ابن ليل الجزء الرابع لأميرة أسامة
المحتويات
من بوئك متقوليش كده والله هتبقي زي الفل مټخافيش خدتها سونه في حضنها
و التلاته كانوا بيعيطوا
عبدالله پغضب وۏجع ضړب الحيطه وبصوت عالي ياااااارب
سونه اهدي يا عبدالله اهدي والنبي احنا كلنا مش قادرين نقف علي رجلنا ده احنا واقفين بسببكم انتوا
عبدالله بدموع العيال كلها تعبانه العيال بيروحوا مننا يا سونه دول سقي وتعب عمرنا
دره كانت ثابته دموعها نازله لكن اتهدت ومبقتش قادره تنطق فضلت مستكينه في صدر دره وساكته
سونه انتي ساكته ليه هاااا مبتدعيش ربنا ينجي البت ليه استسلمتي يادره ده ربنا بيحب العبد اللحوح جايه الوقت وبنتك محتجاكي تسكتي وتضعفي فوقي يادره ارجعي عيطي وصړخي بس اطلبي من ربنا يقومها بالسلامه
عبدالله بدموع هتبقي كويسه يادره والله هتبقي كويسه
في اللحظه دي الكل جه يطمن علي دارين وهيما وسماح ومحمد سابوا احمد وحسن نايمين
دانه مااااااامي
بصت دره عليها وجريت والاتنين وقفوا وسط الطرقه انهاروا صوت عياط دره كان مسمع الكل
دانه كنا ھنموت يا مامي
دره ااااااااااااااااه بصت دره عليها وفضلت تشوف جسمها پجنون انتي كويسه في حاجه بټوجعك حاسه بحاجه طيب عارفه تحركي ايدك ورجلك كملت بعياط وحزن قوليلي حاسه بأيه
بكر دانه بخير والله يادره طمنينا علي دارين
دره دارين وهيما كويسين خلصوا العمليات
مها هيماااا
نجوي عمليه ايه ابني داخل كويس
رفاعي هيما هيما عمل عمليه طب ازاي
دره متقلقوش كان عنده في رجله وهو مقالش او مكانش حاسس غير لما جسمه هدي انا عملتلوا العمليه وهو بخير والله بس ديمااااااا
بكر فين ديما يا دره
دره بنتي بټموت بتروح مني عندها تروما
زكريا يعني ايه
دره صډمه قلبيه وديما مريضه قلب انا خاېفه عليها
قرب منها زكريا وضمھا بحزن
زكريا ادعيلها يابنتي انا عارف ان ربنا كرمه كبير ومش هيوجعنا في اي حد
نبيله اااااه الحقوني
مسكوها بسرعه من ايدها
دعاء فيكي ايه انتي دايخه
بكر وحدي الله يا بلبله كله خير هيبقوا كويسين متقلقيش
اتفتح الباب في الوقت ده وظهر كرم للكل فيهم اللي كان واقف مصډوم وفيهم اللي كان عارف
________________________________________
ومتأثرش بالصدمه
وعلي قد ما كانت صډمه دره مكانتش تقل عن صډمه نبيله وزكريا وعبدالله ودعاء وسونه
إلا انها قدرت تتعود شويه لانها عرفت قبلهم لكن كانت مصدومه من خۏفها علي ديما جريت عليه بسرعه ومسكت ايده وهي دموعها نازله
دره قولي انها بخير قولي انها كويسه وهتقوم وتروح معايا اڼهارت وهي بتترجاه قولي ان بنتي مش هتوجع قلبي
كرم بهدوء ابتسم بإرهاق ديما كويسه يا دره وبدأت تفوق كمان مش قولتلك اني مش هوجع قلبك ابدا
ابتسمت دره من بين دموعها وسابتهم وجريت علي جوه تطمن علي ديما
بص كرم عليهم شايف صدمتهم وهو كمان اټصدم لما خرج لقاهم كلهم واقفين لكن قرر يهرب بطريقه تسكتهم مؤقتا
عبدالله كرم!!
