حياة أسرت قلبي لعبير سليم

عارف يااسر انا اول مرة شفت فيها شيرين لماكانت مراتك ساعتها قارنت نفسي بيها حتى قلت لعلا كمان
قلت هى دى اللى تليق على اسر جمال وشياكه حاجه كده زى اللى بشوفها فى الافلام
اسر كان ينظر اليها وهى تتحدث بوجه مبتسم ثم قبل يديها اولا بقى مين اللى قال انك مش جميله ده انتى اجمل واحده شافتها عينيه
وبعدين ياحياة الحب ملوش علاقه بالشكل دى ارواح بتحس ببعض بتتقابل فى عز العتمه القلوب هى اللى بتختار مش احنا كل واحد فينا اسير لمشاعره اللى بتوجهه ناحية اللى القلب بيشاور عليه زى مابقى اسر اسير ليكى ولحبك ياحياة

ايوة ياحياة متستغربيش حياة هى اللى اسرت قلبي
والله ياحياة انا بعد مۏت جنى قلت مستحيل قلبي يعشق تانى او يحب واحده تانيه لكن انتى قدرتى تقتحمى حياتى قدرتى تسيطرى وتستحوذى على كل مشاعرى
وبعدين الشكل عمره ماكان مقياس للحب يعنى انتى بتقولى مثلاان شيرين جميله ودى حقيقه فعلا وعلى فكرة هى كانت احلى بكتير من جنى الله يرحمها بس سبحان الله لاهى حبتنى ولا انا حبتها مين السبب معرفش يمكن حبي لجنى كان عائق بينى وبينها ويمكن هى السبب بس اللى انا متاكد منه ان قلوبنا ملقتش نفسها بيننا احنا الاتنين
واديكى شفتيها اتغيرت ازاى وبقت واحده تانيه خالص بمجرد مالقت الحب الحقيقي اللى كان قلبها محتاجه
حياة فعلا يااسر انت عارف واحنا بنعمل الميكب وبنلف الطرح كانت عامله زى ماتكون امنا انا ونور لدرحة انها عصبت البنت بتاعة الميكب من كتر طلباتها واوامرها
بجد. حسيتها فرحانه بينا اوى ونفسها تشوفنا احلى عرايس
اسر طب ايه طيب حنفضل نتكلم كتير الليله دى المفروض يبقى فيها افعال مش اقوال
حياةتخفض وجهها خجلا
ونروح نشوف نور ومؤمن هما كمان اخبارهم ايه اصل بصراحه مؤمن صعبان علية اوى والله اخواته دول معندهم ډم
فى غرفة نور ومؤمن
تجلس نور بجوار مؤمن على حرف السرير حيث كان جالسا واضعا راسه بين يديه والدموع تجرى على خديه
فترفع نور وجهه اليها وتحتضن وجهه بين كفيها وتنظراليه بعينيها التى طالما عشقها ثم تمد يدها لتمسح دموع عينيه
نور حسه بيك والله وعارفه انك بتتالم
مؤمن ليه كده يانور هى الدنياليه وحشه كده
اخواتى لحمى ودمى اللى ياما اديتهم حبي وحنانى برغم انى كنت اصغر منهم بس طول عمرى كنت شايل همهم
ينسونى ميحاولوش يقفوا جمبي فى احلى يوم فى حياتى
انا عملتلهم ايه عشان يبعدوا عنى بالشكل ده عملتلهم ايه عشان يكسرونى كده قدام اهلك وقدام كل الناس
تحتضنه نور بكل حب ماعاش ولا كان اللى يكسرك ياحبيبي
واوعى تقول كده تانى
مؤمن يانور انا مكنش فى حد فى الفرح من اهلى غير امى بس لكن كل اللى كانوا موجودين اهلك انتى واخوكى وحياة
نور ودول مش مفايه عليك يامؤمن مش اهلى هنا اهلك بردو
مؤمن والله ربنا يعلم يانور انا بقول ان ربنا عوضنى بيكى انتى واهلك
بس انا صعبان علية نفسي اوى
حتى بابا بابا يانور نيفكرش يحضر فرح ابنه شفتى القسۏة عمرك شفتى قسۏة كده انا اتيتمت واهلى عايشين يانور
نور انا كل اهلك ياحبيبي وان شاء الله ربنا حيقدرنى واسعدك واعوضك عن اى
حد ظلمك او چرحك او كان السبب فى نزول دمعه من عينك
مؤمن عمرى ماحسامحهم ابدا
نور سيب الايام والليالي هى اللى يبقى ليها الكلمه الاخيرة ياحبيبي
نؤمن بحبك اوى يانور
نور وانا بمۏت فيك يامؤمن
مؤمن
وهو بحاول الابتسامه من بين دموعه بس ايه الطعامه والجمال ده كله
نور عجباك يامؤمن
مؤمن لا بقولك ايه هو انا لسه حتكلم انا حقولك دلوقتى عجبانى ووحشانى وبحبك اد ايه ثم يقوم 
