رواية صبا عزيز. بقلم زهرة الرببع. الجزء الاخير.

اللي ضړبت اخو مراتي يا حضره الظابط

سمر بقت تبكي وتصرخ وتقول.. هندمك يا عزيز هندمك 

وعزبز اخد انور على المستشفى وصبا واسيل ومازن كانو معاه..في المستشفي انور كانت حالته صعبه والطعنه كانت جمب القلب وصبا كانت مڼهاره جدا واسيل اغمى عليها وكان الكل حالتهم سيئه جدا لكن هديت الاوضاع شويه لما الدكتور خرج وقال.. ان العمليه نجحت والحاله مستقره

بالليل اسيل كانت حاطه راسها على رجل صبا وهما الاتنين كانو بيبكو جامد وعزيز قرب عليهم وقال..وبعدين طيب ادعولو احسن من العياط ده الدكتور قال انه بخير شويه وهيفوق ونطمن عليه

اسيل قالت وسط شهقاتها..ليه مفاقش لحد دلوقتي انتو بتكدبو علينا شكلو تعبان لو حصله حاجه اعمل ايه من غيره يارب

صبا حضنتها وقالت ببكا..خلاص متقوليش كده مش هيحصله حاجه ان شاء الله 

وبعد ساعات من التوتر والقلق انور فاق ودخلو يطمنو عليه وصبا حضنته وبقت تبكي جامد

انور قال بتعب..خلاص بقى انا انا تمام

عزيز قال بابتسامه..حمد الله على سلامتك 

انور ابتسم وقال..الله يسلمك وبص لصبا اللي كانت پتبكي جامد وقال..كفايه وجعتي قلبي والله انا كويس

عزيز قومها وقال..كفايه هو تعبان مينفعش كده تعالى معايا 

 واخدها وطلع بيها..انور لسه هيسأل على اسيل اتفاجأ بيها واقفه في زاويه في الاوضه وپتبكي بصوت مكتوم وحالتها صعبه قوي قال..اسيل تعالي

اسيل قربت عليه ببطأ وجسمها بيرتعش من الخۏف والبكا وقعدت جمبه وقالت بشهقات..انت انت كويس

انور ابتسم بدموع على منظرها وخۏفها عليه وقال..انتي اللي مش كويسه ابدا يااسيل ليه كده يا حببتي ما انا زي القرد اهو امال لو مت هتعملي ايه

اول ما قال كده اترمت في حضنه وبقت ماسكه فيه جامد وقالت ببكا..حرام عليك متقولش كده انا بحبك بحبك اوي اوعى تسبني مش هستحمل

انور ابتسم بفرحه وقال..طيب اهدي عمري ما هسيبك ابدا 

واتنهد وباس راسها وقال بحزن..حقك عليا سامحيني ارجوكي

اسيل قالت وهيه بتبصله بدموع..مسمحاك خلاص مش زعلانه منك ابدا 

انور ابتسم بفرحه وقال..بجد على طول كده

اسيل مسكت فيه وقالت..ايوه وعمري ما هزعل منك تاني وحتى لو زعلت عمري ما هبعد خليني ازعل واروق في حضنك انا لما حسيت انك ممكن تروح مني حسيت قلبي بطل يدق مستحيل ابعد تاني

انور كان مبسوط جدا وشدها عليه وقال..ربنا يخليكي ليا انا عمري ما هزعلك تاني يا اسيل عمري

عدو يومين واسيل ووصبا مع انور في المستشفي وعزيز كان معاهم وديما سرحان وحزين على كل اللي عرفه بس كان وجود صبا معاه بيهون عليه وفي اليوم التالت رجعوا على البيت بعد ما انور اتحسن شويه 

في السرايا عزيز قال..ها هتعرف تطلع السلم ولا نطلعك

انور ابتسم وقال..لا لا شكرا انا هطلع لوحدي اه على فكره شكرا يا عزيز بيه لانك دفعت تكاليف المستشفي وكنت واقف معانا انا اكيد هرجعلك الفلوس بس كل حاجه حصلت فجأه