نبيله انت بتعمل ايه هنا
سونه بهمس كرم
كرم بتعب واضح للجميع مش وقته يا صاحبي بعدين يا بلبله كل حاجه هتفهومها بعدين الاول بس نطمن علي الباقي واكيد لما نخلص من الکابوس ده هنعرفكم كل حاجه
مها كرم محمد في العمليات بيعمل عمليه في عينه انا خاېفه عليه
كرم متقلقيش هدخل للدكتور اللي معاه الوقت وهشوفه بنفسي احمد وحسن وسماح فين
سونه سماح في العمليات لسه
عبدالله احمد وحسن في الطوارئ بره فيهم چروح بس كويسين
قرب كرم من دانه وفضل يبص علي ايدها ويلفها شمال ويمين وبعدين بصلها
كرم في اي حاجه بټوجعك غير الچرح
هزت دانه راسها وهي بصاله ومصدومه
ابتسم كرم بهدوء وطبطب علي خدها وسابهم ودخل لدره
وفضل الكل علي حالته بره
دخل كرم لقاها واقفه جنب ديما وبتعيط معاها ممرضه
كرم خديها من هنا طلعيها فوق معاهم
الممرضه تمام يا دكتور
دره هتودوها فين وفين دارين وهيما
كرم متقلقيش طلعوهم في الدور الاخير في الرعايه ساعتين تلاته ونخرج هيما ودارين غرف عاديه
دره طيب وديما هتعمل ايه فوق
كرم لا عادي هترتاح في اوضه والوقت اطلعك وتطمني عليها بنفسك وترتاحي شويه
دخلت ممرضه تانيه ساعدت الممرضه وسحبوا الترولي وخرجوا بديما
بصت دره لكرم و نزلن دموعها بضعف واستسلام
ابتسم كرم بتعب ومد ايده ليها
رفعت دره ايدها مسكت كفه وفي لحظه كان شدها وضمھا بين ضلوعه
دره اااااااه كنت ھموت ياكرم
كرم ششششش اهدي انا جنبك اهدي يا قلب كرم
فجأه حس كرم ان دره بتسيب منه بص عليها لقاها هتقع وفاقده الوعي بسرعه مسكها وشالها من علي الارض وخرج بيها بسرعه
وللحديث بقيه
أبن_ليل
صاحبة_البطل_الواحد
أميره_اسامه
البارت التاسع و الثلاثون
خرج كرم وهو شايل دره بين أيده كان عامل زي المچنون حاسس أن قلبه هيقف من الخۏف عليها هو الوحيد اللي كان عارف دره بتمر بأيه من قبل الحاډثه في الاول لما شافته هو وسونه وبعدين كلام عبدالله اللي كدب كلامه و أتصال چاك بيها وبعدها موبايلها المشغول كتير اللي اكدله ان الاتصال ده من امريكا بخصوص يوسف واڼهيارها لما دخل عليها المكتب بسبب المكالمه ولقاها موقعه كل حاجه عليه والحاډثه وخۏفها علي بناتها قبل ماتعرف هما فين و إنهيارها لما شافت دارين داخله عليها العمليات وبعدها ديما كل دي احداث صعبه علي اي حد يتحملها خصوصا في ظروف دره واللي كمل عليها صډمتها لما شافته قدامها في اوضه العمليات كان عارف ان الضغط اللي جواها أكبر من طاقتها وكان لازم تقع
خرج كرم شايلها قدام الكل وبيجري بيها علي بره أول ماشافوها الكل اتخض
نبيله وزكريا اتصدموا
دانه ماميييييي
نبيله بنتي مالها ياكرم
مها دره ردي عليا يا دره فيها ايه يا كرم
كرم پغضب وسعووووووا
جري عبدالله وبكر وراه يوسعولوا الطريق وهما كلهم بيجروا وراه طلع علي مكتبه بسرعه نيمها علي كنبه جلد وبدأ يسعفها وهما حواليه مرعوبين عليها
زكريا بدموع لأول مره قدام الكل كان عامل زي الطفل الصغير قعد جنبها علي الكنبه ومسك ايدها دره فيكي ايه يابنتي قومي متوجعيش قلبي عليكي بناتك كويسين مټخافيش يا بنت ابوكي قومي عشان خاطري يا بنتي
كرم بتوتر متخافش هي كويسه بس اللي حصل اثر عليها بس هتقوم
طلع جهاز الضغط ثبت عبدالله ايدها عشان يعرف كرم يقيس ضغطها
كرم بكررررر افتح الدرج اللي هناك ده شيله خالص من مكانه وهاته
جري بكر علي المكتب كان في كذا درج
بكر انهي واحد فيهم يا كرم
كرم بعصبيه اللي في الادويه يا بكررررر يلااااا
