جمعهما الحب الجزء الخامس بقلم سمية
المحتويات
تسمعى عن الولاد ولا رايحة تدرسى
ورد اتفاجأت ردت عليه والدموع فى عينيها فى ايه ياعمار والله حبيبة اللى قالتلى عليه وانا ولا عمرى شفته
عمار لام نفسه راح ليها وحضنها وقالها بأسف معلش ڠصب عنى انا بغير عليكى انتى مش عارفة انتى ايه بالنسبة ليا انتى حلم واتحقق بكرم ربنا وبعدين قالها انتى مش عايزة تعرفى انا سميت نفسى عمار ليه
عمار قالها اصل فى واحدة بحبها وبموت فيها هى اللى سمتنى عمار
ورد قلبها بدأ يدق لما قال كده قالتله مين
بص فى عينيها وقالها انتى حلمت بيكى حلمت لما اخدتينى للمملكة بتاعتك وطلعتينى من المكان اللى كنت فيه
ورد مسكت ايديه وقالت بفرحة وانا كمان حلمت بيك وجتلك وانت زعلان يعنى احنا الاتنين حلمنا نفس الحلم
ورد بارتباك ممم عممار ممكن اسالك سؤال
عمار عرف عايزة تسأل ايه اتنهد وقال اسألى
ورد هو مفيش حد من عيلتك وافق على جوازنا
عمار غمض عينيه وقال بحزن انا بابا متوفى وامى هى اللى تولت تربيتى وكانت بتشجعنى انى اخدم الدين زى ماكنتى شايفة بس كواحدة فى مكانها لازم تتفاجأ لما تلاقى ابنها اتحول من مدافع لدينها الى مهاجم ومنكر ليه حاولت اقنعها بكل حاجة وشرحتلها مكانة المسيحية بالنسبة للاسلام وقولتلها على الكذب اللى دخل على الانجيل بس مصدقتش وقالت انى مزورهاش ولا اتكلم معاها تانى
عمار ارتاح من كلامها وډفن نفسه فى حضنها اكتر
ميرفت ها ياحبيبتى جهزتى عايزاكى تبقى زى القمر
سارة بدلع مانا قمر على طول ياماما
حبيبة بحب مبروك ياسارة ربنا يسعدك
سارة الله يبارك فيكى عقبالك
ميرفت ايه يا حبيبة انتى لسه مش لبستى
حبيبة ونقاش كل مرة انا لابسة اهو ياماما
ميرفت باستنكار لابسة انتى كده لابسة هتروحى شبكة اختك بالاسدال ده والناس هتقول ايه انتى مش شايفة اختك مهتمة بنفسها ازاى ومشيت وهى بتقول باين عليكى عايزة تنقطينى وتضيعى فرحتى
حبيبة وهى حابسة الدموع فى عينها معلش ياسارة هروح اجيب حاجة وجيالك
جريت على اوضتها وقفلت الباب وزى كل مرة راحت على مخدتها اللى شاهدة على كل معاناتها ودموعها وافتكرت لما قالت لمامتها لما عرفت ان تامر اتقدم لسارة انه مش متحمل المسؤلية ومستهتر ومش هيحافظ عليها ومامتها قالتلها انتى بتقولى كده علشان غيرانة علشان مبصش ليكى على طول بتقول كلام ېجرحها ولا كأنها بنتها من لحمها وډمها
سارة بخجل ميرسى ياتامر
تامر وهو يتفرس فيها بس ياحبيبتى الفستان لو كان ضيق شوية كان هيبقى احسن
سارة ضيق اكتر من كده يبقى انت عايز حبيبة ټقتلنى دى مش كانت عايزانى البس كده
تامر بانتباه هى صحيح مش باينة
سارة بحذر هى مين
تامر وهو يتدارك نفسه اختك المعقدة دى بس كويس انك مش سمعتى كلامها
...
فرحة الو
ورد بشوق ازيك يافرحة وحشتينى اوى
فرحة بحنية كبيرة ورد وحشتينى اوووى
ورد انتى اكتر اخبارك ايه
فرحة بحزن الحمد لله يا حبيبتى
ورد پخوف امال صوتك ماله هو بدر زعلك فى حاجة
فرحة بسرعة لا ياحبيبتى انا زعلانة بس لانه اول مرة انام بعيد عنك وتبقى فى مكان تانى غير اللى انا فيه
ورد پبكاء ربنا يخليكى ليا وميحرمنيش منك
فرحة هو انا بقول كده علشان تعيطى قوليلى مبسوطة عمار عامل ايه معاكى
ورد بخجل اوى اوى يافرحة و كمان هو حنين عليا ومش بيزعلنى خالص
فرحة براحة الحمد لله ربنا يسعدكم
ورد آمين يارب
فرحة يلا ياحبيبتى لو احتجتى حاجة قوليلى هقفل علشان بدر صحى
ورد مع السلامة حبيبتى فى امان الله
فرحة بابتسامة كمحاولة لبداية جديدة لهم بدر الاكل جاهز
بدر كنتى بتكلمى ورد
فرحة بحزن لبعدها عن اختها هزت راسها بالايجاب بعدين قالت الاكل جاهز
بدر ببرود قعد
متابعة القراءة
