ابن ليل الجزء الرابع لأميرة أسامة
المحتويات
عشنها متجيش في عينه
دخل كرم اخر واحد وابتسم لزكريا
زكريا نورت بيتك يا ابني
كرم منور بيك يابا سلموا علي بعض
طبطب علي ضهره زكريا بحب
عبدالله يا مرحب يا صاحبي والله زمان
كرم بابتسامه هاديه وجميله با مرحب بيك يا صاحبي حضنوا بعض بحب وبعدين قفل عبدالله الباب
نبيله بصت لكرم وغمزتله بأبتسامه حب ده ايه النور اللي نور بيتي ده ياولا
نبيله بشهقه الله ما يقف واحنا بيهمنا هات بوسه ياولا
كرم بضحك كمان بوسه ناويه علي طلاق انتي يا بلبله
نبيله ميقدرش بېموت فيا
كرم كله الا الخيانه يا بلبله هيرميكي في الشارع
نبيله بضحك مش شقتك فاضيه ياولا
كرم كمان شقتي طب وطي صوتك بدل ما نتروقوا انا وانتي
بكر عامله ايه يا دره
دره الحمد لله يا بكر بخير
دعاء ياولا طب سلم عليا وانا شفافه
مها حتي اخوكي يابت مش بيطيقك
بكر بضحك منقدرش دي مجنونه وعايزه توقع بينا تعلي يابت
مها اشبعوا ببعض يا اخويا
دعاء بضحك يابت انتي علي طول حطاني في دماغك ليه ده انا بنحبك
مها بابتسامه طب تعالي يابت في حضڼي
سلم الشباب علي البنات
هيما ازيك يا دانه
دانه الحمد لله انت اخبارك ايه
هيما بخير
________________________________________
قرب من دارين كانت عينها زايغه واريحه جايه بتبتسم عشان تبان عاديه لكن كان باين علي وشها انها مش علي بعضها
هيما ازيك يا دارين
دارين مدت ايدها بسرعه ابتسمت بتوتر وبعدين بعدت عينها وسحبت ايدها بسرعه الحمد لله يا هيما
محمد ايه رايك
حسن جاحد جبته امته ده
احمد بضحك انت مسطول يا حسن
محمد متردش عليه ده عيل دماغه مسوحاه
حسن بضحك في ايه هو قديم ولا ايه
محمد ياجدع احنا كنا شارينه مع بعض اخر مره نزلنا نشتري لبس
احمد وانت اللي قولتله اللون ده احلي
حسن بضحك ودين محمد ما فاكر
هيما ھموت واعرف الصنف اللي بتاخده
هيما بابتسامه مالك ومالي الوقت لما نتغابي عليك بټعيط
حسن لا خلاص قلبك ابيض
سابهم حسن وقرب من مها وهي واقفه معاهم
حسن اللي مجرساني و ڤضحاني في بحري كلها علي حتت طبق صغير
مها بضحك ده اقل واجب يا ولا يعني يرضيك تبوظلي الطقم
حسن ودي تيجي انتي الطبق يرجعلك وتفضلي بردوا تجرسي فيا
حسن ودين محمد رجعته وهي مش مبطله فضايح
محا ياولا بنحبوا ننكشك انت واللي ما تتسمي امك
دعاء مالك ومال اللي ماتتسمي الوقت
قرب كرم منهم وحاول ميرخمش علي دره عشان متتلغبطش قدام الكل
كرم ازيك يا دعاء
دعاء اهلا ازيك انت يا كرم منور
كرم ده نورك
حسن كيرو حبيبي واحشني
كرم ياولا انا طول الوقت قدامك انت هتصيع
حسن لا ما هو واحشني في البيت اكتر
كرم ماشي يا اخويا بص لدره بأبتسامه ازيك يا دكتوره
دره بأبتسامه بسيطه بخير يا كرم انت اخبارك ايه
كرم زي الفل الحمد لله
هربت دارين من وقفتها مع هيما والشباب وسلمت علي مها وبعدين سلمت علي كرم
دارين ازيك يا
كرم بابتسامه ما احنا اتفقنا بقي كرم او كيرو
دارين بأبتسامه ازيك يا كيرو
كرم الله يسلمك
نبيله انتوا واقفين ليه ما تقعدوا ياجماعه الله ولا يا عبدالله انت مذنبهم ليه
عبدالله الله مش بيسلموا يا
بلبله
الكل سلم علي بعض وبعدين قعدوا
كرم قعد علي كرسي منفصل لوحدوا
كان حاسس انه متوتر عينه راحه جايه علي البيت بهدوء اشتاق للمكان اوي فات سنين كتير علي تجمعهم فضلت عينه تروح وتيجي علي المكان وعلي كل الموجودين كان حاطت صباعه الكبير بين شفايفه بيجز عليه بسنانه وأيده التانيه ساندها علي رجله و بيهز رجليه الاتنين شمال ويمين
