رواية لا زلت في الثلاثين بقلم مارتينا. الجزء الثاني.

عارفه كل حاجه يا محمود عارفك
حس محمود أن جبل اتشال من عليه لكلام هبه لانه كده مش ظلمها وله هو فكر يظلمها حتى ورد عليها
محمود وانا هخليكى اسعد زوجه في الدنيا يا هبه
وفي نفس الوقت
اتصلت هاجر بعلى على الساعه 11 بالليل
هاجر أنا موافقه
على فضل ساكت لمده طويله لانه مش مستوعب أن اللى قالته هاجر ده بجد خاېف يرد ليكون واهم نفسه لحد ما هاجر اضايقت من سكوته
هاجر طب خلاص براحتك هو أنا هشد الكلام منك باى
على بااى ايه باى ايه حرام عليكى ده أنا ما صدقت صدقت ايه ده أنا مش مصدق انى هقدر اصدق انك وافقتى اصلا قولى تانى يا هاجر كده انك وافقتى
هاجر لا هي مره واحده
على خلاص وانا راضى بيها اهم حاجه انك وافقتى صح
هاجر اه طب امتى بقى
على دلوقت حالا
هاجر هههههههه مش اوى كده أنا بتكلم جد
على وانا بتكلم جد الجد
هاجر ع طول كده
على طبعا أنا هاخد أجازه من الشغل ونتجوز بكره وبعدين نسافر يومين في أي حته شهر عسل
هاجر نسافر! طب والبيت عندى
على قوليلهم طالعه رحله تغيرى جو قبل الامتحانات
هاجر اوكى خلاص سبنى بكره ارتب الموضوع ده واكلمك
على بحبك يا هاجر بحبك
هاجر هههههههه منه عارفه سلام بقى دلوقت خلى الكلام ده لبكره
على ههههههه اوكى باى
قفل على مع هاجر وهو مش مصدق نفسه أن اكتر ما بيحلم هيبقى في ايده هاجر اللى اتمنتها احلامه كتيرر هاجر اللى من ساعه وهو بيحسب الساعات مش الأيام لان علاقتهم جت اسرع بكتير ما هو متخيل هاجر اللى تخيلها كتير مكان منى على المخده اللى جنبه فاق شويه من الكلام ده وبعدين ابتدى يفكر في حاجتين اسمه اللى غيره وموضوع السفر ده في الاخر استقر على انه اسمه بين أصحابه أحمد والحقيقى على ومش هيفرق معاها اوى وثانيا الفلوس يستلفها من أي حد صاحبه أو يستلف ليه...فتح على درج من الدولاب لقى علبه الدهب البسيطه بتاعه منى اللى اكتر اللى فيها من ميراث والدها وخد اغلى اسوره علشان يبيعها علشان يصرف على الجوازه وقرر انه مش هيجيب سيره لهاجر عن أي حاجه في حياته لحد ما يحلها حلال وارح في النوم
في اليوم التانى الصبح صحيت رقيه وكلها نشاط غريب واول ما خرجت من الاوضه
ماجده بسم الله ماشاء الله ايه القمر ده
رقيه هههههههه يا سلام متجمليش يا ماما
ماجده أبدا يا بنتى وشك ظاهر كده وقمر يارب دايما
تخرج هاجر من اوضتها في نفس الوقت
هاجر يا ماما يا ماما يا بكاشه انتى اومال أنا ابقى ايه
ماجده انتوا الاتنين زى القمر
هاجر لالا لا لحد هنا وبس أنا مش زى أي حد
ماجده يا بت بس
هاجر المهم أنا عاوزه اطلع رحله يا ماما مع أصحابى
رقيه وامتحاناتك يا هاجر
هاجر أنا بكلم ماما يا ماما عاوزه اغير جو مش هقدر أفضل طول الوقت اذاكر كده
رقيه مقدرتش تمسك نفسها فبصت لهاجر بصه رخمه ڠصب عنها
هاجر بتبصيلى كده ليه
رقيه أنا نازله يا ماما على الشغل
ماجده على مهلك يا حبيبتى
هاجر يا ماما ركزى معايا بقى هما خمس أيام بالكتير والله
ماجده يا حبيبتى أخاف عليكى
هاجر ما عبير هتكون معايا
ماجده سبينى افكر يا هاجر
هاجر تفكرى ايه بس يا ماما الرحله انهارده اخر النهار علشان نوصل على بالليل ونقوم فايقين
ماجده هي تبع ايه اصلا
هاجر امممممممم تبع أخت عبير في الجامعه
ماجده يعنى اختها جايه معاكوا
هاجر اه
ماجده خلاص ماشى يا هاجر روحى
...
وقفت عربيه رقيه قدام الفيلا وموجود فيها رقيه ودينا
دينا ايه يا بنتى ما يالا احنا هنفضل هنا كتير
رقيه اه اه هننزل طبعا بس كنت عاوزه اقولك حاجه
دينا قولى
رقيه فاكره الشاب اللى خبط عربيتك من تلات أسابيع كدا تقريبا
دينا اووووووووف اه ابن اللذينه ده فكراه طبعا بس ماله يعنى
رقيه هو هنا في الفيلا دى
دينا ازاى يعنى مش فاهمه هنا ازاى
رقيه ابن صاحبه الفيلا يعنى صاحب الفيلا من الاخر
دينا يااااالهوى على الصدف ايه الحظ ده وهيعملى فيها بتاع بقى بس ع مين طبعا
رقيه لالا متقلقيش اكيد ده مش هيحصل يعنى
دينا عموما أنا هعرف اتصرف يالا ننزل
نزلت رقيه من العربية وهي متردده ودينا عاديه وفجأه لقت عمر قدامها
عمر أنا اسف على المره اللى فاتت
بصتله دينا بتعجب وهي مش عارفه ايه سر التحول الرهيب ده وهو اصلا ميعرفش انها جايه في نظرها دى حست انه مستنيها لا وكمان يتأسف
دينا ولا يهمك عادي حصل خير
عمر ازيك يا انسه رقيه
رقيه الحمد لله
ضحكت دينا لانها افتكرت انها أن رقيه جت هنا قبل كده وابتدت تفهم أن عمر عرفها من هنا
دخلوا التلاته الفيلا وابتدت دينا تتمشى في الفيلا وتوزع كلام على العمال وترتيبهم وتنسيقهم
ورقيه جايه تمشى لقت عمر بيقولها
عمر على فكره انتى جميله اوى انهارده
ابتسمت رقيه ابتسامه بخجل ومشيت من قدامه
حضرت هاجر حاجتها بعد ما نزلت اشترت حاجات وكلمت على على انهم هيتقابلوا