حياة أسرت قلبي لعبير سليم

وامك
تيم هههههه تحبي اوصلك
وايه اللى يثبت كلامك ياحلوة
وبعدين ابوكى لو عرف اصلا حيقتلك
بصي ياماما انتى تروحى كده زى الشاطرة تشوفيلك حل فى اللى انتى فيه ده
بس يكون بعيد عنى انتى فاهمه وياللا بقى ورينى عرض قفاكى ويقوم بطردها من الشقه
ياسمين يالهوى انا حعمل ايه دلوقتى وحخلص من المصېبه اللى حطيت نفسي فيها دى ازاى

وفى نفس الوقت فى المصنع
هبه استاذ ياسر لو سمحت العمال كلهم مشيوا ممكن امشي انا كمان
ياسر وهو يتقدم منها تمشي فين يابطه ده انا ماصدقت اننا نبقى لوحدنا
هبه فى ايه حضرتك انت عاوز منى ايه
ياسر عاوز منك كل خير
بصراحه كده انتى عجبانى اوى وحموت عليكى
هبه لو قربت منى حصوت والم عليك الناس
ياسر ههههههه ناس مغيش حد غيرنا فى المصنع وانا مستنى اللحظه دى من زمان اوى
ومحدش حيقدر ينجدك من ايدي
هبه لاء ده على جثتى وتحاول هبه فتح الباب
ولكنه كان اقوى منها فيشدها من ملابسها
بينما كانت هبه تصرخ باعلى صوتها حتى ينقذها احد
فى منزل ثريه يتحدث كريم الى خطيبته
كريم عاوزك بكرة تيجى الشقه عشان تختارى الالوان
داليا حاضر ياكريم ياه ياكريم انا مش مصدقه نفسي اخيرا حنتجوز
كريم معلش ياداليا انا عارف انك استنيتى كتير بس هانت خلاص ياحبيبتى
داليا طب ومامتك عامله ايه دلوقتى
كريم والله ماما تعبانه اوى وربنا يستر
داليا ربنا يشفيها
كريم هو ابوكى مش عاوز يخلينا نكتب الكتاب ليه
داليا اصله خاېف مننا ههههههه
كريم بصراحه انا خلاص بقيت على اخرى انتى عارفه انتى لما تبقى مراتى ده انا حفرتكك
حعمل فيكى عمايل
داليا اتلم هبه تسمعك
كريم لا اطمنى
هبه بايته مع ماما فى المستشفى
داليا كريم بابا بينادى علية ياللا انا حقفل دلوقتى سلام
كريم سلام ياقلب كريم
يغلق معها الهاتف وينام
فى منزل اسر التهامى
نور تتحدث الى حياة
حياة
اخص عليكى يانور هو انتى يعنى محتاجه استئذان عشان تيجى
ده انتى تنورينى ياقلبي
نور طب قوليلي العنوان
ترتدى نور ملابسها وتقرر الذهاب الى حياة
نور ماما انا حخرج
عايده تخرجى تروحى فين يابنتى دلوقتى
نور حروح عند حياة
عايده تروحى عند حياة فين ياحبيبتى هو انتى بتروحيلها بيتها
نور لا والله ابدا ياماما انا عمرى مارحتلها بيتها قبل كده بس انا مخنوقه اوى وعاوزة اخرج
عايده ايوة بس ميصحش تروحيلها دلوقتى وبعدين يعنى اهلها يقولوا ايه
نور لاء ياماما حياة عايشه لوحدها
عايده عايشه لوحدها ازاى امال مين اللى كانوا معاها فى الفسحه اللى اتفسحتوها معاهم
نور تقدرى تقولى كده دول
اللى واقفين جمبها وبيساعدوها دايما وهى ملهاش حد غيرهم
عايده والله انا مافاهمه حاجه ماتفهمينى يانور
نور حاضر ياماما حبقى احكيلك بس لما ارجع مش عاوزة فارس ينزل ويشوفنى ويسمعنى كلمتين زى العادة انا خلاص مبقتش بطيق اشوفه
عايده ليه بس كده يا حبيبتى
نور انتى اللى بتقولى كده ياماما امال لو مكنش كل حاجه قدامك
ماما هو فارس بيكرهنى ليه
عايده يكرهك فارس يكرهك ازاى بس ياحبيبتى تقولى كده ده اخوكى وبيحبك
نور بيحبنى فارس بيحبنى ههههههه ههههههه ههههههه
تصدقى ضحكتينى والله ضحكتينى
انا مفيش حد بيكرهنى اد فارس وليه معرفش نفسي افهم نفسي اعرف السبب بيكرهنى ليه عملتله ايه اذيته فى ايه
ده انا اخته الوحيده ووالله انا بحبه وعمرى مااتمنيتله حاجه وحشه وبدعيله ربنا يصلح حاله
لكن هو طول الوقت يتريق علية وعلى شكلى محسسنى انى شبه القرود
عايده قرود بعد الشړ عنك ياحبيبتى ده انتى ست البنات
