ظلم بين الجزء الثاني والاخير

هو محتاج للدعاء بعد اذنك .
الاب _ استغفر الله العظيم يارب ابني الوحيد بيضيع قدامي خد كل حاجه عندي يا رب وخليلي ابني 
الام في اڼهيار _ ده ذنب البنت اللي طردناها ده ذنب البنت ربنا بينتقم لها
الاب _ اتكلمي بنت ايه وذنب ايه اتكلمي
في الصباح ببيت مالك عندما دخل مالك البيت طلب من امه ان تنادي له رؤي ليخبرها بخبر سيفرحها
جاءت رؤي وقالت _ خير يا دكتور مالك خبر ايه
مالك _ انا لقيت لك شغل كويس عندي بالمشفي
رؤي _ هشتغل ايه في المستشفي وانا مش معايا غير دبلوم تجاره
مالك _ شغل في السكرتاريه بمرتب كويس تقدري تعيشي بيه انتي وبنتك.
رؤي _ بجد والله مش عارفه اشكرك ازاي 
مالك _ لا مفيش شكر ما بنا بس هنحتاج نطلع لك ورق شهادتك وكده .
رؤي _ انا ورق شهادتي عند عمي بس طبعا مش هنقدر نجيبه
مالك _ لا متقلقيش نقدر نطلع مستخرج رسمي من اي ورق بس موضوع عمك ده الموضوع التاني اللي عايز اكلمك فيه
رؤي _ ايه هو
مالك _ انا عايز اروح لعمك واتفاهم معاه
رؤى _ اوعي عمي مش هيتفاهم ده ممكن يأذيك
مالك _ اصبري انا روحت المول اللي ضړب عليا فيه ڼار ومن حسن حظه ان الكاميرات كانت معطله يعني هو مفيش عليه اي دليل وعمك دلوقتي مستخبي وفاكر انه مطلوب انا هقوله كل الحقيقه واطلب منه ان يقف معانا لانك شرفه يبقا اللي استباح شرفه هو اللي يتعاقب بالقانون مش رايح ياخد طاره من الضحيه 
رؤي _ بس انا خاېفه عليك يأذيك
مالك _ بجد خاېفه عليا يا رؤي
رؤي _ احم طبعا هو مين اللي واقف جمبي غيرك
مالك _ عشان كده بس
أحمر وجهها من الخجل وشعر مالك بمشاعرها تجاهه وفرح من قلبه _ طب خلاص بس مټخافيش عليا طول ما الحق معانا ربنا هيحمينا
رؤي _ انا محظوظه اوي انك في حياتي
مالك _ بجد بجد ايه الكلام الحلو ده انا بحلم ولا ايه
هربت منه رؤي الي غرفتها عندما شعرت ان مشاعرها تجاهه انكشفت امامه اما مالك بعد هروبها ردد مع نفسه ما بال حبك لما رحت أكتمه في القلب أرسل في الأنفاس نجواه كأنه وردة تحت الضمير نمت هل يصمت العطر فينا لو كتمناه تقسو و تحنو معا..و الدمع ضحكتها و تذكر الذنب عن عفو..و تنساه روحي إليها إذا أمشي تسابقني حتى الطرق معي تصفو نواياه سکړان بالحب..مجذوبا..أقول لها رحمى جمالك إني من ضحاياه يا آخر اسم على بالي..و إن غمضت عيني لنوم..فورد النوم ذكراه و أول النور في عيني إذا طلعت شمس..فإن ضياء الصبح رؤياه أدمنت وجهك طيفا أو معانقة أشتاقه.. و عيون القلب مأواه.
