دفعت الثمن الجزء الرابع بقلم صفاء
الكلام دى هو كويس
حناناه خير إن شاء الله ممكن حضرتك تيجي تشوفه
سارة تهمس في ودان مازن وهي قريبة جدا منه دى مراتك صح
مازن يقترب هو كمان اه خليكى ماشي علي التمثيلية وأطلبى انك تدخلى معاه عند اسر
مازن يظهر دلوقتى
حنان انت تدخل وتشوفه بنفسك
إسلام انا قلت ليكى هو عايز ابوه ل تخليه يفتكر أن نور ابوه او تعرفى ابوه اما ابنك كل يوم بيكبر أسئلته بتكتر معاه
إسلام ينتبه عفوا مش انتبهت يا دكتورة سارة هي الحالة تبعك
إسلام تمام ويوجه كلامه ل حنان هي الغرفة فين
حنان قدام
وإسلام يمشي بجوارها وسارة خلفهم هي ومازن وكل دقيقة تلتفت حنان وراءها تشوفهم وهما بيضحكوا مع بعض لحد ما توصل للغرفة تفتح الباب إسلام يدخل ووراه سارة وجه مازن يدخل
حنان عندك يا حضرة ممنوع
مازن انتى بتمنعني ادخل عند ابنى اي البجاحة دى
حنان مش سمعت كويس ابن مين حضرتك هو احنا نعرف بعض انت جوزي او كنت جوزى وتدخل وتغلق الباب .
مازن يضحك بقي كدة يا حنون ماشي يا انا يا انتى .
نور انا مش فاهم اي المكان دا واي الصورة دى والكلام اللي مش مربوط مع بعضه اخوك وأبوك مش هو ابوك ممكن افهم بوضوح
ياسمين بحزن طب اقعد واهدى وهقولك
نور اتفضلى يا أمى انا سامعك بس بتوضيح أرجوكى
ياسمين حاضر بس تسمعني للآخر ممكن
نور اللهم طولك يا روح احكى يا أمى عايز ارجع ل حنان
ياسمين هو انت حبيت حنان
نور يعنى جايبانى كل المسافة دى وعمالة تحكى حاجات عجيبة علشان في الآخر تسأل بتحب حنان اه يا ستى بحب حنان مش بحبها وبس بعشقها پجنون واتنازلت عن الوظيفة الراقية وعن الچنسية وجبت بناتى علشان أعيش معاها
ياسمين اتسرعت يا ابنى حنان مش تجوز ليك
نور ليه بقي دى مراتى على سنة الله ورسوله
ياسمين بس كانت مرات اخوك
نور انتى هتجننينى مرات اخويا مين وأي علاقة مازن بيا افهم
ياسمين انا كنت متجوز ابو مازن قبل محمود
نور نعم لا انا عايز افهم بالظبط اي الحكاية
ياسمين الحكاية وما فيها أن مدحت ابوك وانا بنكون جيران وحبي الأول بس هو عمره ما فكر يتكلم معايا او يعترف بحبه ليا وانا كمان
نور بسخرية يعنى جبتيني ب اللاسلكى
ياسمين ممكن تسكت وتسمع
نور كملي اشوف آخر المسلسل دا
ياسمين بحزن شكرا يا ابنى حقك
فلاش
ياسمين ازاى نتجوز ونهرب فين انت لو عايزنى هتقول للكل انك عايزنى بس انت عين في الجنة وعين في الڼار انت محتاج فلوس سهير وكمان عايز بنت الجيران اللي كبرت قدام عينك وعارف اخلاقها
مدحتلا مش كدة انا فعلا عايزك انتى لكن مش اقدر أقطع عيش ابويا وانا لسه مش اتثبت في شغل وكمان مش هاقدر اتجوز حد غيرك
ياسمين وأي المطلوب من سعادتي
مدحت اطلب ايدك من أمك في السر ونتجوز ونسافر واول ما أثبت نفسي نعرف الكل وناخد ابويا وأمك
ياسمين انت فاكرنى مختومة علي قفايا عايز تتجوزنى في مكان وترجع تتجوزها هي هنا وكدة انت اخدت الحب والفلوس
