ابن ليل الجزء الثاني لأميرة أسامة

عليا عشان متوجعنيش بدافع الحب عارف ان عبدالله مقدرش يواجهني عشان خاف يخسرني بدافع الحب وعارف ان دره مقدرتش تيجي تقف قدامي وتقول اللي في قلبها بردوا بدافع الحب بس حبكم كان عامل زي الدبه اللي قټلت صاحبها وبيتهيألي لازم تدفعوا تمن حبكم اللي دمر حياتي 
نبيله انا بنحبك يا كرم 
كرم وانا بحبك يا بلبله بس قلبي موجوع منك اوي
قفل كرم الخط من غير سلام بصت نبيله علي الموبايل بۏجع وهي دموعها نازله
نبيله حقك عليا يا كرم انا
السبب في كل اللي حصل
رجع كرم علي المحل وكمل شغله في هدوء 
طلعت دعاء تطمن علي دره فتحتلها ديما
دعاء ازيك يا ديما
ديما الحمد لله يا طنط دعاء اتفضلي
دعاء هي دره فين
ديما في اوضتها تعالي ادخليلها
دعاء ماشي يا حبيبتي
راحت دعاء خبطت علي الباب وبعدين فتحت لقتها قاعده علي السرير ضامه رجليها لصدرها وساكته
دره تعالي يا دعاء
دخلت دعاء وقفلت وراها الباب
دعاء عامله ايه انهارده
دره زي ما انتي شايفه هكون عامله ايه بس
دعاء انتي عامله في روحك كده ليه يا دره انتي معملتيش حاجه غلط كان لازم ترتاحي وتريحي قولتهالك قبل كده لما كنا بنتكلم عاللي حصل بينك وبين اهلك ان القاعده دي اتأخرت كتير والوقت هنرجعوا نقولهالك تاني كلامك مع كرم اتأخر كتير وكده او كده كان لازم يحصل ويعرف الحقيقه
دره مكنتش عايزه نوجعه يا دعاء خصوصا بعد ما عرفت ان كرم بيحبني وانه اتسجن بدل اخويا وانه لسه متجوزش ولا عمل عيله وانه مكملش تعليمه كل دي اسباب كانت هتخليني منقولش الحقيقه بس مقدرتش يا دعاء لما سمعني الكلام اللي قاله مستحملتش لاقيت نفسي بنوجعه بطريقه اصعب نظره عينه والۏجع اللي شوفته جواهم مش راضين يروحوا من بالي حاسه اني اتسرعت يا دعاء
دعاء بالعكس انتي اتأخرتي وايا كان بقي قولتي الحقيقه عشان هو وجعك بكلامه او قولتيها عشان تردي كرامتك المهم انها اتقالت هيتوجع شويه بس الوقت هيخليه ينسي ويرجع احسن من الاول خلي كل واحد كان مخبي سر وتاعبه يرتاح ويواجه صدقيني ربنا مبيعملش حاجه وحشه ابدا
دره عارفه ان ربنا مبيعملش حاجه وحشه بس انا مضايقه من نفسي كمان يا دعاء كل ما افكر ليه مقولتش لكرم وقتها ايه اللي كان مخليني بتراجع وايه اللي كان مخليني خاېفه ومكسوفه يمكن لو اللي حصل زمان حصل الوقت اكيد مكنتش هسمح لكل ده يحصل وكان هيبقي مني ليه علي طول
دعاء يا دره احنا مهما كان كنا عيال حتي الزمن اللي كنا فيه كان غير الزمن الوقت وتفكيرك اوقات كتير لما بتتحطي في موقف صعب مبيبقاش زي تفكيرك بعد ما تخرجي من الموقف كام واحد فينا وقع في مشكله او موقف وقال يارتني كنت عملت كذا ياريتني كنت قولت كذا ديما بنلاقي الصح بعد ما نكون اتصرفنا غلط
دره معاكي حق كنت شخصيه غير الشخصيه و طريقه غير الطريقه وتفكير بطريقه اصح بكتير من زمان
دعاء يمكن كمان كرم القديم حتي لو كان هادي وخجول كان هيبقي ليه تصرف منتوقعهوش ويمكن الوقت يقدر يفهمك اكتر لانه كبر ونضج وبقي واعي واكيد هيفكر صح
دره والنبي اسكتي يا دعاء انا كل ما نشوفه بنعمل قدامه أسد وانا من جوايا بڼموت في جلدي منه
ضحكت دعاء ڠصب عنها
ابتسمت دره من بين دموعها 
