حياة أسرت قلبي لعبير سليم
المحتويات
فرصه اتكلم معاه بس خلاص مفيش فايده
الداده اعذره يااسعد اللى حصل مكنش شويه عليه الضربه كانت جامده اوى ده عاش ايام ربنا ميكتبهاش على حد
سيبها على الله يابنى وادعى ربنا ادعيه من قلبك ده ربك مفيش احن منه وقادر يبدل الحال وياعالم يمكن ييجى اليوم اللى يقدر يسامحك فيه
مرت الايام وولكنها تركت اثرها في امجد نعم فلم يعد أمجد الطيب المتسامح الذى يراعى مشاعر الجميع بل اصبح لايخاف على مشاعر احد ولا يتعاطف مع اى شخص
يفيق امجد من هذه الذكريات على صوت ارتطام الامواج العاليه فى الصخور بشده
كيف لهذه الامواج ان تتحمل كل هذه الصدمات طوال هذا الزمن كيف لها الا تنهدم او تصرخ من شدة الاصطدام بها
يفيق امجد على تلك الدموع التى ملات وجهه يمسح وجهه بيده كالاطفال ويقرر ان يقوم من مكانه
يلتفت امجد ليجده اسر
اسر طلعت كل اللى جواك واللا لسه ياامجد
أمجد ايه اللى جابك ورايا يااسر
اسر مكنش ينفع ياصاحبي اسيبك لوحدك انا كنت متاكد انك حتيجى هنا وتشتكى للبحر همك
أمجد انا مش بستهين باللى انت فيه ياامجد بس جه الاوان اللى لازم تنسى وتعيش حياتك خلاص ياامجد كفايه هم واحزان لازم تفرح وتعيش مع اللى اختارها قلبك وصدقنى المرة دى قلبك اختار صح البنت طيبه ومحترمه واديك اختبرتها فى مواقف كتير واتاكدت بنفسك ياعم ده انت كنت ماشي وراها فى كل مكان بتراقبها ارحم نفسك وارحمها بقى يااخى كفايه عليك وعليها كده بقى
ربنا بيقول ولا تزر وازرة وزر اخرى
حرام عليك كفايه بقى البنت كرهتك ياامجد كرهتك خلاص مبسوط كده
امجد والدموع فى عينيه ايوة مبسوط يااسر انا مكنش لازم اخللى قلبي يضعف لاى واحده تانيه كفايه اللى جرالى والحمد لله انها كرهتنى
اسر والله العظيم انت بتضحك علية واللا بتضحك على نفسك امجد متبقاش مچنون اعقل بقى فوق ياامجد فوق قبل ماالعمر يسرقك فوق بقى فوق
اسر ومين فينا متعبش فى حياته مين فينا الدنيا مدوقتهوش مرها امال لو مكنتش كنت معايا وشفتنى كنت عامل ازاى وحالتى كان شكلها ايه لما مراتى ماټت وعشت وكملت اه مانستهاش ولاعمرى حنساها ويعلم ربنا انهالسه جوة قلبي لكن الحمد لله ربنا عوضنى باللى ملت علية حياتى ودنيتى
أمجد اسلام ده مين ده كمان اللى عاوز يتقدملها طب يورينى حيروح يخطبها ازاى عشان ارنه علقھ اجيبله فيها عاهه مستديمه
اسر بتحبها اوى كده
امجد وهو يبتسم من بين دموعه بحبها يااسر بحبها اوى
اسر ايوة بقى هو ده الكلام قشطه عليك
أمجد قشطه عليك
اسر الواد فارس يخرببيت فقره نشر عدوته فى المكان كله ده حتى الشيخ مازن بقى بيتكلم زيه
يحتضنه اسر بحب هو ده امجد صاحبي اللى انا عارفه
أمجد بس تفتكر حتوافق يااسر انا بهدلتها اوى وخليتها تكرهنى ومتطيقش تبص فى وشي
اسر هدير طيبه واللى زيها قلبها بيبقى كبير وبتقدر تسامح
بس اللى نفسي اعرفه ازاى وامتى حبيتها
امجد وهو يبتسم ابتسامته الجميله ويمسح الدموع عن وجهه صدقنى لو قلتلك من اول مرة شفتها معرفش وقت مااصرت انها تنزل من العربيه ولما هينتها وشفت الدموع وهى نازله من عينها مش عارف حسيت بنغزة فى قلبي
ليلتها منمتش والله يااسر طول الليل وانا بانب نفسي ازاى هينتها كده وجرحتها بالشكل ده