عزيز ابتسم وقال..اظن مبقاش غيه بنا الكلام ده احنا بقينا عيله لو مش واخد بالك وبعدين بلاش رسميات مفيش داعي تقولي يا عزيز بيه عزيز كفايه يعني

انور ابتسم  وقال..تمام وطلع هو اسيل وصبا كانت معاهم 

عزيز لسه هيطلع على اوضته مازن قال..عزيز انا بجهز ورقي هرجع على اميركا

عزيز بصله بدهشه وبعد كده اتنهد بحزن وقال..لو على موضوع صبا انا كنت هتكلم معاك في الموضوع انا

بس مازن قاطعه وقال..اهدى بس انا مش هكدب عليك في لحظات اعجبت بصبا مجرد اعجاب بس كل الكلام اللي قولتهولك ورغبتي في الجواز منها وكل الهري ده حوار من ابوك هو كان شايف ان البنت دي هتنفع معاك وطلب مني كده

عزيز بصله بزهول ورجع بص لصفوان اللي كان بيصفر وعامل نفسه مش واخد باله وقال..بقى كده..

مازن قال بضحك بس الظاهر الراجل العجوز ده بيفهم اكتر مني ومنك..البت جدعه وبتحبك خد بالك منها وربنا يهنيكم

عزيز قال..طيب لو مش علشان صبا امال هتسافر ليه

مازن قال..ابدا انت عارف ان صحاببي من ايام الدراسه كلهم هناك واتفقنا هنعمل بزنس سوا وانا مليش في جو البلد انت عارف بحب الحريه وكمان اشوف طريقى

عزيز اتنهد وقال..بس هتوحشني هكلمك كل يوم

مازن قال..كل ساعه يا ابن ابوبا ربنا ما يحرمني منك يا عزيز

عزبز حضنه وقال..ولا يحرمني منك ابدا 

بس صفوان حضنهم هما الاتنين وقال..ولا يحرمني منكم ويخليكم ليا

عزيز باس ايده وقال..كده برضو يا راجل يا طيب دا انا كنت بقول ملكش في الخبث ده

صفوان ضحك وقال..البت طيبه وتستاهل خلي بالك منها ربنا يخليكم لبعض واشيل اولادكم قريب

عزيز رفع حاجبه وقال..اولادنا ده انت راسم الخطه الكامله طب مش انت شلت تمار ولا مش كفايه

صفوان قال...لا طبعا بس هيه تمار تقدر تعيش من غير اخ يونسها ويسندها

عزيز قال بضحك..اممممم طيب هنشوف الموضوع ده يا حج تصبح على خير..

عزيز طلع وفتح الباب كانت صبا في الحمام اول ما طلعت وقف يبص عليها باعجاب شديد وقال..عارفه اول مره شوفتك قولت ايه

صبا قالت بتقليد..سبحان المبدع العظيم

عزيز ضحك بخفه وقال..لسه فاكره

صبا قالت بابتسامه..حتى نظره عيونك فكراها

عزيز شدها عليه وحضنها وقال بتعب وحزن..انا اسف اسف على كل حاجه عملتها معاكي وعلى كل كلمه جرحتك بيها ارجوكي سامحيني كفايه عليا ذنب واحد

صبا بصت في عيونه وقالت بعشق..مش زعلانه من اي حاجه وحتي بسمه الله يرحمها اكيد اللي حصل لها مش ذنبك ولو كانت فضلت عايشه بعد الحاډث وكانت حكتلك اللي حصل انا متأكده انك كنت هتصدقها متلومش نفسك انت شوفت بعينك وسمعت بودنك طبيعي تشتت

عزيز بعد شويه وقال بضيق..لا لا المفروض كنت اثق فيها لما جاسر كلمني وقلي صبا عايزه تفضل معايا مصدقتهوش