عملت رؤي بنفس المشفي التي يعمل بها مالك بعد ان استخرجت اوراقها المطلوبه وكانت سعيده انها بجانب مالك وكان دائما يراعها عن بعد ويهتم بها زادات مشاعرهم تجاه بعضهم وقرر مالك ان يذهب لعمها لينتهو من حكاية وليد وبعدها يطلب يدها منه وفي المساء ذهب لبيت عمها ودق بابه وفتح له وقال _ انت لك عين تيجي هنا برجلك صحيح اللي اختشو ماټو
مالك _ ممكن تسمعني وبعد كده تقرر ولو عايز تقتلني انا اهو بين ايدك بس تسمعني الاول
وبعد ان وافق عم صابر عم رؤي ان يسمع مالك وسمح له بالدخول اندهش مالك عندما رأي حقائبه وانه كان مستعد للرحيل وقال _ ايه ده انت كنت مسافر ولا هتسيب البيت
رد عليه _ ملكش صالح كنت عايزني اقعد اعمل ايه بعد ما بهدلت شرفنا ولا كنت استنا تبلغ عليا اني ضړبتك واترمي بالحبس كمان
مالك _ مين قالك اني انا اللي بهدلت شرفك 
رد _ وليد بيه حكالي كل حاجه 
مالك _ طيب انا هحكيلك كل حاجه وخلي بالك فكر بعقلك انا كنت هشوف رؤي فين وهي كانت مش بتخرج من البيت غير لما راحت معاك القصر بتاع وليد
وحكي له كل قصة رؤي من بدايتها عندما ذهبت معه القصر في حفلة عيد ميلاد وليد الي ان رأها بالمشفي في يوم ولادة بنتها وبعدها عندما اخذها لبيته عند والدته ووالده
عم صابر _ ازاي انا رحت بيتك وسألت البواب وقالي انها عايشه معاك لوحدك
مالك _ لا طبعا تقدر تيجي تشوف بنفسك انا كمان مش عايش في نفس الشقه انا عندي غرفتين فوق سطح البيت نقلت فيهم لما جت رؤي احنا عيله ملتزمه ونعرف ربنا وحافظنا علي رؤي تقدر تتأكد بنفسك
عم صابر _ انا مش مصدق معقول وليد بيه ابن الناس اللي قضيت عمري في خدمتهم هو اللي عمل في شرفي كده
مالك _ انت تقدر تتأكد بسهوله لاني مش هسيب حق رؤي وبنتها وهيبقا في قضيه وتحاليل تثبت انه هو ابو البنت
عم صابر _ انت عايز تفضحنا يابيه اي اكتر من كده.
مالك _ الڤضيحه ليهم هما رؤي اتخدعت هو وهمها انه اتجوزها زواج صحيح وجابلها مأذون وهمي.
عم صابر _ وهي في بنت تخرج عن طوع اهلها تتزوج لوحدها ده ولا شرع ولا دين يقبله كده.
مالك _ يعني في شرع ودين يقبل انك تربي بنت اخوك كأنها واجب فرض عليك وتعملها كانها قطه ولا كلب بتأكلها وتشربها ولا تربيها ولا تفهمها امور الحياه ولا توعيها وفي الاخر تضغط عليها تتجوز راجل اكبر منها بكتير ومتجوز عايزها تعمل ايه غير اي واحد يمدلها ايده تروح معه عشان تهرب انت فرط في الامانه ياعم صابر ومكانش ينفع تلاقي الرد غير كده.
عم صابر _ عندك حق يابني بس ايه العمل دلوقتي الناس دي احنا مش أدها ومش هنستفاد غير الفضايح
واثناء كلامهم دق باب بيت عم صابر وذهب ليفتح الباب ليفاجئ بوالد وليد ووالدته ليقول _ ايه ده البيه والهانم بنفسهم عندي
والد وليد _ صابر بنتصل بيك تلفونك مقفول ليه مش بترد علينا وفين رؤي بنت اخوك وبنتها احنا عايزنها
صابر _ عايزنها تعملو فيها ايه البنت اليتيمه الغلبانه اللي ابنكم ضحك عليها.
الام _ انت عرفت
الاب _ متخافش يا صابر احنا هنعملها اللي تطلبه ونديها حقها.
مالك _ يعني هتدوها حقها ازاي تدوها قرشين تسكتوها يعني لا يا باشا مش كل حاجه تشتروها بفلوسكم حقها انه يعترف ببنته ويسجل عقد الزواج المزيف برسمي بنفس التاريخ وكمان يسجل الطلاق بنفس التاريخ اللي طردها فيه
الام _ هنعملها كل طلباتها بس بشرط
مالك _ شرط ايه
الام _ انها تسامح وليد لانه بين الحياه والمۏت ابننا اللي معندناش غيره طول الوقت بغيبوبه وكل مايفوق ما يقولش غير كلمه واحده بس خلي رؤي تسامحني وخلو بالكم من بنتي
عم صابر _ لا حول ولا قوة الا بالله الدنيا مش دايمه لحد والانسان مهما قوي ضعيف ربنا يسامحه.
الام _ احنا عايزين رؤي وبنتها نشوفها وتروح تزوره عشان يمكن لما يطمن انها سامحته وأدانها حقها حالته تتحسن احنا هنسفره بره يتعالج عايزنها قبل ما يسافر عشان يرتاح