ابن ليل الجزء الثاني لأميرة أسامة

حاولت كتير نوقف الكلام والسخافه اللي بتحصل قبل ما تدخل في الجد وفجأه لاقيتني بنلبس دبلتك
بس وقتها عشان انت كنت غالي عليا مقدرتش اني نلبس دبلتك وانا قلبي مع راجل غيرك قولت
لامي انا بنحب و مش قادره اكمل معاك رفضت وشافت اني منعرفش مصلحتي قولت لعبدالله
اتعارك معايا بدل المره الف عشانك مكانش هامه راحة وسعاده اخته زي ما كان بيفكر فيك وفي سعادتك
طلبت من ابويا وهو كمان بعد ما كان عمره ما بيرفضلي طلب وقف قصادي وقالي كرم هيصونك ده متربي وسطنا وانتي متعرفيش مصلحتك وعشان امي كانت بتحبك اكتر ما بتحبني قدرت تسيطر على عقل ابويا وتخليه يقف قصادي لاقيت الدنيا كلها سوده في وشي ومحدش واقف معايا حاولت اني اسمع كلامهم واحاول اشوف اللي هما شايفينه يمكن معاهم حق وانا اللي مش عارفه مصلحتي
مش هقدر اقولك اني شوفت فيك اي عيب كنت قريب مني كنت سبب كبير في كل اللي انا فيه الوقت حبك لحلمك انك تبقي دكتور خلاني انا كمان اخدك قدوه ومثل اعلى ليا وبقيت اذاكر واجتهد واتشجع بيك كنت راجل كنت محترم ومؤدب وفيك كل الصفات الحلوه بس لما كنت بحاول ادي لنفسي فرصه معاك عشان اشوفك شريك حياتي مكنتش بلاقي الجزء ده فيك خالص عمري ما شوفتك بتحبني غير زي مها اختك عمرك ما قولتلي بحبك عمرك ما قولتلي كلمه حلوه زي اي واحد وخطيبته مشاعرك كانت بارده ومقدرتش اعرف ليه عشان مثلا انا اخت صاحبك وانت مستعيب تظهر حبك ولا عشان انت اصلا مبتحبنيش وانا بالنسبالك جوازه والسلام
وكل ما كنت نفكر فيك يا كرم نلاقي معامله تانيه من يوسف اللي كان بيعلقني بيه يوم ورا يوم وكان ظاهر حبه ليا بكل الطرق وقتها قلبي قرر يختاره هو ولأني ملاقتش حد يقف معايا بردوا انت مهونتش عليا وقررت اني نروح لامك لجأت لنجوى يا كرم
وقولتلها اني مش قادره نشوفك غير اخويا طلبت منها تقف معايا وتحاول تغير رأي امي وفكرها قالتلي ماشي ولما راحت لامي قالتلها نفس الكلام دره متعرفش مصلحتها دره بتدلع دره لسه صغيره 
ونجوى سكتت وسمعت كلام امي وصدقتها
ولما حصلت العاركه اللي عبدالله قتل فيها ابن منصور قبلها كان متعارك معايا فوق في البيت ونزل وهو مش شايف قدامه واتعاركوا سوا وحصل اللي حصل
لو كان بس وقف معايا مكانش كل ده حصل مكانش العيلتين خسروا بعض زي ما قولت مكنتش انت اتسجنت وضيعت نفسك كل ده كان ممكن يخلص لو الموضوع كان انتهي بهدوء
بس لما انت أتسجنت انا فضلت على موقفي اللي كان موجود من قبل سجنك وابويا وقتها سكت وقرر بعد ما الدنيا خربت انه يوافق بس انا عارفه كويس ان هو مش وافق عشان صعبت عليه ولا زي ما انت فاكر عشان شافك رد سجون ابويا وافق عشان خاف اني اهرب مع يوسف واتجوز من وراه واوطي راسه زي ما قولت مع اني عمري ما كنت هعملها بس عشان كان بيحبك وباقي على عم رفاعي رفض يكون وكيلي وعشان ميرخصنيش قدام يوسف قال لعبدالله يقوم بالمهمه دي بداله عبدالله رفض ووقف قدام ابويا عشان بيحبك هو مباعكش زي ما انت فاكر يا كرم بس لما حس ان ابويا مش قادر على المناهده دي وتعبان قبل وراح معايا وبعد ما الكتاب اتكتب مشي وسابني و مشوفتهوش تاني لحد ما رجعت بعد عشرين سنه فضل مقاطعني عشانك 
