جمعهما الحب الجزء الرابع بقلم سمية

سنة كام 
الطفل انا فى خمسة ابتدائى بس بساعد بابا وماما بحب اعتمد على نفسى 
ورد سقفتله وقالت برافو انت كده بطل وباين عليك هتكون ناجح لما تكبر وهتكون مشهور اوى اووى وابقى اقول للناس انا عارفة الرجل المشهور ده 
الطفل عينيه دمعت ومسحها بكمه وقال انتى طيبة اوى ياابلة مفيش حد قالى كده قبل كده كله بيحسسنى انى مش انسان 
ورد مسحت عنيه تانى وقالتله لا يا حبيبى انت ربنا بيحبك وقدرك كبير اوى عند ربنا ومش تسمح لحد انه يقلل منك وخلى راسك دايما مرفوعة ولازم تفرح باباك ومامتك بيك وتنجح وتطلع الاول 
الطفل حاضر ياابلة انا هنجح واشتغل علشان افرح اهلى وبعدين جاب قلم تانى وقالها خدى ده هدية منى 
ورد وهى بتعمل روحها متفاجأة ايه ده انا اول مرة حد يجيبلى هدية انا هحتفظ بيه على طول علشان لما تبقى مشهور اخد توقيعك بيه يلا بقى ياحبيبى عايز حاجة 
الطفل بابتسامة وكان كلامها اعاد الروح اليه لا 
وبعدين مشيت وسمعته بينادى عليها تانى ابلة 
لفت ليه وقالت نعم 
قالها شكرا 
ضحكت ليه ولوحتله بايديها وهو كمان كل ده وعمار شايفها شاف حنيتها وطيبة قلبها غار من الطفل وحسده لانها كلمته وطبطبت عليه كان عايز هو يكون مكان الطفل ده وابتسامتها اه ثم اه منها انها سهام تخترق الصدور لتتملك كل خلية فى الجسد قطع عليه تفكيره ياسر ايه ياعم اللى واخد عقلك 
عمار اعمل فيك ايه مش قتللك كذا مرة اعمل صوت سلم كح يا اخى مش تخض الواحد كده 
ياسر بشقاوة اخص عليك يامورى بقى انا حد يشوفنى ويتخض ده انا كيوت خالص 
عمار مورى اختك الصغيرة وانا مش عارف امشى يالا من قدامى علشان مش فايقلك 
ياسر ههههههههه خلاص ياعم قولى عملت ايه فى موضوعك 
عمار رحت بيتها وطلبتها من والدتها بس قلبى مش مطمن خاېف اوى يا ياسر لامها ترفض ساعتها انا مش عارف هعمل اييه 
ياسر ياعم سيبها على الله واتوكل وان شاء الله اللى فيه الخير يقدمه ربنا 
عمار ونعم بالله 
ياسر صحيح عملت ايه مع اهلك لسه رافضينك 
عمار وهو يتنهد اه لسه انت لو شفت الضغط اللى عملوه عليا علشان ارجع مسيحى كنت صعبت عليك وجكاية اهلى دى كمان قلقانى لان والدة ورد لما تعرفها هترفض مش عارف هروح لوحدى ازاى 
ياسر بيضربه فى كتفه لوحدك ايه ياراجل مانا جنبك اهو انا مش مكفيك ولا ايه انا هاجى معاك بكره ان شاء الله 
عمار انا مش عارف اشكرك ازاى على وقفتك جنبى فى الايام اللى فاتت بجد انت ونعم الصاحب 
ياسر عمار متقولش كده احنا مش ينا الكلام ده ربنا وحده العالم انك بقيت بالنسبالى اكتر من اخويا 
عمار بس ايه الانانية بتاعتك دى يعنى لو مكنتش اسلمت كنت هتسيبنى كده عايش فى اوهام 
ياسر  ياعم هو انا كنت بعرف اكلمك ده انا كنت لما برد عليك كنت بتبصلى انت والواد يعقوب كانى معايا متفجرات ولفافها على جسمى هههه
عمار هههههههه معلش بقى انا دماغى كانت مبرمجة على فكر معين بس الحمد لله الذى منا علينا بالاسلام 
ترررررن تررررررررن 
فاطمة مين على الباب 
عامر ازيك يافاطمة 
فاطمة مين 
عامر ابن عمك ايه نسيتينى انا عامر 
فاطمة پخوف عايز ايه ياعامر 
عامر حس بالخۏف فى صوتها ايه ده يافاطمة مفيش ازيك ولا عامل ايه وبعدين هتسبينى واقف كده ع الباب 
فاطمة مفيش حد هنا ومينفعش تدخل ياعامر انت جاى عايز حاجة 
عامر لا جاى اعزيكى فى حسن 
فاطمة ولسه فاكر عموما متشكرين حاجة تانى 
عامر بخبث اه طالما مفيش راجل معاكوا ايه رايك تتجوزينى انا ابن عمك وانتى بنت عمى ونلم زيتنا فى دقيقنا زى مابيقولوا 
فاطمة پغضب انت اټجننت انا مستحيل اتجوز بعد حسن وبعدين متشكرين على افضالك ياسيدى مش عايزين حاجة منك 
عامر بنرفزة لاحظى ان دى تانى مرة ترفضينى فيها يبقى استحملى اللى هيجرالك سلام
فاطمة حطت ايدها على قلبها وعنيها دمعت وقالت شفت ياحسن ايه اللى بيجرالنا بعدك يارب ابعده عن طريقنا يارب احنا ملناش غيرك 
بعدين سمعت الباب بيخبط تانى قالت پخوف مين انا ياماما ورد 
اتنفست براحة ومسحت عنيها وفتحته ورد قالت السلام عليكم بتقشيرة ودخلت اوضتها على طول فاطمة مش استغربت لانها من ساعة لما عمار جه وورد زعلانة منها ومش بتاكل معاهم 
وبعدين فرحة جت وفاطمة حطت الاكل فرحة امممم الله الاكل جميل جميل الاكل تسلم ايدك ياحاجة 
فاطمة ياطفسة بدل مانفسك تتسد علشان اختك بقالها يومين مش بتاكل تاكلى زى المفجوعين
فرحة يوه بقى انتى هتبصيلى فى اللقمة بس برضو مش هقوم وهاكل 
فاطمة ماتروحى تتاحيلى عليها يابت علشان خاطرى 
فرحة انا مالى انا قلتلك البت هتكتئب وفى الاخر هتجرى بيها على الدكاترة انتى حرة بقى يلا تسلم ايدك هقوم اريح شوية 
ودخلت الاوضة امك طابخة النهاردة حتة اكلة حاسة ان بطنى هتتفجر 
ورد بغيظ ايوة مانتى بتاكلى نصيبى ده انتى طلعتى مستغلة اوى بت انا جعانة 
فرحة يابت اصبرى امك