انتصرت بك الجزء الثاني
داعم ليها يرمم شروخ قلبها وصدقني لو الشخص ده كان حد غيرك هبة مش هترجع معاك زي الاول..
حسيته اقتنع ب كلامي ضحك بغيظ وهو بيضرب جبينه ب خفة
انا كنت غبي حقيقي وهضيعها لولاك يا كيان..
سكت وكمل وهو بيجري ل برة وبيخرج من البوابة
حقيقي انا بحبك..
مشي سليم وانا لفيت تاني للزرع وبدأت اكمل مكان ما وقفت لحد ما حسيت ب حاجة بتشدني من الفستان بصيت علي الارض ف ابتسمت لما شوفت مريم نزلت ل مستواها بوستها من خدها وشيلتها علي دراعي.
مشيت ايدي علي شعرها وانا ب ضحك
لا يا مريومة انت مالكيش ذنب وانا مش زعلانة منك..
طيب انت زعلانة من بابا ليه..!
عشان بباك زعقلي وماسمعش كلامي ولا تبريراتي..
سكتت وهي بتفكر بعدين اتكلمت ب برائة
بابا كان قالي انه هيخليك ماما عشان انا بحبك وهو بيحبك وانت دلوقتي زعلانة منه يعني مش هتكون ماما صح وهفضل علي طول من غير ماما..
قعدتها علي الارض وقعدت قدامها وبدأت اتكلم ب ضحكة مصطنعة وانا حاسة ب نغزة في قلبي من كلامها عن اشتياقها ان يكون ليها ام
مش شرط اتجوز بباك عشان ابقي مامتك احنا ممكن نبقي اصحاب اوي اوي وابقي زي ماما بالظبط اي رأيك..
زمت شفايفها ب حزن
اتكلمت ب هزار
هبقي اخدك معايا يا ستي..
طيب وبابا هنسيبه لوحده..
مكنتش عارفه اقولها اي طيب اقولها اني نفسي ابقي ماما بجد واحطم الباقي من كرامتي ولا احافظ علي الباقي منها واصونه وفي داهية قلبي..!!
سكتي ليه ردي عليها هتسيبوني لوحدي هنا..!
واقف قدامي إيديه في جيوبه وساند علي عمود الإناره ب طلته البهية الخاطفة للانفاس..
بص لي بغيظ ولكني ما اهتميتش ميلت علي مريم قولتلها نروح اوضتي هزت رأسها بالموافقة فوقفنا عشان نمشي لسه هتحرك وقف قدامي واتكلم ب إصرار
كيان انا بحبك عارف ماينفعش اقول كد بدون رابط شرعي بس صدقيني ڠصب عني ومش قدر اسيبك تروحي مني ارجوك سامحيني والله اي كلام قولته كان في وقت عصبية وخوف علي مريم ومكنتش حاسس بنفسي او انا بقول ايه.
لو اخر واحد في الدنيا يا زياد مش هكون ليك ولو قلبي كان حبك كنت هدوس عليه ب احقر صرمة عن اذنك..
يتبع