بلاش تحملني ذنب مش ذنبي يا كرم انا لو في ذنب واحد غلطت فيه فحقك فا هو اني مسهلتش الطريق على نفسي وعليك وجيت قدامك وصارحتك بكل ده وانا عارفه ان انت مكنتش هتقبل تتجوزني وانا في حد غيرك في حياتي وانت اللي كنت هتقف جنبي
كرم بۏجع ومعملتيش ليه كده يا دره
دره عشان مقدرتش يا كرم كنت واثقه انك مش بتحبني بس كمان عارفه ان اي راجل كرامته هتوجعه لو اي بنت راحت قالتله انها مش بتحبه وانت كنت غالي عندي يا كرم كنت قريب
مني وعمري ما شوفت منك حاجه وحشه كنت مستنيه الكبار يقفوا معايا وهما اللي يصارحوك بس كلهم اتخلوا عني وخصوصا امي يا كرم يمكن هي اكتر حد غلط في حقك بس حبها ليك خلاها متحسش انها بتغلط في حقك جات عليا ومحبتش تيجي عليك
انا اسفه يا كرم مكنتش حابه اوجعك بس انت اللي اضطرتني اعمل كده انا مش خاينه ولا واحده وسخه زي ما قولت انا حبيت زي اي بنت يمكن يا كرم لو كنت وقتها ظهرت حبك ليا يمكن كنت شوفت فيك اللي هما كانوا شايفينه بس ده محصلش وانا مقدرتش مش هقدر اقولك انسي وخلاص اللي حصل حصل بس يعني لو ينفع نصلح مع بعض اللي حصل من اهلنا ونرجع زي الاول ونرجعهم هما كمان لبعض خلينا نرجع يا كرم زي ما كنا صحاب واخوات واهل
بصلها كرم بوج ع 
كرم امشي يا دره 
دره كرم 
كرم پغضب يعكس الڼار اللي جواه بنقولك امشييييييي
هزت دره راسها پخوف وبسرعه اختفت
من قدامه
حط كرم ايده على قلبه كان حاسس ان في سكاكين بتقطع فيه مش قادر يصدق كل حياته ضاعت على حلم عاش فيه لوحده معقول مكانتش بتحبه معقول فشل انه يظهر حبه ليها
عاش طول حياته مستني اللحظه اللي ترجع و ينتقم منها وفي الاخر متطلعش هي المذنبه الوحيده ونبيله وامه والكل كان عارف انها مش بتحبه وخبوا عليه
ظلموها وظلموه وضيع حياته على وهم هو الوحيد اللي كان عايش فيه
خرج كرم من المستشفي وهو مش شايف قدامه 
خرجت دره من المستشفي وراحت على البحر فضلت ټعيط كتير ندمت انها اعترفتله بعد ما شافت في عينه كسره وۏجع من معرفته للحقيقه
دره بۏجع سامحني يا كرم بس كان لازم تعرف الحقيقه عشان ترتاح كان لازم تريح قلبك اللي اتملي بالۏجع والڠضب والاڼتقام انت اللي اضطرتني اسمعك كلام يوجعك
بعد ما فرغت دره الۏجع اللي كان جواها رجعت على البيت شافها زكريا كان باين عليها الحزن فكر انها متوفقتش
زكريا خير يا دره
دره بإبتسامه بسيطه الحمد لله يا بابا اتعينت وهبدأ من بعد بكره شغل
زكريا امال مالك شكلك مش مبسوطه ليه
دره ابدا بس تعبت من المشاوير اللي عملتها ومصدعه شويه
زكريا طيب اطلعي ارتاحي شويه
دره حاضر بعد اذنك
طلعت دره على السلم وهي دموعها نازله لمحت دعاء بتخرج الكيس في الباسكت ضحكت اول ما شافتها وبعدين بصتلها بلهفه
دعاء ايه ده انتي بټعيطي في ايه
خرجت نبيله علي صوت دعاء وبصت لدره وقلبها اتخطف
نبيله في ايه 
دره بۏجع ليه عملتوا فينا كده ليه حطتوني في الموقف ده
نبيله موقف ايه
دعاء في ايه يا دره حصل ايه
دره اضطريت اقف قصاد كرم واقوله الحقيقه قولتله اني عمري ما حبيته قولتله اني طلبت منك ومن عبدالله ومن ابويا وحتي امه انكم تنهوا المهزله دي وانتوا رفضتوا قولتله كل حاجه توجعه
نبيله پغضب وۏجع ليييييه عملتي كده ليه
دره باڼهيار عشان وجعني عشان قالي اني خاينه واني واحده وسخه ورخيصه عشان قالي اني كنت بغفله و انا لابسه دبلته وماشيه مع راجل غيره
