لا تخبري زوجك لعمرو راشد
المحتويات
حصل بينا
لا دا أنتي ناسية فعلا
ناسية ايه يا حازم
حبيبتي احنا اتجوزنا امبارح!!
حبيبتي احنا اتجوزنا امبارح
ايه!!!!.. بتقول ايه انت انا متجوزة
عادي يا قلبي دي ورقة عرفي مش هتأثر في حاجة
لا دا انت مچنون بجد.. الورقة دي لازم تتقطع
تتقطع!!.. دا على چثتي
بدأ يقرب مني وأنا برجع ل ورا لحد ما لزقت في الحيطة.. كنت مړعوپة منه.. قرب مني أكتر و ابتسم وقالي
فجأه صوته بدأ يبعد أكتر والصورة بتنعدم.. غمضت عيني وفتحتها تاني لقيت نفسي
لسة في الكافيه و حازم واقف قدامي بيصحيني.. قومت واتعدلت وبصيتله بعدم فهم
هو حصل ايه
معرفش أنا روحت الحمام رجعت لقيتك نايمة بالشكل دا ومن ساعتها بفوقك
بقالي قد ايه
تقريبا عشر دقايق
انا مش فاهمة في ايه ولا ايه بيحصلي.. حازم سندني عشان اقوم معاه لإني مكنتش قادرة امشي ولا اتحرك اساسا.. خرجت من الكافيه وهو فتح ليا باب العربية عشان اركب.. بعد ما ركبت قفل ورايا ساعتها بصيتله لقيت يوسف هو اللي واقف ومبتسم بعدها مشي و ركب العربية وقعد جنبي
بعدت عنه پخوف.. بص ليا بإستغراب
في ايه يا ريهام
يوسف!
لقيته ضحك وقال
يوسف!!.. يوسف مين انا حازم
الرؤية اتضحت اكتر وفعلا لما ركزت لقيته حازم..مشينا بالعربية كان طول الطريق بيكلمني وانا مش مركزة معاه.. أنا مش مركزة في اي حاجة.. انا مبقتش فاهمة ايه اللي بيحصلي دا.. كوابيس وتهيؤات غريبة ومعرفش دا من ايه.. فضلت ساندة دماغي على الشباك لحد ما وصلنا.. طلعت البيت ودخلت اوضتي اترميت على السرير ونمت
طمني عملت ايه
كله زي الفل متقلقيش
زي الفل عملت ايه يعني
خطوة كمان و ريهام هتكون تحت سيطرتي بشكل كامل
برافو يا حبيب مامي.. ايوا كدا هي دي الاخبار اللي تفرح
قولتلك خليكي واثقة فيا
بس لازم تاخد بالك كويس أوي وانت بتحطلها الجرعة عشان البت متموتش وتجيبلنا مصېبة
يعني ايه مخلوطة
يعني هي مخدر اه بس هي في الاساس حبوب هلوسة
نهارك أسود يا حازم.. هو انت بدلت الحبوب اللي انا اديتهالك
لقيت نوع تاني أحسن منها ف قولت اجرب وبعدين دا هيجيب نتيجة أسرع
انت كدا هتجننها يا متخلف.. هو انا مش قولتلك متتصرفش من دماغك تاني انت مبتسمعش الكلام ليه
الحبوب دي لازم تاخدها من البت تاني
ازاي بس يا ماما.. هي بقت معاها خلاص
تتصرف يا حازم
وتاخدها يإما مش هيعجبك اللي هعمله
بقلم عمرو راشد
فوقت تاني يوم لقيت يوسف قاعد جنبي وباصصلي.. قومت واتعدلت
انت رجعت امتا
من شوية
بصيت على الساعة اللي قدامي لقيتها 12 الضهر
وايه اللي جابك
بصيت على نفسي وافتكرت اني نمت امبارح من غير ما اغير هدومي
كنت خارجة مع صحابي.. فيها حاجة دي
ابتسم وقالي
لا مفيهاش بس اول مرة اعرف ان ليكي صحاب.. عمرك ما جبتيلي سيرة أي واحدة من صحابك يعني
عادي مجتش مناسبة
مش عايزة تعرفي انا رجعت ليه
ليه
تفتكري ليه يا ريهام.. انا رجعت عشانك أنتي عشان انا مش هقدر اسيبك و امشي.. انا بحبك
بس احنا مبقاش ينفع نكمل مع بعض يا يوسف.. انا مبقتش انفع لأي حاجة اصلا.. أنا دلوقتي جسم بس من غير روح.. مبقاش فيا اي حاجة حلوة ولو انت كملت معايا هتظلم نفسك وهتظلمني معاك لأنك هتبقا مستني ريهام بتاعت زمان و دي خلاص مبقتش موجودة
ايه المانع اني اكون معاكي ونبدأ من الاول.. على فكرة احنا ممكن نسافر ونبعد عن كل القلق دا
ههرب من الناس كلها بس مش هعرف اهرب من نفسي.. انا تعبت يا يوسف خلاص مبقتش قادرة.. ارجوك لو انت فعلا بتحبني طلقني وأنا مش هزعل منك ولا هلومك على اي حاجة
انا لو طلقتك يا ريهام هبقا خسړت كل حاجة في حياتي.. انتي اخر امل ليا في الدنيا دي مش عايز اخسرك
ولا انا عايزة اخسرك والله بس انا تعبانة ومش عارفة حتى اساعد نفسي.. انا مش عارفة الاقي نفسي يا يوسف انت فاهمني.. انا حاسة اني واحدة تانية
هو انتي لسة بتاخدي الحبوب يا ريهام
سكت ومعرفتش ارد وهو فهم و رجع يكمل
تبقي لسة بتاخديها رغم اني حذرتك....
سكت لمدة دقيقة و اتكلم تاني
من النهاردة انا هرجع ابات معاكي في البيت تاني
كنت لسة هتكلم ولكن هو قاطعني
ششششش انا مش عايز منك اي كلمة غير حاضر ونعم وبس.. لو أنتي فاكرة اني هسيبك تبقي بتحلمي.. انتي بالذوق هتخفي وبالعافية هتخفي.. اسمعي كلامي بقا بالذوق عشان مستعملش معاكي القوة ومن النهاردة انا مش هتحرك من البيت.. فاهمة!!! انا قاعدلك اهو
بصيت في الأرض وسكت معرفتش انطق
قومي غيري هدومك لحد ما احضرلك الاكل
مكنتش مركزة معاه لحد ما هو كرر الجملة تاني بس بصوت اعلى
قووومي غيري هدومك يا ريهام
انتبهت لكلامه.. حركت راسي وقولت
حاضر
خرج هو برا وقفل الباب
متابعة القراءة