ماما بصى الله يخليكى انا تعبت منه خلاص ومن معاملته الزباله لية وقررت اشيله من حساباتى واعتبران مليش غير اخ واحد اسر ربنا يخليهولى يارب
ورجاء منى ياماما تفهميه الكلام ده وتقوليله يبعد عنى خالص وينسى انى اخته والا وربي لحسيب البيت وامشي
عايده تسيبي البيت وتمشي انتى اتجننتى بتقولى ايه
نور عشان انا تعبت والله تعبت
عايده طب خلاص ياحبيبتى اهدى كده وصلى عالنبي وان شاء الله الامور تتحل
تخرج نور من البيت فى طريقها الى منزل حياة
كانت نور تقود السيارة وهى تبكى على حالها وتدعو
الله يارب حنن قلب اخويا علية يارب والله انا بحبه وبتمناله كل خير نفسي يبقى كويس معايا
وفجاة تظهر امامها سيارة فلا تستطيع نور التصرف
حياة تنتظر قدوم نور ولكنها تأخرت عليها
ياربي لتكون تاهت واللا مش لاقيه مكان تركن فيه العربيه
ترن غليها التليفون ياربي مبتردش ليه دى كمان
وبعد عدة محاولات يفتح التليفون
حياة ايه يانور فينك يابنتى قلقتينى عليكى
فياتيها صوت ليس بصوت نور
بينما كان اسر مازال نائما
ليجد هاتفه يعلن عن اتصال فيجدها حياة
اسر بصوت ناعس ايوة ياحياة خير فى حاجه
حياة تتحدث وهى تبكى الحق نور يااستاذ اسر
اسر نور اختى مالها
حياة عملت حاډثه بالعربيه والناس ودوها المستشفى
اسر حاډثه نور لا مش ممكن
يرتدي اسر ملابسه سريعا وينادى على امه وهو يهرول على السلم ماما بابا
عايده مالك يا اسر فى ايه يابنى
اسر نور عملت حاډثه والناس نقلوها المستشفى
عايده بنتى نور لا مش ممكن
فهمى الحقنى يافهمى
يخرج فهمى من مكتبه مالك ياعايده
احقنا نور نور حتروح مننا
يجرى الجميع على المستشفى لا يعلمون ماذا حدث لابنتهم
بينما كان فارس فى غرفته وملك نائمه ولم يشعروا بشئ
يدخلون المستشفى فيجدون حياة واقفه تبكى
اسر حياة فين نور ياحياة
حياة فى العمليات جوة ربنا معاها
اسر انا عاوز افهم ايه اللى حصل
حياة نور اتفقت معايا انها حتيجى عندى
اسر تيجى عندك فين
حياة فى بيتى
اسر بيتك وهى نور متعوده من امتى تروحلك بيتك
حياة لاء دى اول مرة تجيلي وانا وصفتلها العنوان ولما لقيتها اتاخرت خفت تكون تاهت اتصلت عليها كتير لحد مارد علية واحد وقاللى ان صاحبة التليفون عملت حاډثه وقاللى على المستشفى وانا كلمتك وجيت على هنا علطول
كانت تبكى وهى تتحدث
عايده ومحدش طلع يقول عندها ايه
حياة لاء حضرتك ربنا يطمنا عليها يارب
كان اسر لايستطيع الوقوف او الجلوس وانما كان ياخذ الطرقه ذهابا وايابا حتى خرج الطبيب من الخارج
يجرى عليه الجميع خير يادكتور طمنا
الدكتور ان شاء الله حتبقى كويسه هى عندها كسور فى
رجلها ولسه متاكدناش من وجود ڼزيف داخلى واللا لاء
اسر انا حنقلها مستشفى تانيه
الدكتور اى حركه خطړ عليها واطمن حضرتك المستشفى هنا فيها كل الامكانيات وان شاء الله حطمنكم عليها. بس هى لازم تكون تحت الملاحظه
فى الصباح
يستيقظ كريم من نومه فى الصباح الباكر على تليفون برقم غريب
كريم الو ايوه مين معايا
_حضرتك كريم اخو هبه
كريم ايوة فى ايه مالها هبه
هبه فى المستشفى حضرتك
كريم بخضه مستشفى ليه هبه مالها
_لما تيجى حضرتك حتعرف
يجرى كريم على المستشفى ليجد الكثير من العاملين فى المستشفى واقفين
بينما يسمع كلام البعض وهو يرددون ربنا يستر علينا وعلى وليانا
كريم هو فى ايه مالها هبه وهى فين
احد العاملين بالمصنع انت كريم
كريم فين اختى
الرجل ممكن بس تمسك اعصابك شويه عشان تقدر تفهم اللى حصل
