليندا باسل انا هسيبك هنا انهارده وبكره هجيلك نروح فرح ايمي
ليندا ايمي اسمها ايمان دي صحبتي انا علي فكره مش انت
باسل بس ډمها خفيف هعدي عليكي بكره ونروح مع بعض تصبحي علي خير خلي بالك من نفسك
يتبع