دعاء أيوه كده أضحكي يابت كل حاجه بتتصلح قدامك وانتي مش حاسه رجعتي وسط امك وابوكي واخوكي ورجعنا عيله بقيتي في بلدك الشغل والدراسه بتاعت البنات ربنا ظبطها من عنده قولتي لكرم اللي جواكي عشان ترتاحي كل دي حجات بتتحل بس واحده واحده ولو علي كرم والله غلبان وطيب
دره انا عارفه انه كان غلبان وطيب بس الوقت بقي مرعب ده لا شكله ولا صوته ولا اي حاجه خالص امبارح وانا بقوله كل حاجه للحظه حسيت انه هيديني فوق دماغي بكف ايده أطب ساكته عارفه لو الموقف ده اتكرر تاني هفكر الف مره قبل ما اقوله الكلام اللي قلتهوله ده
بس انا امبارح كنت متنرفزه منه بسبب اللي قاله
دعاء ما انا بقولك وقت الموقف محدش
فينا بيفكر او بيتوقع رد فعل اللي جواكي بيخرج زي ما هو وانا اقطع ايدي ان هو كمان الوقت بيقول ايه اللي سكتني عليها
دره بتقولي فيها زمانه بيدبرلي مصېبه انا اللي هيجنني مشي ورايا ازاي ده كان واقف لما مها غرقتني بالمايه وقاعد يضحك لما نزلت مخدتش بالي منه خالص
دعاء تلاقيه مشي وراكي من غير ما تحسي هو كده كرم عامل زي الشبح بيظهر ويختفي في لحظه
دره تفتري ناويلي علي ايه
دعاء منعرفوش بس اتوقع منه اي حاجه خدي انتي بس بالك ده مش بعيد يتفق مع مها عليكي وهي ماهتصدق 
دره لسه هيتفق مع مها كفايه انها متفقه مع سونه ونفسي اعرف ايه اللي جمعهم
علي بعض
دعاء انتي يا اختي الاتنين مش طايقينك
دره طيب مها وعرفنا السبب بس سونه مالها ومالي
دعاء ده سونه بالذات اللي ليها اكبر طار عندك
دره عندي انا اشمعني
دعاء بتحب كرم يا اختي وعينها منه اتجوزت خمس مرات عشان تلفت نظره وتخلي قلبه يتحرك بس أخينا قلبه مايل للسنيوره
دره بتحب كرم بتكلمي جد
دعاء اه والله وكل الخلق عارفه بحكايتها وانا كلمتها كتير عشان تخف حركاتها والناس متلسنش عليها وعلي بنتها في الراحه و الجايه بس نقول ايه القلب وما يريد
دره القلب وما يريد ايه انتي كمان تتجوز خمس مرات وتقولي بتحبه
دعاء نعملوا ايه دماغها مريحاها وكل واحد وتفكيره هي فاكره باللي بتعمله ده هتكسب كرم وتخليه يغير عليها المشكله انها اتجوزت جوازات عدله والله بس مقدرتش تقعد معاهم اكتر واحد طولت معاه كان سنه
دره هو اكيد تفكير غلط بس للاسف الحب بيخلي الواحد مش قادر يتحكم في تصرفاته وزي ما قولتي كل واحد وتفكيره
دعاء مها بقي حطتها في راسها بسبب حبها لكرم وحالفه مېت يمين ان عمرها ما هتطول اخوها عشان كده طول عمرهم بينهم مصانع الحداد
دره و مشاكلها الوقت اتحلت لما رجعت قررت تعفو عن سونه وتجوزها كرم عشان تعاند فيا
دعاء لا مستحيل ميتهيأليش انا حافظه مها بس زي ما تقولي استغلت ان سونه مش طيقاكي وقررت تتفق معاها عليكي 
دره انا شكلي كده داخله علي ايام ما يعلم بيها إلا ربنا
دعاء لا شدي حيلك كده لسه المشوار طويل
دره عادي مش فارقه بقي المهم كرم يفك عني حصار البياعين لان ناقصني حجات ومش قادره نجيبها من بعيد
دعاء ادعي يا اختي انها تيجي علي البياعين ده محدش يقدر يتوقع كرم
دره هو انا ناقصه ړعب ما كفايه نظره عينه بلونها المرعب ده
دعاء ربنا معاكي يا اختي في اللي كرم هيعمله فيكي ويلا بقي قومي من عالسرير ده وفوقي كده
دره قايمه اهو عايزه كمان اشوف البنات لو محتاجني في تجهيز اي حاجه للجامعه واشوف انا كمان اللي ورايا عشان بكره هبدأ شغل
دعاء ربنا معاكي ومعاهم يا قلبي وان شاء الله اللي جاي احلي يلا هسيبك وانزل اشوف اللي ورايا