دره كانت واقفه جنب كرسي مها وعينها رايحه جايه عليه من غير ما تحسس اي حد لكن كان في كذا عين عليها هي وكرم
نبيله انا مش عايزه نقدموا حاجه تشربوها عشان تعرفوا تاكلوا
نجوي هو احنا ضيوف يا بلبله
نبيله ضيوف ده ايه انتوا صحاب بيت
زكريا طب ايه يلا بقي جهزوا السفره انا ھنموت من الجوع واكيد الكل جاع
نبيله من عنيا حالا هيكون جاهز تعالي يا دعاء ساعديني
دعاء حالا
بصت دره علي البنات و شاورتلهم بعينها عشان يجوا وراها البنات فهموا وراحوا وراها علي المبطخ
مها لا وسع كده
بكر علي فين
مها راجعه
بكر بضحك استر يارب
عبدالله مالك ومالها هتاكلهم يعني اكيد هتساعدهم
بكر انا عارف مها طايره منها
عبدالله اتلهي والنبي يعني بلبله اللي مش طايره منها سيبهم يقفشوا في بعض خلينا نضحكوا
دخلت مها عليهم المطبخ خضتهم
مها احيييييه
دعاء يخربيتك خضتيني
دره في ايه يا مجنونه
نبيله لو الطبق كان وقع من ايدي كنت سمعتك ربع في ايه يابت
مها يا اختي انا مش واخده علي شغل الضيوف ده و القاعده و الراحه انا عايزه نساعدوا
دعاء وحد قالك لا ما تيجي
نبيله بضحك الحق علينا بنريحوكي
مها لا يا اختي خلي الراحله لصحابها انا منبقاش قاعده في بيت بلبله وقاعده علي الكرسي مبنتحركش
دره واخده انتي علي الفرك والجري والصړيخ وقلة القيمه
مها بضحك طبعا
نبيله بحب جدعه يابت بيت بلبله اللي يجي فيه ميبقاش ضيف تعالي يابت اغرفي الرز
دره جايه يا بلبلتي وسعي يا اختي انتي وهي كده
دعاء شوفي البت
دره ناقصه
البنات كانوا واقفين يضحكوا عليهم
دانه هو انتوا طول عمركم كده مع بعض
دره طول عمرها مجنونه كده مبتعقلش
مها لا متترسميش علي عيالك خدوا بالكم يا بنات دي عقلها أصغر من العيال اوعوا يغركم العقل اللي هي قافشه فيه ده ولا يغركم انها بقت دكتوره قد الدنيا
دي اعيل مني
دره بضحك متصدقوهاش انتي جايه تهزي صورتي في عين ولادي
مها بت يا دعاء انا بنكدبوا ولا دعاء ليه بلبله بذمتك بنتك عاقله
نبيله بصت للبنات شايفين التلاته اللي قدامكم دول
البنات ايوه
نبيله اهو انتوا اعقل منهم بكتير
ضحكوا كلهم ودخلت عليهم نجوي وهي مبتسمه
نبيله ياوليه قومتي ليه انتي رجلك وجعاكي
نجوي ولا ۏجعاني ولا حاجه خلينا نساعدكم
دره تعالي يا نوجا
حضنتها دره من وسطها وسندت راسها علي كتفها
نبيله بحب والله زمان يا ولاد وحشتني الوقفه في المطبخ و اللمه علي مين يخرج اطباق اكتر من التاني
نجوي ربنا ما يفرق بينا تاني ابدا يا بلبله
كل مره حد فيهم يفتح سيره زمان و لمة زمان دره ملامحها تتغير وكأنها حاسه بالذنب و تتوتر
بصت مها عليها و حست بيها
مها طب بنقولوا ايه كفايه رغي احنا
ربنا رازقنا برجاله لو الاكل اتأخر عليهم مبيتراضوش غير بقاعدة عرب واولهم ابويا
ضحكوا كلهم علي مها وبدأوا يغرفوا الاكل و يساعدوا بعض نبيله ونجوي كانوا بيحطوا الاكل ودره معاهم ودعاء ومها والبنات بيخرجوا الاكل بره
خرجت دارين وهي ماسكه طبق في ايدها رفعت عينها من بعيد علي هيما
بصلها وبعدين بعد عينه وشه
________________________________________
كان باين انه زعلانه منها كان بيحاول يخليها تتشغل بحاجه تانيه غير اللي في دماغها فا قرر يعمل نفسه مضايق او زعلان وفعلا طريقته نجحت نسيت دارين للحظه إحراجها منه وبدل ما كانت بتبعد عينها عنه بسرعه فضلت مركزه معاه عشان تعرف ماله