ولما رجعت شفتها بالصدفه وحاولت اعتذرلها وعرضت عليها انها تركب معايا ورفضت كبرت فى نظرى اوى واتاكدت انها فعلا محترمه بس ماكنتش عاوز اصدق الاحساس اللى جوايا ناحيتها كنت كل مابشوفها بتعمد اهينها عشان اثبت لنفسي انى مبحبهاش وان زيها زي سوزان متختلفش عنها حاجه
بس الحقيقه ان الفرق بينهم كان واضح اوى بس انا اللى كنت اعمى البصر والبصيرة
عارف يااسر فى حاجات لما كنت بفتكرها وانا قاعد مع نفسي كنت بتاكد انها كانت وحشه من الأول بس انا اللى مكنتش عاوز اشوف ده
كنت عاوز اشوفها طول الوقت كويسه
كنت بلتمس لها العذر دايما فى اى تصرف بتتصرفه
اسر معقوله مع ان اللى زى دى بتبقى حساباتها موزونه عشان تقدر تخدع ضحيتها كويس
أمجد لايااسر طمعها وجشعها كان واضح زى الشمس بس انا اللى كنت اعمى أمجد انا تقريبا كنت بصرف مرتبى على فسحها ولبسها والاكل اللى كل يوم كنت باكلها فى المطاعم
وهى عمرها ماقالتلى لاء على حاجه بجيبهالها عمرها ماقالتلي كفايه انت جبتلى ياما
بعكس هدير يوم ماركبت معايا العربيه اول مرة صممت تنزل ولما عرضت عليها تانى وتالت مرة بردو تركب معايا رفضت كبرياءها وعزة نفسها ورضاها باللى هى فيه علاها فى نظرى اوى بس انا مكنتش عاوز اضعف تانى يااسر
اسر خلاص نفوق بقى لنفسنا ونتمسك بالحب ياامجد حاول تتمسك بيها وبحبك ليها صدقنى هدير تستاهل الحب ده
وتستاهل انك متفرطش فيها
امجد وهو يضع يده على خده اه بس انا كنت مستحلفلها اردلها القلم
اللى ضربتهولى
اسر هههههههه احسن تستاهل والله حلال فيك وبعدين انت ممكن تبقى تردلها القلم بطريقتك انت بقى يامجود
بس حيبقى احلى قلم فى الدنيا قلم يخليها تغيب عن الواقع وتنسى كل الدنيا ومتشوفش فيها غيرك وانت وشطارتك بقى
أمجد انت متاكد انك اسر التهامى لا انا شكك فيك ياصاحبي
اسر منك لله يافارس
تخرج هدير وحياة من الجامعه بعد الانتهاء من الامتحان
حياة انا قلقانه اوى من الماده دى انا حسه انى عكيت فيها
هدير سيبيها على الله وان شاء الله خير
حياة مروحه عالبيت واللا حتروحى المكتب عند اسر
هدير حروح المكتب ارتب بس شوية قضايا وبعد كده اروح
حياة بتفكرينى بنفسي يابت ياهدير كنت زيك كده بالظبط بس تعرفى ان المكتب ده وشه حلو على البنات اللى بيشتغلوا فيه انا اتجوزت اسر وفرح اتجوزت يسري وان شاء الله نفرح بيكي انتى كمان ياحبيبتى قريب
هدير ربنا يخليكى يا حياة انا كل اللي عاوزاه انى اخلص الكليه واشتغل واحقق ذاتى
حياة يعنى منفسكيش تتجوزى يابت ياهدير
هدير اكيد طبعا يا حياة نفسي اتجوز وافرح زى كل
بنت بس ازاى ومنين ياهدير مانتى عارفه اللى فيها ده لولا ان استاذ اسر شغلنى انا واخويا انا مكنتش قدرت اكمل تعليمى الحمد لله اوى على كده
حياة ياحبيبتى بكرة ربنا يكرمك باللى يشيلك هيله بيله كده من غير اى حاجه
يكون ببحبك ومش عاوز غيرك يا حبيبتي
هدير وده حيطلعلى فى كيس الشيبسي واللا ايه كل واحد بياخد اللى شبهه ياحياة وانا غلبانه غلبانه اوى ويوم ماربنا حيكرمنى حيبقى زيي وممكن يكون اسوا منى كمان
حياة ياسلام طب مانا قدامك اهوه مااسر حبنى واتجوزنى وانا بردو كنت فى نفس ظروفك
هدير ياحبيبتى كل قاعده وليها شواذ وانتوا اكيد الشواذ
حياة بقى احنا شواذ ياجذمه
هدير هههههههه هههههههه مقصدش والله ياقلبي
حياة لا مانا عارفه انا بستعبط
حياة هدير اسر بيرن علية حرد عليه حبيبي وحشتني
اسر انتى اللى وحشانى علطول ياقلب اسر طمنينى عليكم عملتوا ايه انتى وهدير