بكر حاضر حاضر جاي اهو
جري بكر عليه ومسكله الدرج
فضل كرم يقلب فيه وطلع منه حقنه وبسرعه رفع الكم وادها حقنه في الوريد ترفع الضغط بسرعه
نبيله دره فيها ايه يا كرم
كرم بتنهيده راحه لما حس انها بدأت تتحرك خلاص يا بلبله بقت كويسه
حطت دره أيدها علي راسها وهي مغمضه
سونه طيب نجيبولها عصير بسرعه
كرم لا لا هي الوقت تفوق وهي خلاص فاقت اصلا بس هي محتاجه ترتاح
عبدالله طيب لو ينفع تمشي وتسيب الشغل نروحوها ترتاح ولا هيبقي صعب ولا ايه
كرم شغل ايه هي مش هتعمل اي حاجه انهارده خلاص
عبدالله خلاص نروحها ترتاح في البيت وبالمره ناخد دانه واحمد وحسن هما كمان محتاجين يرتاحوا
كرم لأ خليها هنا تحت عيني بص بطرف عينه لزكريا وأرتبك ااااا أقصد هنا هنطمن عليها اكتر عشان لو تعبت تاني وبعدين دره اكيد مش هتمشي والبنات محجوزين هنا وكمان لا حسن ولا احمد ولا دانه هيمشوا إلا لما اطمن عليهم
بكر الدكاتره قالوا انهم كويسين والچروح اللي كانت فيهم اتخيطت
كرم بحزن
________________________________________
الدكاتره كلامهم علي راسي بس محدش فيهم هيخرج غير لما اطمن عليهم بنفسي ويعدي وقت عشان ميحصلش لاي حد فيهم مضاعافات لو مشيوا مش هبقي معاهم لاني مشغول هنا ومش هبقي مطمن خليني اشوفهم بنفسي وبعدين اقولكم تروحوهم
مها دي متلجه يا كرم ووشها ابيض
كرم هتبقي كويسه قرب كرم كفه من خدها بحب دره دره
دره اممممم
نبيله يادره قومي سمعيني صوتك يا بنتي
دانه بدموع مامي ردي علينا عشان خاطري
بكر بس بطلي عياط هي كويسه
دعاء بس يادانه كفايه عياط يابنتي
فتحت دره عينها بضعف وهي ماسكه راسها ولمحتهم كلهم ولمحت كرم قاعد قدامها علي ركبه وباصصلها پخوف
نجوي اهي فاقت الحمد لله
رفاعي كده يا دره توقعي قلبنا يابنتي
بصت دره علي زكريا ونزلت دموعها قومها زكريا وهو كمان دموعه نزلت
زكريا بس يابنتي بس اهدي مټخافيش البنات كويسين وكلهم زي الفل
نجوي ايه يا دره صلي علي النبي يا بنتي الحمد لله ربنا كريم ومحبش يوجع قلبنا علي اي حد وحدي الله يابنتي واحمدي ربنا انها جات علي قد كده
كرم دره بطلي عياط عشان متتعبيش
عبدالله دره ايه رأيك ناخدك انتي ودانه نروحك وترتاحي في سريرك انتي من الصبح واقفه علي رجلك واديكي اهو وقعتي مننا
قامت دره بلهفه وبصتله
دره لا انا مش هسيب البنات ولا همشي من هنا غير والكل خارج قدامي علي رجله
نبيله يابنتي ماكلهم كويسين وزي الفل انتي كده اللي هتقعي من طولك
دره لا مش همشي دارين وديما وهيما وسماح ومحمد لسه
مش هيخرجوا الوقت مش همشي غير لما اتأكد انهم كويسين
كرم طيب اهدي وبطلي عياط اللي انتي عيزاه هيتعمل بس ترتاحي شويه وبلاش تنزلي تاني
دره بلاش ايه الناس بټموت وفي ناس كتير محتجاني
كرم في دكاتره كتير غيرك و الاجازات كلها اتلغت يا دره يعني تقدري ترتاحي علي الاقل شويه افصلي
دره حتي لو في دكاتره كتير الوضع اللي احنا فيه ميسمحش بالراحه ياكرم الثانيه اللي هتعدي علي اي مصاپ من غير إنقاذ هتساوي روحه انا كويسه خلاص خليني أروح أطمن عليهم كلهم الاول واتأكد بنفسي ان مفيش حد فيهم في أي حاجه وهرجع احسن من الاول
كرم تمام بس مش قبل ما اطمن عليكي انا الاول قام كرم وبعد عنهم ثواني راح علي مكتبه طلع علبه دواء وسحبه بالحقنه وراح عليها من تاني
بصتله دره بأستفهام
كرم دي حقنه عشان تظبط الضغط وتقدري تقفي علي رجلك وتكملي
متابعة القراءة