كريم متعصبنيش فين اختى
كريم ومين اللى عمل في اختى كده انا لازم اعرف مين اللى عمل كده انا حقتله واشرب من دمه
الرجل محدش يعرف لسه هى لسه مافاقتش
تخرج اليه الممرضه كريم يتوجه اليها بالسؤال ممكن ادخلها
الممرضه لاء مش حينفع دلوقتى هى واخده مهدئ لما تفوق لو سمحت
يجلس كريم وهو يضرب كفا على كف ويتحدث الى احد
الواقفين ازاى ازاى ده حصل ده المفروض انها كانت بايته مع امها فى المستشفى انا لازم افهم
بعد قليل يسمع صوت صريخها فيدخل سريعا اليها ويحتضنها بشده فهو اخ محب لاخته وحنون عليها
هبه فوقى ياحبيبتى
هبه وهى تحاول الابتعاد عنه وخائفه من رد فعله وعلى وجهها علامات الذعر الشديد انا معملتش حاجه
معملتش حاجه
كؤيم وهو يحاول تهدئتها مټخافيش مټخافيش ياهبه انا عاوز اعرف مين اللى اذاكى كده مين اللى عمل فيكى كده
وانا والله لحقتله بايدى الاتنين دول حقتله واشرب من دمه
بحق ڤضيحتنا اللى اتفضحناها دى انا حقتله
قوليلي ياهبه مين اللى عمل كده مين مين
هبه معرفش معرفش
بينما على الجانب الاخر كانت اسرة نور تجلس امام غرفة العمليات ينتظرون خروج الدكتور للا طمئنان عليها حيث تم اجراء عملية فى ساقها
يخرج الطبيب اليهم فيجرى عليه الجميع هاه يادكتور طمنا
الدكتور الحمد لله قدرنا نسيطر على الوضع بس حتحتاج تقعد فى الجبس فترة
فهمى وهو يبكى على ابنته دكتور الله يخليك كلمنى بصراحه هى بنتى حتقدر تمشي على رجلها تانى حتقدر ترجع اقف على رجليها تانى
الدكتور طبعا ده اكيد
ان شاء الله بشروا ولا تنفروا وتفاءلوا الخير تجدوه
الكل يارب يارب
تتجه حياة الى عايده والدة نور اطمنى ياطنط ان شاء الله نور حتبقى كويسه والحمد
لله انها جت على اد كده
فتنظر لها عايده حياة يابنتى انتى بايته معانا من امبارح وصممتى متروحيش وادينا الحمد لله اطمنا على نور قومى ياحبيبتى روحى انتى عندك كليه 
حياة لاء انا مش حمشي قبل ماسمع صوتها
عايده تعرفى ان نور بتحبك اوى
حياة والله ربنا يعلم غلاوة نور عندى دى اختى وصاحبتى
عايده والبنات الصغيرين بنات اسر هما كمان بيحبوكى اوى وكل شويه يسالوا عليكى لدرجة انهم خلونى نفسي اشوفك
حياة ربنا يخليكى يارب ياطنط ويشفيلك نور يارب
اسر وهو يوجه حديثه لحياة قومى ياحياة ياللا عشان اروحك انتى لازم ترتاحى والنهارده مفيش شغل
حياة معلش يا استاذ اسر بس انا مش حقدر امشي غير لما اطمن
على نور واسمع صوتها
اسر بس انتى كده حتتعبي
حياة مفيش تعب ولاحاجه
فيرن تليفونها
صباح الخير ايوة ياابو علا
أبو علا ايه ياحياة انتى كويسه ياحبيبتى
تقوم حياة بعيدا عنهم لتتحدث بحريه اليه
كان اسر لديه رغبه شديده فى معرفة من تتحدث اليه حياة
واخذ يسال نفسه ياترى خدتى التليفون ورحتى بعيد ليه
انتى مش عاوزانى اسمع بتكلمى مين ليه
ثم يقول لنفسه وانت مالك شاغل بالك باللى بتكلمه ليه ماتكلم اللى تكلمه وانت مالك
فيقول لنفسه ازاى يعنى وانا مالى هى مش شغاله عندى وانا لحد دلوقتى مااهتمتش اتاكد من المعلومات اللى قالتهالى نور عنها
واكتفيت باجتهادها فى الشغل
فيقول لنفسه اكتفيت باللى عرفته وا للا انت مش عاوز تعرف حاجه تانى عنها عشان متلاقيش حاجه تخليك تبعدها عنك
اسر احترم نفسك انت راجل محترم وعمرك ماخنت حتى لو كنت مش طايق الزفته اللى متجوزها بس هى مراتك ومش ممكن تسمح لنفسك فى التفكير فى واحده غيرها
بينما على الجانب الاخرابو علا طيب ياحياة اهم حاجه انى اطمنت عليكى عشان اطمن صاحبتك من ساعة مارجعت