مدحت پغضب انتى شايفة كدة تمام انا آسف انى اتكلمت معاكى
وينسحب يمشي
ياسمين بعد ما يبعد خطوتين تحس أن روحها بتروح منها وما بين نفسها يعنى اسيبه ليها وانا ما صدقت أنه بيحبني مدحت طب فهمني انا هاعمل اي ونسافر فين
مدحت يرجع يحضنها هقولك يا قلبي وعمرى
ياسمين من فرحتها تنسي الدنيا وهى في حضن الإنسان اللي بتعشقه
مدحت بعد لحظات بصي ياستى انتى هتقولى ل سهير ان جالك بعثة تبع الجامعة
ياسمين طب ازاى مش ممكن تسأل
مدحتاكيد وهتتاكد ان كلامك صح انا كلمت اخو زميلتك ووافقت تتنازل ليكى
ياسمين وبعدين
مدحت بعد ما تسافرى ب شهر انا هقول أن جالي موتمر يخص مشروع انا فعلا بقوم بتنفيذه في الشركة والطلب يجى ووقتها أسافر بس مش هأحضر الموتمر هأركب الطايرة واجى عليكى وكدة كدة انا وانتى هيكون مكتوب كتابنا قبل السفر
ياسمين وليه الفة دى كلها مش تجيبها مرة واحدة احسن
مدحت هما مشيوا معايا لوى دراع انا كمان هاعمل زيهم
.....
باك
ياسمين وفعلا الخطة تم تنفذيها وسافرت وهو لحقنى واتجوزنى وفضلنا عايشين سنه مع بعض من اجمل أيام حياتى وفجأة تكتشف سهير الحقيقة هى وأبوها وهى ټنهار وتدخل المستشفى وأبوها يلفق تهمة ل جدتك وجدك وأبوك والسفارة ترجعه ويجبره علي الزواج من بنته ويقول أن دا كان كله كڈب وأنه بيحبها وفضلت انا برة و امى ماټت وانا مش عارفة ارجع لان مرة واحدة مدة البعثة اتقدمت وورقة طلاقي انبعتت وعرفت أنى حامل فيك وقابلت محمود زميل ليا هناك وقف جنبي لحد ما ولدتك وكتب الولد ب اسمه ورجعت وانت عمرك 5 سنين
نور
وسعادته مش عرف كل الفترة دى
ياسمين انا خبيتك عنه وخصوصا هو أصبح يمتلك كل حاجة وبقي رجل أعمال وجابوا مازن ونسي أنه ساب واحدة في الغربة لوحدها ازاى أروح واقوله عندك ابن لحد ما ابوك ماټ لقيته ظهر في حياتى وطلب يساعدنى ويساعدك كان عمرك 19 سنه كنت خلصت تعليمك وقتها بشرط ارجع ليه وأنه أصبح قوى ومش بقي ېخاف منها وهى مريضة دلوقتي بس انا رفضت وقلت هتتخلي عنى زى ما اتخليت عني زمان بعينك حاول بكل الطرق مش قدر وفجأة لاقيت اتدبر ليك شغل برة البلد ومعاك الباسبور وقررت تسافر قلت كويس تبعد عنهم وسبت بيتى وروحت عيشت في الحارة دى علشان ابعد عنهم
نور پغضب وأي اللي فكرك تحكى المسلسل دا النهاردة
ياسمين لما سمعت النهاردة اسم مازن بالكامل اټرعبت القصة هتتكرر تانى وقلبك هينكسر زيى لأن حنان بتعشق مازن وعمرها ما نسيته ايام كتيرة كنت بسمعها وهى بتتكلم مع صورته وبتترجاه يرجع وهى هتنسي كل الماضي بس ابنهم يعيش في حضنهم وعرفت انك ناوى تتطلق مراتك وممكن تتحرم من بناتك كمان المقارنة صعبة والكفة مالت يا ابنى
نور يقوم يقف فهمت ليه دلوقتي لما اقترحتى عليا أقف مع حنان واشوفها علشان فكرتك بحكايتك مع تغير الأسماء طبعا بس انا مش طرطور و لا باسيب حقي وبتنازل عنه بسهولة مفهوم وحنان هتحبني بالذوق او بالعافية
يتبع