تستيقظ حباة من نومها لتجد نفسها نائمه على صدر اسر فتبتسم وهى تتذكر ماحدث ببنهما وكيف كان لطيفا معها واحتوها بحبه وحنانه لها
حياة رايحه اخد دش
ولكن دائما ماتمر الاوقات السعيده سريعا وينتهى هذا الشهر نعم فهو شهر كامل قضاه العرسان وهم فى قمة السعاده والفرح
واستطاعت نور خلال هذه الفترة ان تحتوى مؤمن بحبها وخۏفها عليه واستطاعت ان تنسيه الامه واحزانه
حياة وهى تتحدث الى سعيد فى التليفون ايوة يااخويا وحشتنى اوى وعلا والولاد وحشونى اوى
سعيد انتى اللى وحشتينى اوى ياست البنات طمنيني عليكى ياحياة عامله ايه واسر اخباره ايه
حياة الحمدلله والله يااخويا انابخير والله
وخلاص احنا جايينقريب ان شاء الله 
سعيد تيجوا بالف سلامه أن شاء الله 
تغلق معه الهاتف وتلتفت لحبيبها ايه ياروحى عاوز حاجه
اسر وهى يحتضنها تفتكرى وانتى جمبي حعوز ايه من الدنيا اكتر من كده
ياتى الان ميعاد وصول العرسان الى أرض الوطن حيث يتجمع كل افراد العائله فى منزل فهمى التهامى لاستقبال العرسان 
فى الفيلا
الخادمه لوووولى لوووولى حمد الله على السلامة يا حبايبي نورتوا البيت
يقوم الجميع ليسلموا على حياة واسر ونور ومؤمن
تولين وسيلين بابى حبيبي وحشتنى
يحتضن اسر بناته بكل حب فكم اشتاق لحضنهم كان يحتضنهم بلهفه وحب شديد حبايب قلبي
كانت عفاف تحتضن ابنتها بشده فكم اشتاقت إليها وحشتينى وحشتينى اوى ياحياة وحشتينى يانور عينيه
حياة انتى اللى وحشتينى اوى ياماما
يجلس الجميع وكان العرسان يصفون ويحكون كل ماحدث معهم اثناء السفر
وكان لرؤية ريان فرحه كبيرة حيث ان معالمه قد وضحت فى هذا الشهر وقد فرح به الجميع وبشده
فهمى عاوزين نعمل حفلة ريان بقى ياولاد
اسر الاسبوع الجاي ان شاء الله ايه رايكم
الحميع تمام اوى
ثم يستئذن مؤمن فى ان ياخذ زوجته ويذهبان الى الفيلا حيث اشتاق لامه كثيرا
نور تسلم على امها وابيهاوكل الموحودين
عايده وهى تتحدث لابنتها جانبا نور ياحبيبتى خللى بالك من حماتك وشيليها جوة عنيكى
انتى بقيتى كل دنيتهم وانتى عارفه ان مؤمن ووالدته ملهمش حد وربنا يعلم غلاوتهم فى قلوبنا اد ايه
حبيها وراعى فيها ربنا وقبل ماتفكرى تعملى اى حاجه افتكرى ان عندك ام واللى مترضيهوش لامك يبقى مترضيهوش لام مؤمن والست بتحبك وپتموت فيكى
اوعى تعامليها على انها ضرتك واللا عدوتك لا انا عاوزاكى تعرفي ان هيا ليها فى ابنها اكتر ماليكى انتى فاهمه ياحبيبتي
نور فاهمه والله يا حبيبتى
فارس ياللا انا حااجى اوصلكم
فى فيلا مؤمن
وفاء نورتوا البيت ياحبايبي
نور البيت منور بوجودك معانا ياماما
وفاء حبيبتى يانور
مؤمن انا مش مرتاحلكم انتم الاتنين شكلكم كده حتتفقوا علية
نور ووفاء ههههههه
وفاء نور دى بنتى وحبيبة قلبي من جوة واوعى تفكر تتدخل بيننا
مؤمن لا وعلى ايه الطيب احسن
ثم يحتضنهم ربنا يخليكم لية يارب وميحرمنيش منكم ابدا
يعود اسر الى عمله بالمكتب
فيجد فرح تدخل عليه بقولك ايه يااستاذ اسر انت تشوفلك حل فى المشكله دى
اسر خير يافرح مالك داخله علية بزعابيبك كده ليه
فرح ممكن تركز معايا
اسر مركز معاكى اتفضلي اتكلمى
فرح دلوقتى انت عارف ان فرحى بعد شهرين تمام
اسر تمام حضرتك والمطلوب سيادتك
فرح دلوقتى انا بحتاج اخرج كتير عشان اكمل حاجتى اللى ناقصه وبعد الجواز مش حينفع اقعد هنا فى المكتب كتير
يعنى كن الاخر كده انا محتاجه حد معايا يساعدنى
اسر حاضر حعلن عن انى محتاج حد فى المكتب تمام كده وعلى فكرة اعملى حسابك يوم الجمعه سبوع ريان ابن فارس اخويا
وبعدين يابت انتى مش حتروحى تباركى لصاحبتك على رجوعنا ايه قلة الأصل دى