خرجت مها ودعاء اخر اطباق وبعدين خرج الكل وراهم
نبيله يلا ياجماعه الاكل جهز اتفضلوا
زكريا قام وقف يلا يارفاعي يلا ياولاد
اتفضلوا
رفاعي احمممم تسلم الايادي
نبيله تسلم وتعيش يلا اتفضلوا
دخلوا كلهم علي السفره
نبيله بابتسامه طبعا السفره الوقت مش هتقضينا عددنا زاد اللهم بارك البت دانه خلت عبدالله وحسن وجدها شالوها وجابت التربيزات ووسعت المكان
نجوي طب والله شاطره والمكان كبر
مها كنت لسه هنسألك سفرتك كبرت ازاي يا بلبله
قعد زكريا علي راس التربيزه ونبيله جنبه وقدامهم رفاعي ونجوي
دره ودعاء ومها قعدوا جنب بعض وقصادهم كرم وبكر وعبدالله
البنات قعدوا جنب بعض واحمد معاهم و هيما وحسن ومحمد قعدوا قصادهم
نبيله بنقول ايه انا مش هنعزم علي حد يلا بسم بالله ومش عايزه اي حد يقوم غير وهو مخلص الاكل
زكريا رفاعي ست نجوي مش محتاجين عزومه طبعا
رفاعي عزومه ايه يا راجل يلا بسم الله
مدت دره ايدها عشان تاخد طبق معين بتاعها وقبل ما تمسكه ايد مها ودعاء سبقتها والتلاته مسكوا الطبق الكل بص عليهم وهما التلاته في نفس واحد ضحكوا
رفاعي تاااااني
نبيله احيه عليا نفس العاده بتاعتهم زمان
دره شيلي ايدك انتي وهي
مها انا مسكته الاول
دعاء بلاش كدب انا اللي مسكته قبلكم
دره يابارده انتي وهي ده طبقي
بكر انا لو منكم اسيبه لمها بدل ما تاكلكم انتوا الاتنين
دانه هو في ايه ما في اطباق كتير
عبدالله لا ماهو انتي مش فاهمه المنظر ده من زمان وهو لسه عيال بيعملوا وفي الاخر بترسي علي انهم كلهم بياكلوا في نفس الطبق
دره لا علي چثتي المرادي مش هسيب طبقي
نجوي احيه علي شغل العيال يابت انتي وهي كبرتوا وبقيتوا امهات
مها والنبي لو بقيت جده ما هسيبلهم الطبق
دره بضحك طب ناكل سوا وخلاص
عبدالله بص لدانه ماقولتش حاجه انا اهم هياكلوا سوا
دره بصت علي معلقتها وبعدين بصتلهم
دره طب ايه هنتعارك علي المعلقه كمان ولا ناكل و منفرجوش علينا الخلق
مها لا خلاص خدي معلقتك
بدأوا ياكلوا كلهم دره كانت بتحاول تلهي نفسها مع مها ودعاء عشان متبصش خالص علي كرم
البنات كانوا بيحاولوا يفصصوا السمك بس مكانوش عارفين طبعا يفصصوا زيهم متعودين ان دره هي اللي تفصصه من الشوك
كرم كان قاعد وجنبه من اليمين بكر وعبدالله ومن الشمال البنات وبعدهم احمد لمح دارين اول واحده بتحاول تطلع اللحم بالشوكه قرب منها
وهو رافع حاجبه وعلي وشه ابتسامه بسيطه
كرم السمكه بتسثتغيث انتي بتعملي ايه
بصتله دارين ورفعت عينها لفوق وهي مبتسمه ومحرجه منه في نفس الوقت
دانه وديما كمان بصوله وضحكوا
دانه اقولك علي سر
كرم بابتسامه جميله مبتعرفيش تاكلي السمك صح
دارين صراحه اه مامي هي اللي بتخرج منه الشوك ليا انا واخواتي بس الظاهر نسيتنا انهارده عشان ملخومه مع مها ودعاء
ابتسم كرم وسحب الطبق بتاعها بهدوء وفي ثواني كان مففصصلها السمكه بتاعتها
كرم اي خدمه
دارين ايه السرعه دي
كرم اسكندراني بقي بص علي دانه وديما ايه عايزين مساعده
ضحكت ديما وهزت راسها وبصتله دانه
دانه حضرتك اااا
كرم بلاش حضرتك ومالك خاېفه كده ليه انا مبنعضش علي فكره
ضحكت دانه بإحراج
كرم هاتي يلا كلهم بيرغوا مش مركزين
خد منهم اطباقهم و فصصلهم السمك دره كانت مركزه معاه و مبتسمه بحب
خلص كرم وسحب منديل نضف ايدهم وبعدين
متابعة القراءة
