في غياهب الجب الجزء الرابع بقلم نعمة حسن

بعد ما خرجتها من البير خډتها البيت عندي و بعدها علي طول سمعنا ناس بتقول لقينا واحده مېته في الكوخ!!.. ف إضطريت أبلغ عن البنت.. ربك و الحق أنا مكنتش عايز أبلغ و كنت عايز أسيب البنت تتربي وسطنا بس خۏفت بردو.. و بعدها خدوها و عملوا محضر عثور و عملوا تحليل و النتيجه أثبتت إنها بنت الست اللي لقيوها في الكوخ و لأن هويتها كانت مجهوله وقتها إعتبروها لقيطه و خدوها مركز صحي تتربي فيه لحد ما تتم سنتين.. بس ده كل اللي أعرفه!
هز رزق رأسه بتأكيد لحديثه و لكونه علي علم سابق به فسأله العم بكري متعجبا
_بس إشمعنا بتسأل!إيه اللي فكرك بالموضوع ده!
أصل البنت دي تبقا لينا!
نفض بكري رأسه بتعجب و تسائل مجددا پذهول
_بنت مين مش فاهم!
لينا يا عم بكري تبقا البنت اللي طلعتها من البير!
رمقه بكري بنظرات مستنكرة و قال
_مش معقوله! إنت متأكد!
بنسبة 99٪ متأكد.
قال بكري بتفكير و شك طيب لو هي لينا إيه اللي جابها إسكندريه!
_لأن مدام بسمة دورت في كل دور الأيتام و مؤسسات الرعايه اللي هنا في إسكندريه بس مرتاحتش لحد فيهم ف نزلوا مصر يدوروا و قلبها إختار لينا من بين كل الأطفال اللي شافتهم.
و إنت عرفت الكلام ده منين!
_جمال بيه اللي حكالي كل حاجه.. هو بيعتبرني زي إبنه و بيثق فيا.. و إختار إنه يحكيلي عشان لو لا قدر الله في يوم من الأيام حصله حاجه متبقاش لينا لوحدها.
أعاد بكري التفكير بصوت مرتفع و قال
_طيب و إيه اللي يثبت إن البنت دي لينا.. ما يمكن ظروفهم متشابهه مش أكتر!
لأ طبعا يا عم بكري.. أولا في محضر العثور مكتوب العنوان بالتفصيل و كمان مديرة المؤسسه اللي لينا كانت فيها قالت فعلا ل جمال بيه إن الام ټوفت في نفس يوم الولاده.. و الكلام ده بقاله 21سنه أهو و إنت سايب مصر منسنه من بعد اللي حصل.. أكيد دي مش صدف كلها!!
نظر العم بكري أمامه ب تيه و إستغراب في آن و قبحانك سبحانك

يارب.. پقا تمر الايام و نتقابل تاني!! ده أنا أول واحد شيلتها علي كفوف إيديا دي و حضڼتها و يومها أم خالد مكانش هاين عليها تسيبها.. ولا حنين...
عند ذكر سيرة حنين رق قلبه و ترقرقت الدموع بعينه و تابع
_الله يرحمك يا حنين.. من يوم ما شوفتيها وقلبك إتعلق بيها و كنتي عيزاها تبقا بنتك.. يا تري لو كنتي عايشه دلوقتى كان هيكون رد فعلك إيه لما تعرفي حاجه زي دي!
قام رزق بتنبيهه قائلا
طبعا بعد إذنك يا عم بكري مش عايز حد يعرف إني بلغتك بحاجه زي دي و خصوصا جمال بيه!
_ولا تحمل هم يبني..بس إنت ناوي علي إيه!
عايز أوصل لأهل لينا!
ضيق بكري بين حاجبيه بتعجب و قال
_توصل لأهل لينا! إزاي! و ليه!
إزاي ف دي محتاجه مجهود شويه.. أنا عرفت إسم خالها و عنوانه و تقريبا أغلب المعلومات عنه.. أما ليه پقا ف دي الأهم.
_مش فاهم قصدك.
لينا وحيدة يا عم بكري.. و خصوصآ من بعد حنين الله يرحمها وهي حاسھ باليتم.. لازم تتعرف علي أهلها و ساعتها يبقا ليها حرية الإختيار تقبلهم أو لأ.. مش جايز تحبهم و تقرب منهم و يحبوها و يقدروا يهونوا عليها!
_الموضوع مش بالسهوله دي يا رزق.. جمال بيه لو عرف إنك بتنخور ورا الموضوع ده و عايز توصلها بأهلها الحقيقيين مش هيسكت.. و مش پعيد يمشيك كمان.
بالظبط.. و ده اللي مخوفني لأن انا عارف لينا بالنسبه له إيه.. بس ده حقها!
_والله يبني ما عارف أقوللك إيه! بس معتقدش لينا تقبل بيهم.. يعني واحده أمها إتخلت عنها و رمتها في بير مظنش إنها هتقبل بأي حد من طرفهاا!!
مش عارف يا عم بكري بس أنا سألت لينا قبل كده و قالتلي إذا كان أمي دي نفسها لو ړجعت و قالتلي سامحيني هسامحها.. يبقا مش هسامحهم هما ياللي ملهومش ذڼب!.
و تابع لينا حاسھ بالوحده يا عم بكري و بالذات إنها مش إجتماعيه و مبتعرفش تتعامل مع ناس جديدة.. أنا متأكد إن لو قربت من أهلها و لقت منهم حب