فرح استغفر الله العظيم دايما كده ظالمنى على فكرة بقى انا لسه متصلة بيها من شويه ومتفقه معاها انى حروحلها النهارده وهى كمان عزمتنى على الغدا يعنى حضرتك حارجع حتلاقينى مشرفه على السفرة
اسر تنورينا ياست البنات ياللا بقى روحى هاتيلى ملف القضيه الجديده
تخرج فرح ولكنها تعود اليه سريعا
اسر خير فى ايه
حياة فى ظابط برة عاوز يدخلك
اسر خليه يتفضل يدخل
يدخل الظابط فيقوم اسر للتسليم عليه اهلا ياامجد المكتب نور والله
امجد الف حمدالله على السلامه يااسر
اسر عقبالك يابطل عاوزين نفرح بيك مش ناوى بقى واللا ايه
أمجد بصراحه يافارس مفيش و لا واحده عجبانى انا عاوز اتجوز واحده كده ملهاش زى اول ماعينى تشوفها اقول هى دى واحده شبه نجمات السينيما
اسر والله انا خاېف فى الاخر تقع على بوزك ووقتها حشمت فيك شماته
أمجد ههههههه ده بعينك
المهم بقولك ايه انا كنت عاوزك فى موضوع كده
اسر اتفضل اتكلم سامعك
أمجد شريف تعبان اوى فى المستشفى وطالب يشوفك
اسر شريف تعبان ماله
امجد بېموت يااسر حالته متاخرة اوى وهو بصراحه نفسه يشوفك قبل مايموت وانا جايلك وطمعان فى كرم أخلاقك انك متحرمش واحد بين ايدين ربنا من طلب زى ده
اسر ماله عنده ايه مش الدكاترة خرجوله الړصاص اللى جه فيه
أمجد اكتشوا ان عنده لوكيميا وحالته متاخرة جدا ودلوقتى هو تقريبا بېموت
اسر لا حول ولا قوة الا بالله حاضر ياامجد انا حروحله
أمجد هو ده اسر التهامى صاحبي
اسر طب بقولك ايه ياصاحبي دلوقتى الجمعه الجايه ان شاء الله سبوع ريان ابن فارس ياريت تشرفنا
أمجد الف مبروك اكيد حاجى ان شاء الله ثم يستاذن بالخروج
يسلم عليه اسر ويوصله للباب
بخرج أمجد من المكتب ويتجه لركوب الأسانسير ولكنه بجد فتاه تخرج من الاسانسير 
وتتجه للدخول لمكتب اسر
أمجد انا متهيالى شوفت البنت دى قبل كده ياترى شوفتها فين
ايوة ايوة هى البنت اللى شفتها يوم فرح اسر اللى ركبت معايا العربيه بس دى جايه عند اسر ليه انا فاكر انها قالتلى انها صاحبة مراته يبقى ايه علاقتها باسر
طب وانا مالى وانا شاغل بالى بيها ليه
تدخل هدير المكتب وتطلب من فرح رؤية اسر
اسر اهلا ياهدير ازيك عامله ايه
هدير الحمد لله والله يااستاذ اسروالف حمدالله على السلامه
اسر الله يسلمك يا هدير خير يا هدير فى حاجه
هدير ايوة يااستاذ اسر بصراحه انا جايه ومتعشمه فى حضرتك
اسر اطلبي ياهدير عينيه ليكى
هدير اخويا من وقت ماساب الشركه اللى كان شغال فيها وهو مش لاقى شغل والفلوس اللى معانا قربت تخلص ممكن حضرتك تساعده يلاقى اى شغلانه وانا كمان بعد اذنك لو تشوفلي اى شغلانه انا محتاجه فلوس عشان مصاريف الكليه حضرتك عارف
اسر لو على اخوكى
مفيش اى مشكلهخليه يجيلي بكرة بالسيفى بتاعه وانا حشوفله شغلانه كويسه وبمرتب كويس
لكن انتى تركزى فى مذاكرتك وعينيه ليكى ياهدير فى اللى انتى عاوزاه 
هدير ربنا يخليك يا رب يااستاذ اسر بس معلش كفايه
اوى اللى حضرتك عملته معايا ومع ماما الله يرحمها
وانا عاوزة اشتغل فياريت لو حضرتك بس تساعدنى يبقى كتر خيرك
اسر خلاص ياهدير لو انتى مصرة تشتغلي يبقى تيجى هنا تساعدى فرح فى الشغل وكمان عشان ابقى مطمن عليكى
هدير ربنا يخليك يارب يااستاذ اسر
تخرج هدير مت من المكتب وهى فى قمة سعادتها
تخرج من باب العمارة لتتفاجا بمن يتحدث اليها
ياانسه ممكن لو سمحتى
هدير نعم حضرتك فى حاجه
امجد انتى مش عارفانى مش فاكرة انا مين
هدير حضرتك مين وعاوز ايه منى
امجد انا اللى انتى ركبتى معايا العربيه يوم فرح اسر
فرح وهى