حباة الامتحان كان صعب اوى النهارده وخاېفة اوى
اسر ان شاء الله خير يا قلبي
بقولك ايه انتى مش حترجعى عالبيت
حياة امال حروح فين حتخطفنى ياروحى
اسر لو عالخطف فانا نفسي اخطفك فعلا ونروح عالبلد اللى تجمع شمل العشاق
حياة يالهوى يالهوي لاء انا مش اد الكلام الحلو ده كله
اسر الحلو لازم يتقالله الكلام الحلو
حياة بركاتك يافارس
اسر هههههههه مش ممكن كلنا بقينا بتكلم زيه
المهم بقى انتى حتطلعى على المستشفي
حياة مستشفى ليه خير ايه اللي حصل
اسر حصل كل خير ياحبيبتى شيرين ولدت
حياة ايه بجد شيرين ولدت
اسر ايوة ولدت مازن لسه مكلمنى والعيله كلها راحتلها مافضلش غيري انا وانتى
حياة حاضر يا قلبي مسافة السكه واكون هناك بس انت مقلتليش مستشفى ايه
كانت هدير تمشي بجوار حياة وهى شاردة الذهن وتسال نفسها هو معقوله ممكن يبجى اليوم اللى احب واتحب فيه
يااه نفسي اوى الاقى الانسان اللى يحبنى ويقدروجودى فى حياته وميجرحنيش او يعايرنى بفقرى زي مااللى اسمه امجد ده بيعايرنى كل مايشوفنى
انا نفسي افهم انا عملتله ايه عشان يكرهنى بالشكل ده ويفضل يتريق علية وعلى شكلى كل مايشوفنى ده انا ولا كانى قاتلاله قتيل ياللا االعموم اكيد بعد الكلام اللى قلتهوله اخر مرة حيحترم نفسه ومش حيطلعلى زى عفريت العلبه تانى
فى المستشفى
فارس ناويين تسموا البيبي ايه بس وحياة ابوكم بلاش الاسماء العجيبه اللى بتسموها دى
ملك ايه رايكم تسموه معاذ
فارس معاذ ايه ده يابنتى لا الاسم ده مش عاجبنى شوفوا اسم تانى
عايده طب ايه رايكم فى اسم مصعب
فارس وتصعبوها علينا ليه بس اللى بعده
فهمى لا حول ولا قوة الا بالله مش دى يابنى اسماء الصحابه اللى لازم نقتدى بيهم
فارس معاك حق والله ياابواسر بس ممكن نشوف اسم تانى
نور انا عاوزة اعرف انت مالك اساسا بالاسم انت حاشر نفسك ليه هو انت كنت ابوه مازن وشيرين ياعم يختاروا الاسم وانت ريح دماغك
وفاء عيب يانور فارس يزعل يا حبيبتي
فارس لا لا انا مش ممكن ازعل ابدا من نور اختى حبيبتي دى مراة البطل بتاعنا قاهر الاعداء ومحطم الفرنج والتتار
وفاء تتار هما فين يابنى
الجميع هههههههه هههههههه هههههههه
فارس وهو يجلس بجوارها حبيبتى يافوءة والله انا عاوزك تتبنينى
عايده ليه يازفت هو انت كنت عدمتنا واللا ايه
فارس مين اللى بيتكلم اعرفكم ياجماعه الست دى امى شقيانه طول عمرها ماشفتش غير همى وانا اخر صبرها
عايده ماشي يااخرة صبري انا فعلا ماشفتش غير همك يابنى انت مش ناوي تعقل بقى انا مش عارفه خلفت واحد والتانى جاى فى السكه حتعقل امتى
فارس اهئ اهئ اهئ اديكى قلتى بلسانك اهوه واحد واحد بس ياامى شفتى بقى اللى انا فيه
شفتى الخيبه اللى ابنك . حبيبك فيها
عايده هو ايه اللى انت فيه ياخيبة املى يا اخى اتنيل محسسنى انك فالح اوى وبتعرف تربي ده احنا لو اعتمدنا عليك فى التربيه يبقى عليه العوض ومنه العوض فى العيال اللى استنيناهم سنين
فارس ايه ده انتى تقصدى ايه ياست الحبايب ياحبيبه
ملك تقصد انك احلى اب فى الدنيا ياحبيبي طبعا هو فى حد زى فروستى واللا فى حد حيطلع ابنه راجل زيك ياروح قلبي
فارس حبيبة قلبي محدش ناصفنى غيرك
فهمى بقولك ايه ياملك شيرين تعبانه خدى جوزك واطلعوا انتوا الاتنين غنوا وردوا على بعض برة وارحمونا من ازعاجكم شويه
فارس ملك هما
متابعة القراءة
