رواية صبا عزيز. بقلم زهرة الرببع الجزء الثالث.
المحتويات
واخد القميص لبسه ووقف وقال..هعملك شاي معايا
اسيل قالت باستغراب..شاي هنا
انور قال وهو بيعمل الشاي..اه اصل انا جبت هنا الحجات الصغيره اللي هحتاجها علشان محتاجش ارجع البيت كل شويه
اسيل قالت..امممم على كده بقى انت بتفضل هنا على طول
انور قال بحزن..ايوه كنت بروح علشان اشوف صبا بس دلوقتي
واتنهد وقال..يعني شبه مقيم هنا
انور اداها الشاي وقال..ده انا ابقى محظوظ لو اشوفك كل يوم
اسيل ضحكت وقالت تمام..هو انا ينفع اسألك سؤال شخصي شويه هو انت مكنتش مرتبط
انور ضحك وقال..بتسألي ليه
انور اتنهد وقال..ملقتش فرصه للمواضيع دي الدنيا اتغيرت معايا فجأه وكل حاجه باظت
اسيل قالت..انا كنت عايزه اسألك في الموضوع ده ايه اللي حصل معاكم سمعت انكم كنتم عايشين في القاهره وكمان لبسكم غالي جدا
انور قال..اممم كنا بس دلوقتي زي ما انتي شايفه كده اصل بابا كان زي عمي كده بيشتغل بواب وبعدين اشتغل سمسره ومقاولات وربنا فتح عليه حتى كان يبعت لعمي فلوس كتير جدا وكنا تمام ومبسوطين وانا خلصت الجامعه واشتغلت مرشد سياحي وكانت الحياه جميله جدا بس فجأه خسر كل حاجه ومقدرش يستحمل جاتلو جلطه في القلب واخر حاجه قالها نيجي نفضل مع عمي علشان كل حاجه اتحجز عليها وفعلا بعد ما ماټ جينا هنا وفضلنا عند عمي من ٩ شهور كنت في الاول بشتغل لوحدي هنا وصبا كانت بتشتغل في المطبخ بس بعدين مصاريف صبا زادت جدا لانها دخلت اولى طب بعد الاجازه هتبتدي في السنه التانيه فاضطريت اخد ورديتين وبقت تيجي تساعدني لما تكون فاضيه والباقى انتي عرفاه
انور قرب عليها وقال..مش شرط ممكن تكون مخبيه اجمل حاجه وسط الۏجع ده كلو
اسيل اتوترت من قربه وجات ترجع لورا اتكعبلت وكانت هتقع بس انور شدها وسندها بايده وكانت قريبه منه جدا او بمعنى اصح في حضنه انور بص في عيونها وقال..انتي اجمل حاجه في وجودنا هنا
عند عزيز كان بيلاعب تمار في الجنينه وبيتفق مع منظمين الاعراس وكان كل شئ ماشي تمام عند صبا كانت في الاوضه والباب خبط قالت پخوف..مين
جالها صوت واحد بيقول..انا سواق مازن بيه باعتلك معايا حجات لحضرتك
صبا فتحت ودالها شويه شنط وقال..دي هدوم حضرتك مازن بيه اشتراهم ليكي وبيقولك خدي حد من الخدم واطلعي وضبيهم على زوقك وفستان الفرح هتجيبو الكوافيره بعد الضهر وتجيلك عايزه حاجه تاني
الراجل مشي وصبا قفلت الباب وبصت للشنط بدموع وشافت واحده منهم فيها قمصان نوم ولانجري اتنرفزت جدا ورمتهم في الارض وداست عليهم وقالت بعصبيه..واحد حيوان بتحلم والله في احلامك يا واطي وقعدت على السرير وهيه مضايقه جدا
الراجل طلع من السرايا وعزيز نداله وقال..ها وصلتلها الحاجه
مازن سمعه قال..هو ايه اللي مني
عزيز قال للراجل شكر روح انت وبص لمازن وقال..انا بعت هدوم لخطبتك قولتلها انهم منك علشان متغلطش قدامها
مازن قال بحرج..اه صحيح انا نيستها خالص على العموم كويس انك اتصرفت
عزيز قال..تمام يلا تعالى شوف الترتيبات وراحو يشوفو ترتيبات الفرح
عند سمر كانت قاعده لتشرب قهوه وجالها جاسر وقال..سوسو عايزك في خدمه
سمر بصتله بسخريه وقالت..اللي هي
جاسر قعد قصادها وقال..عايز الغي الجوازه دي ومحتاج مساعدتك
سمر شربت شويه من قهوتها وقالت..والمقابل انت عارف كل حاجه لها تمن
جاسر قال..اممم انا مستعد للي تطلبيه البت عششت في دماغي ومش عايزها تتجوز
سمر ضحكت وقالت..خدت بالي من اول يوم انها عششت في دماغك عنيك كانت بتاكلها اكل بس انا برضو هستفيد ايه
جاسر قال..ما انا بقولك امري
سمر بصتله وقالت..عزيز عايزاه انت عارف كده من زمان
جاسر ضحك جامد وقال..عارف بس انتي لسه موقعتهوش ده احنا كشحنا مراته من اربع سنين
سمر قالت بضيق..بيحب عمه اوي ورافضني علشان كده عيزاه يكره بطريقه تخليه ينسي اني مرات عمه هتساعدني
جاسر قال..دي عندي بس مازن ميتجوزش البنت
سمر قالت..اتفقنا دي ساهله اوي سبهالي
وبعد اليومين اتعمل اعظم ليله فرح وكانت بحضور اعيان البلد والصحافه والاعلام وكل شئ مثالي جدا وصبا جهزت وكانت زي القمر حرفيا ازهلت الجميع بجمالها الساحر مازن كمان جهز ولبس بدله شيك جدا جدا
متابعة القراءة
