هويد الليل بقلم لولا نور الجزء الثاني

نورسين تقف امامه !!!
نورسين !!!! 
زيفت نورسين ابتسامه واسعه علي شفتيها المصبوغه باحمر شفاه قاني وهتفت الف مبروك يا ليل ...
ثم دلفت الي الداخل ووقفت وسط الجناح وتابعتانا عاوزه اعتذر لك عن اللي حصل بينا اخر مره وعاوزه نفتح صفحه جديده مع بعض .
كان ليل لايزال يوليها ظهره وما ان انتهت من حديثها حتي استدار اليها بكليته وظل واقفا مكانه يطالعها بنظرات جامده لفتره وكانه يحاول سبر اغوارها مما جعلها تهتف بتوتر ايه انت لسه زعلان مني ولا مش قابل اسفي ..

تحدث ليل اخيرا بهدوء لا ده ولا ده بس بصراحه مستغرب....
اقتربت منه نورسين وهتفت بدهاء ولا تستغرب ولا حاجه انت عندك حق مشاعري تخصني انت مالكش ذنب فيها وانا مبسوطه علشان انت مبسوط واختارت اللي قلبك حبها وبتمني لك تلاقي سعادتك معاها ...
بس مش عاوزه علاقتنا تتاثر ونبعد عن بعض انتي عارف انت اقرب حد ليا وعاوزاك كمان تساعدني ان انا ومسك نقرب من بعض اصل انا حاسه كده انها مش بتستلطفني!!!
هتف ليل بلباقه عادي يا نورسين انا اصلا الموضوع مش في دماغي وانتي بالنسبه لي زي ما انتي اختي وشريكتي وكل اللي يهمني ان انتي ومسك تكون علاقتكوا كويسه وطبيعيه ...
قطع حديثهم دخول جودت الجناح كويس اني لحقتك يا ليل قبل الفرح ما يبدأ عاوزك في كلمتين علي انفراد ....
نظر له ليل بجمود ولم يرد فهتفت نورسين بابتسامه متكلفه هسيبكم انا بقي وانزل استناكم تحت مبروك مره تانيه يا ليل ...
ثم غمزت بطرف عينها لجودت تعني ان كل شيء علي مايرام كما اتفقوا !!!
اغلق جودت الباب خلفها ثم تقدم من ليل ومن دون مقدمات ضم ليل في عناق قوي حقيقي بادله اياه ليل علي مضض!!!
تحدث جودت بعدما اخرج ليل من احضانه الف مبروك يا حبيبي انا انهارده اسعد واحد في الدنيا دي كلها نفس سعادتي يوم ما اتخرجت واستلمت مكانك في رئاسة الشركه ...
هتف ليل مصححا مكاني في الشركه انا عملته بنفسي مجاليش علي طبق من فضه زي ناس كتير ...
بهتت ملامح جودت وابتلع رمقه وقد فهم مغذي حديثه طبعا يا حبيبي دي شركتك في الاساس انا بس خاني التعبير ..
المهم انا عاوز اصلح سوء التفاهم اللي حصل بينا اخر مره وعاوز اقولك اني معنديش اي تحفظات علي جوازك من مسك واوعدك اني هعاملها زي بنتي ووالدتها ماليش اي علاقه بيها حتي بعدك عني وسكنك في بيت تاني رغم اني مش عارفزهتحمله ازاي بس كل ده يهون علشان خاطرك والمهم انك تكون مبسوط ومرتاح ...
ضحك ليل بخفه وتابع واضح انهارده ان يوم الاعتذار العالمي ده انت ولا ما تكون متفق مع نورسين !!!
تلوت معدت جودت من القلق ظنا منه ان ليل يعلم ما يدور من خلفه وتابع نورسين !!! وانا مالي ومالها...هو في حاجه بينكم انا معرفهاش
تحدث ليل پغضب طفيف يعني مش عارف اللي اعرفه ان سرك مع نورسين وابوها وشغلك كمان !!
مسح جودت حبات العرق التي لمعت علي جبينه وتابع قصدك شغلنا هو انا اللي هقولك انهم شركاء معانا ولا ايه....
ضحك ليل بسخريه ما هو علشان شغلنا انا عارف تفاصيله كويس وعارف كمان ان مفيش حاجه تستدعي انك تسافر كل المده دي وفي الوقت ده ولحد دلوقتي ما اتعرفتش علي مراتي اللي هتبقي