ابن ليل الجزء الثاني لأميرة أسامة

بس مردتش
سونه مين اللي قاعد يتصل بيكي ده دماغي باظت
سماح ده حسن يا سونه
سونه اممممم ايه فاق اخيرا لروحه عشان تبقي تسمعي كلامي لما نقولك طنشيه وهيجيلك زاحف
سماح وادبني سمعت كلامك و اهو مش مبطل رن ولا رسايل يكش بس ميقلبش عليا
سونه ويقلب عليكي ليه هو انتي يابت اللي مطنشاه
سماح طيب نعملوا ايه يا سونه نردوا عليه و نقوله اللي في قلبي ولا نسيبه علي عماه
سونه هتردي عليه طبعا بس مش الوقت خليه يتربي الاول ويعرف ان الوصول ليكي مش سهل عشان ميكررهاش تاني 
سماح يعني منردش انهارده خالص
سونه والله دي بقي علي حسب هو هيطنش ويقول انا كلمتها وعملت اللي عليا ولا هيفضل مصمم انك تردي
سماح مش فاهمه تقصدي ايه
سونه نقصد يابت الهبله لو فضل يرن وبقي شايط عشان مش عارف يطولك يبقي بيحبك ولو بطل زن يبقي قال بركه يا جامع جات من عندها
سماح فهمتك
سونه المهم تعملي باللي فهمتيه
سماح هنعملوا يا سونه وهنجيبوا أخر حسن 
سونه لما نشوف ويلا سيبيني بقي نخطط للسنيوره في حاجه تطلع من نافوخها
سماح احيه عليكي يا سونه انتي لسه مصممه علي اللي في بالك انتي وابله مها
سونه اه لسه ومنبقاش سونه لو مخليناها تقول حقي برقبتي وتطفش من هنا خالص
سماح يارب بس يكون رجوعها ده مش هيقلب التربيزه عليكي 
سونه تقصدي ايه يا بت
سماح اقصد ان اللي بيحب بيسامح يا سونه ومش بعيد كرم يسامحها
سونه يسامح
مين يابت دي خانته وباعته وراحت اترمت في حضڼ واحد غيره 
سماح لو عندك امل ان كرم يحبك بعد ما اتجوزتي خمسه غيره يبقي بيتهيألي ممكن يسامح اللي اتجوزت عليه واحد
سونه انتي بټحرقي دمي يا بت الكلب انتي بتقارنيني بدره طب انت بنحبه لكن هي لا كان معاها وسابته وراحت لغيره بس انا كنت بنضايقه
سماح واحد ياسونه مفيش فرق في النهايه تكفي ان هو كان بيحبها ولحد انهارده بيحبها وإلا كان زمانه اتجوز وزي ما قولتلك اللي بيحب بيسامح ومن رأيي بلاش تمشي وراء كلام ابله مها عشان التربيزه متتقلبش عليكي
سونه بصتلها وسكتت وهي من جواها هتولع
فصل حسن يرن عليها وكل ما تقفل الصوت يرجع يتصل
سونه بعصبيه بنقولك ايه خدي المخروب ده من هنا وروحي ردي عليه بدل ودين النبي ننزل نفرجوا عليه الخلق وانا مټعصبه كده
سماح لا وعلي ايه الوقت ردي عليه ما من شويه قولتي مترديش
سونه غوري يابت من قدامي 
سماح طيب براحه شويه متزوقيش
دخلت سناح اوضتها وقفلت عليها الباب وردت عليه
سماح ايوه يا حسن
حسن نعم يا اختي من صباحيه ربنا بنتصلوا عليكي ونبعتولك في رسايل والوقت بتردي بكل برود وتقولي ايوه يا حسن
سماح وطي يا حسن وبلاش تزعق
حسن انتي متقوليش اعمل مبترديش ليه يا سماح
سماح مش عايزه نردوا يا حسن عليك
حسن نعم
سماح زي ما سمعت بقالي اكتر من ثلاث ايام بنكلمك وانت مبتردش و اضح انك مشغول مع ضيوفك فا قولت نبطلوا نتصلوا عليك ونسيبك براحتك
حسن انتي عبيطه يابت ما قولنالك اني مشغول معاهم وكان في حوارات كتير حصلت 
سماح وانا سيبتك لحواراتك ومشاكلك وقولت نريحوك مني خالص
حسن سماح انا مش طايق روحي اتعدلي