عشان قالي اني استغليت سجنه وروحت اترميت في حضڼ راجل تاني
مقدرتش نسكت كان لازم نواجهه بالحقيقه مكنتش عايزه نوجعه بس انا اتوج عت وكفياني وج ع لحد كده وكفايه عليه هو كمان وج ع كان لازم يعرف الحقيقه عشان يفوق لروحه لو كرم كان فاكر اني غفلته كان لازم يعرف انه عاش متغفل عشرين سنه بسببكم كان لازم يعرف يا امي انكم ربتوني صح واني اشرف من الصوره اللي رسمهالي وحفرها جوه قلبه طول السنين دي
سابتهم دره وطلعت بسرعه على شقتها
وفضلت دعاء ونبيله واقفين
بصت دعاء على نبيله لقت دموعها نازله
دعاء بيتهيألي كده افضل لكرم يا بلبله حتى لو هيتوج ع الوقت بكره هيفوق لنفسه بقي
سابتها نبيله ودخلت على اوضتها واول ما دخلت اتصلت على كرم بس مردش
في المساء كانت الساعه 12
كرم مرجعش و موبايله مقفول ومحدش عارف يوصله وبدأ الكل يقلق عليه
دعاء في ايه يا حسن بتكلم مين في الموبايل ومين ده اللي مش لاقينه
حسن ااا ده محمد ابن بكر بيقول ان 
كرم مختفي من الصبح و مرجعش وموبايله مقفول ومحدش عارف يوصله 
بصت دره لدعاء ونبيله بقلق
عبدالله هو عيل صغير اكيد هيظهر
نبيله او يمكن جراله حاجه بعد اللي
عرفه
عبدالله عرف ايه انتي عارفه حاجه يا اما
دره بوج ع قولتله الحقيقه اللي خبيتوها عنه يا عبدالله
عبدالله ايه وعملتي كده ليه ليييييه
بصوله البنات پخوف بعد ما سمعوا صوته
دره بوج ع عشان شاف اختك رخيصه ووسخه وخاينه يا عبدالله عرفت قولناله ليه
بص زكريا وعبدالله لبعض بحزن وسكتوا
عبدالله بۏجع تعالي معايا يا حسن
دعاء على فين يا عبدالله
عبدالله ندوروا على صاحب عمري يا دعاء
وللحديث بقيه 
أبن_ليل
صاحبة_البطل_الواحد
أميره_اسامه
البارت الثاني عشر 
قبل كام ساعه من اختفاء كرم 
خلصوا البنات شراء كل طلباتهم وبدأوا يحسوا بالتعب والجوع
حسن كده في حاجه تاني نقصاكم يا بنات
دارين لا خلاص جبنا كل حاجه
حسن طيب ايه مجعتوش انا ھموت من الجوع
ديما بتعب انا جعاااااانه ارحميني بقي يا دانه تعبت ورجلي وجعتني
دانه هو مفيش غير دانه ما كلكم بتشتروا 
حسن خلاص متمسكوش في بعض
ديما بجد فظيعه مش بحب اعمل معاها شوبينج خالص مفيش حاجه بتعجبها وبتفضل تلف
دانه حرام عليكي يا مفتريه انا مفيش حاجه بتعجبني طيب ده انا اكتر واحده اشتريت فيكم
حسن حصل بس خلصي ھموت من الجوع
دارين حسن شويه وهياكلنا
حسن بتقولي فيها لا خدي بالك انا لما بجوع بتحول خافي مني بقي
دانه لا وعلي ايه يلا بينا بس هناكل ايه
حسن انا قولتلكك سيبولي نفسكم يلا بينا
البنات يلا بينا
بعت حسن في رساله للشباب مكانهم
بعد وقت بسيط وصل حسن علي مطعم جميل وهادي قدام البحر بيعمل مشويات
في الوقت ده هيما ومحمد واحمد كانوا خلصوا شغاهم ولبسوا وجهزوا واول ما حسن بعتلهم المكان اتحركوا
حسن ايه هتاكلوا ايه يا بنات
دارين رجعت في كلامك ولا ايه مش قولت سيبولي نفسكم يلا اختار انت علي ذوقك
حسن انا جاهز موافقين يا بنات
ديما انا موافقه المهم اكل
دانه وانا كمان يلا اطلب
حسن اشطا
طلب حسن الاوردر و أستأذنت منهم دارين تتكلم في الموبايل
حسن قوليلي بقي يا دانه بتدرسي ايه صحيح انا نسيت اسألكم
دانه انا بدرس اداره اعمال
ديما وانا كمان
حسن ده عشان توام وكده
دانه لا خالص
والله هي جات كده بص احنا يعني كان نفسنا لما نتخرج نشتغل مع بابي ومامي في الشركه
ديما بالظبط