دره ماشي يا دودو
خرجت دره معاها وصلتها لحد الباب وراحت لبناتها ابتسمت بحب
دره ها يابنات جهزتوا لبس بكره
دارين لسه يا مامي
دره طيب ايه مش محتاجين اي مساعده مني
دانه مامي حضرتك هتوصلينا بكره
دره اكيد 
دارين مامي في حاجه عايزه اقولك عليها بس مش عيزاكي تتعصبي
دره قولي يا دراين
دارين بيتهيألي جه الوقت بقي نفهم ايه اللي بيحصل حوالينا احنا مبقيناش صغيرين وبصراحه في حجات غريبه بتتقال قدامنا مش قادرين نفهمها
ديما ايوه يا مامي كل مره نسألك عن سبب خلافك مع اهلك تقولي بعدين وزاد عليهم اللي اسمه كرم والحجات الغريبه اللي بتحصل منه
دانه ولا الاتنين اللي شوفناهم تحت دول اخت كرم والتانيه اللي معاها مش قادرين نفهم مالهم وليه الناس كلها هنا غريبه وكأن وراهم سر
دره بتنهيده طويله تمام يا بنات هحكيلكم كل حاجه تعالوا اقعدوا
قعدوا البنات جنبها علي السرير وبدأت دره تحكيلهم كل حاجه
مها ايه يا امي هتفضلي ساكته كده
نجوي نقول ايه يا مها مبقاش في حاجه تتقال
مها هتزعلي مني لو قولنالك انك غلطتي
نجوي لا يا مها عشان انا غلطت فعلا بس مكنتش اعرف وقتها اي حاجه في قلب دره غير انها مش قادره تكمل مع كرم واكيد لو نعرف من الاول انها بتحب غيره عمري ما كنت هنحط ابني في الموقف ده
مها انا كمان مش قادره نصدق وبعد ما كنت مش طايقه دره الوقت مبقتش طيقاها اكتر ازاي متقوليش وازاي تخبي عليا ده احنا طول عمرنا صحاب واخوات لما عرفت انها اتجوزت اللي اسمه يوسف ده مبقيناش طايقنها وقولت انها خاينه ومش سالكه عشان كنت عارفه انها سابته من قبل ما تتخطب لكرم
نجوي انتي كنتي عارفه يوسف ده
مها كانت بتحبه وبيحبها ولما الحوار دخل في الجد بينها وبين كرم مبقتش تجيب سيرته
نجوي طيب وليه مقولتيش
مها نقولوا ايه بس انا لما دره اتخطبت لكرم وسيره يوسف اتقفلت قولت عادي زيها زي اي بنت خبت بس خلاص بقت علي ذمه غيره ولما عرفت انها اتجوزته مرضيناش نفضحوا صحبتي يا امي وسكتنا خالص بس اللي هيجنني ادام محبتش كرم سكتت ليه وليه حاولت تخبي عليا انها لسه مع يوسف ده
نجوي يمكن عشان انتي اخت كرم ومهما كان حبك ليها مش هتتحملي حاجه
علي اخوكي
وممكن تخسريها وعلاقتكم تتغير
مها اكيد مكنتش هنقبل حاجه علي اخويا بس كمان لو كنت عرفت انها لسه بتحبه ومعاه ومش عابزه تكمل مع كرم او مغصوبه عليه كنت هنقفوا جنبها ونحاول نفكروا في اي حاجه كنت هنتكلموا مع كرم او بكر او نعملوا اي حاجه بقي بس اللي قاهرني انها خبت عليا وفجأه طلعتني من حياتها كأننا مكناش اصحاب
نجوي قولتلك يا مها اكيد خاڤت تواجهك لانه اخوكي يا بنتي وخاڤت تخسرك
مها خساره تن خساره تفرق يا امي انا واثقه اني وقتها حتي لو كنت اضايقت منها عشان اخويا بس مكناش هنخسروها بس اللي حصل ايه خسرتها عمر بحاله
نجوي اللي حصل حصل وكلمه ياريت مبترجعش اللي راح
مها علي رأيك
نجوي المهم الوقت كرم انا قلقانه عليه
مها مش هنكدبوا عليكي انا كمان قلقانه عليه كرم ما شافش شويه ده شاف كتير ويمكن الوقت صډمته اكبر
نجوي مش هيسامحني عمره 
مها متقوليش كده يا امي انتي عارفه ان كرم طيب وبيحبك وميقدرش يغضبك ابدا سيبيه انتي بس شويه واول ما يهدي هيرجع لطبيعته الموضوع لسه سخن ولسه الۏجع صاحب شويه شويه وهيهدي