سماح مش هنتعدل يا حسن ولازم تعرف ان مش كل حاجه بتمشي علي كيفك فاضي ومفيش حاجه ورايا نكلموا سماح مش فاضي منعبرهاش نكلمك مېت مره متردش وتكنسل ولو حنبت عليا ترد ويادوب اسمع منك كلمتين هنكلمك بعدين يا سماح عشان معانا حوار وامبارح اتصل عليك وانت واقف تحت تكنسل وتبص في الموبايل ومتردش وفي الاخر اشوف بنات عمتك نازلين وانت واخدهم بالعربيه وماشي ادام فرحان برجوعهم اوي كده يا اخويا يبقي مبروك عليك وسيبني في حالي يا حسن
حسن بابتسامه انتي غيرانه عليا يا بت
سماح حط نفسك مكاني يا حسن لو انا اللي في نفسك
موقفك كنت هتعديها
حسن كنت هنطين عيشتك 
سماح وانا مش هنطين عيشتك يا حسن بس هنسيبك براحتك وانت كمان سيبني براحتي افرح بحياتك الجديده وسيبني مع روحي 
حسن يابت انتي عارفه اني بنحبك والله لو حكيتلك اللي حصل اليومين اللي فاتوا هتعذريني
سماح وانا مش عايزه نعرفوا يا حسن ونجبهالك علي بلاطه يا حسن وهنقولك اللي انت مش عارف تقوله حبيت سماح واتعلقت بيها وعلقتها بيك عشان مكانش في غيرها بس لما جالك بدل الواحده تلاته سماح اترمت علي الرف وانا مبنترميش علي الرف يا حسن
حسن بابتسامه وهدوء طيب ممكن تهدي وتبطلي عياط يابت انا بنحبك ودين محمد ومش عايز من الدنيا دي غيرك مش هننكر اني اه اتشغلت في الحوارات اللي حصلت ولا هننكر اني فرحت برجوعهم و شوفت عمتي واتعرفت علي بناتها بس كمان انا مكنتش عارف انك ممكن تزعلي وكنت عارف انك هتقدري الموقف اللي فيه
سماح نقدروا لو الموقف اللي انت فيه موقف كبير لكن اللي انت فيه مش موقف من الاساس يا حسن عشان تفضل بالتلات ايام متعبرنيش ولا حتي ترد علي رسايلي واتصالي انت بس اضايقت لما بطلت نبعتلك او يمكن تكون افتكرتني لما بنطلنا نزن عليك
حسن ليه وانا كنت ناسيكي يابت
سماح أسأل روحك يا حسن ده اللي يشوفك وانت مبسوط وبتضحك معاهم امبارح يقول ان مفيش واحده في حياتك 
حسن يابت بطلي عياط متوجعيش قلبي والله يا سماح بنحبك وهما مش اكتر من بنات عمتي وزي اخواتي يابت البنات ميعرفوش هنا اي حاجه و من ساعت ما وصلوا وهو شايفين حوارات كتير بتحصل قدامهم ومش فاهمين شويه رفض ستي وابويا وجودهم وكانوا عايزين يطردوهم شويه طلوع كرم وتهديده لدره غير المشاكل اللي حصلت مع جوز عمتي هناك ورجوعهم بالطريقه دي يعني حطي نفسك مكانهم فجأه حياتهم اتغيرت بقي كلها مشاكل سابوا البلد اللي اتربوا فيها سابوا دراستهم واصحابهم وكل حاجه وجم لمشاكل اكبر منهم وياريتهم
فاهمينها صعبوا عليا والله يا سماح وحبيت نبعدهم شويه عن كل الوش ده مش اكتر ونحسسهم ان زي ما في حجات وحشه بتحصل حواليهم ان في بردوا حجات كويسه كمان حبيت نخفف حملهم عن دره شويه عشان هما كان فاضل تكه ويحملوا الذنب كله علي دره وهي بصراحه مكانتش ناقصه ضغط صدقيني البنات طيبين لو عرفتيهم هتحبيهم والاهم من كل ده لازم تعرفي انهم اخواتي وبنات عمتي مش اكتر
سماح كانت بتسمعه وهي ساكته
حسن ساكته ليه مش مصدقاني بردوا
سماح مصدقاك يا حسن بس اتوجعت منك ولما شوفتك امبارح وانا بتصل بيك وانت بتشوف وبتكنسل وبعدها خدتهم ومشيت كنت ھنموت
حسن بحب بعد الشړ عليكي يابت عموما يا ستي انا غلطان وانتي معاكي حق كان لازم نردوا عليكي ونوعدك انها مش هتتكرر تاني المهم قولي انك سامحتيني
سماح ماشي يا حسن محصلش حاجه خلاص
حسن بتغيري عليا يا بت
ابتسمت سماح من وسط دموعها
سماح ايوه بنغير حقي ولا مش حقي
حسن حقك يا قلب حسن من جوه 
سماح اتلم يا حسن بدل ما نسمعوك ربع 
حسن بضحك ادام فيها ربع يبقي خلاص صالحتيني
سماح ايوه سامحتك بس اياك تكررها تاني
حسن لا خلاص اول واخر مره بنحبك يا بت
سماح وانا كمان بنحبك صحيح بنقولك
حسن قولي
سماح خد بالك من عمتك سونه وابله مها متفقين عليها
حسن عارف متقلقيش وربنا يسترها المهم لو عرفتي اي حاجه تبلغيني قبل ما المصېبه تحصل دول نسوان قادره محدش يقدر عليهم
سماح والله انا منعرفش عمتك بس صعبانه عليا امي وابله مها يتفات لهم بلاد
حسن ربنا يستر من دماغهم
سماح يارب
في المساء خرجت دره من اوض البنات بعد ما أطمنت انهم ناموا عشان يصحوا بدري لجامعتهم
خرجت بهدوء بره تشوف الشقه محتاجه حاجه ولا لأ كل حاجه كانت مظبوطه اتنهدت دره بإرتياح ودخلت علي المطبخ عملت فنجان قهوه وبعد كده خرجت بره شربته في هدوء وهي بتفكر في كل احداث الكام يوم اللي فاتوا من وقت وصولها وفجأه سمعت صوت مطر خفيف بره في الشارع
دره يالهوي الغسيل
جريت بسرعه عشان تلم الغسيل من علي المنشر
كانت بتلم بسرعه عسان تلحق الغسيل قبل ما يتغرق من المطر ومش واخده بالها من الكلور اللي بوظ اللبس كله
شالت الغسيل كله ودخلت علي جوه حطته علي المرسي وراحت ققلت الشباك ورجعت عشان تطبقه قبل ما تنام
دره ايه ده ده كلور ولا ايه ده فصلت تقلب في الغسيل كله ماركات 
يانهار اسود ده كلور اللبس باظ جه منين الكلور ده انا معنديش كلور اصلا
فصلت تفكر جه منين مش لاقيه حل و دعاء تحتها وهي بس اللي فوق مفيش حد ممكن ينزل عليها كلور وفجأه سرحت 
دره كرم هو مفيش غيره وديني ما هنسيبك يا كرم بوظت لبسي ولبس البنات 
مسكت موبايلها بسرعه واتصلت علي حسن
حسن بصوت نايم ايوه يا دره
دره حسن انت معاك رقم كرم
فتح حسن عينه وبص للسقف في ايه
دره معاك رقمه ولا لا
حسن ياستي معايا بس قوليلي في ايه الاول
دره عايزه نسمعه اللي عمره ما سمعه ابعت الرقم بدل ما نعملكم مصېبه الوقت
حسن طيب فهميني عمل ايه
دره رش علي
الغسيل بتاعي انا والبنات كله كلور
حسن كتم ضحكته طيب وهيعمل كده ليه وازاي اصلا اكيد انتي حطيتي انتي او البنات فكروه صابون
دره انا معنديش كلور اصلا ومفيش حد لا فوق ولا تحت ينزل علي الغسيل كلور مفيش غيره اللي عملها اصلا اللي كان منشور قدامه غرقان كلور من تحت لفوق ودي محدش يعرف يعملها غير اللي قدامي وهو اللي قدامي
حسن بضحك طيب وحدي الله وبكره انا هنتكلم معاه ونعرفوا 
قاطعته دره لسه هتتكلم معاه بنقولك ايه يا حسن ودين محمد لو ما بعت رقمه لا هننزلوا نحدفك من الشباك وهنسمعوك ربع مسمعتهوش في حياتك
حسن احيه عالعرق الاسكندراني اللي ظهر وبعدين هي فيها ربع انا وطول اليوم بنسمع في ارباع
دره يبقي بلاش تستفزني ونخليك تجرب الربع بتاعي اخلص انا علي اخري اللبس كله ماركات
حسن طبيب بنقولك ايه متقوليش ان انا اللي ادتلك الرقم بدل ما تصحي الصبح تلاقيه معلقني علي باب الدكان
دره خاېف منه يا ولا
حسن اه وربنا ده مفتري
دره ابعت يلا اخلص ومتقولش قدام ابوك وامك عاللي حصل
حسن انا هنام واول ما نصحي هنكون ناسي متقلقيش بس بنقولك ايه خافي علي روحك بدل ما بعمل فيها خفاش وينط عليكي يحدفك هو من
البلكونه
دره طب ابعت اخلص
حسن سلام احيه دي هتولع بس حلوه لعبه القط والفار دي
اول ما وصل الرقم لدره رفعت حاجبها وراحت بهدوء علي البلكونه عشان البنات مسمعوش
رنت عليه ومقدرتش تنكر ضربات قلبها اللي بدق من كتر الخۏف
رد عليها كرم بصوت