ابحث عن نفسي الجزء الأول
المحتويات
آخر سنة
خديجة وماله يابني هتبقى مراتك وف شورك إلى تحبه اعمله.
في الوقت الحالي
كامل بس ياحاج ابني عنده حاجة عاوز يقولهالك
محمد اتفضل يابني اعتبرني زي ابوك
أحمد طبعا ياعمي. بعد مانكتب الكتاب وبعد الفرح أن شاء الله لما نروح لبيتنا فمصر. أنا مش هقعدها من الكلية حرام آخر سنة تخلصها وتقعد بعدين أو تشتغل لو حبت
غادة مش مصدقة إلى بتسمعه وابتسمت بفرحة وشافها أحمد وهي بتبتسم
كامل ايوة يا ابني الحاج معاه حق احنا معندناش بنات تتكشف على رجالة غريبة
أحمد طيب مفيش مشكلة إلى تشوفوه
بعد ما مشيت عيلة أحمد بوعد هيروحو بعد بكرة كلهم يجيبو الشبكة قعدت العيلة كلها بتتكلم وتقول رأيها
فاطمة ناس اكابر اوي والواد باشمهندس قد الدنيا وعنده شقة وهيخليها تكمل السنة إلى فاضلالها.
غادة ساكتة ورأيها متغيرش انها رافضة الجواز من شخص مش بتحبه بس فرحانة انه هيسمحلها تكمل تعليمها حتى لو هتقعد فالبيت هي كده كده كانت هتقعد عشان ابوها مش هيسمح لها تشتغل أبدا
إبراهيم قومي ياكريمة خلينا نروح
شروق لا وحياة ربنا ياماما أنا عاوزة اروح البيت اريح
مصطفىبلهفة مالك يا شروق
فاطمةبمصمصة شفايف ياخويا ماتخافش كده هي أول ست تحبل
مصطفى طيب يلا نروح بدل انتي تعبانة كده. يلا سلامو عليكو
الجميع وعليكم السلام
بعد ما مشيوا
فاطمة شوف البت عمالة تدلع عليه وهو زي الاهبل مصدقها
كريمة هنحضر العشا احنا ياماما
كريمة وغادة بيحضرو العشا في المطبخ
كريمة ها ايه رأيك اهوه طلع بيفهم وهيخليكي تكملي السنة
غادة الحمدلله بس برضه مش مستريحاله
كريمة ليه يابت انتي كنت تحلمي بجوازة زي دي باشمهندس قد الدنيا وفمصر هترتاحي من البلد ومن هم البلد هتوحشيني يابت
غادة بس أنا مش حاسة بناحيته بحاجة
غادة الله اعلم. يلا بسرعة عشان امك لو جات هتفضل تزعق
في بيت أحمد
خديجة ها ياضنايا عجبتك البت مش كده
أحمد اكيد ياماما زي ماقلتي بالظبط مؤدبة وحلوة وشكلها كانت زعلانة عشان هتقعد من الكلية وفرحت لما قلت مش هقعدها
خديجة بس يا ابني هتلحق امتى تشوف طلباتك وطلبات البيت
خديجة ربنا يتمملك على خير يارب. هتصل باختك حنان عشان تروح معانا نجيب الشبكة
أحمد سلميلي عليها.
مر اليوم التاني ومحصلتش حاجة جديدة وجه يوم مشوار الشبكة
راحت فاطمة وكريمة وطبعا غادة. أحمد ووالدته واخته حنان هتلاقيهم فالقاهرة عشان هي متجوزة هناك. راحو كلهم عند جواهرجي تعرفو حنان
حنان سلامو عليكو
الجواهرجي وعليكم السلام ازيك يامدام حنان
حنان الحمدلله. احنا جايين ناخد شبكة عروسة اخويا من عندك. ورينا احلى شغل
الجواهرجي من عنيا يامدام الف مبروك يا أستاذ
أحمد الله يبارك فيك
خديجة تعالي ياحبيبتي واقفة مكسوفة ليه تعالي نقي شبتك. تعالي ياام مصطفى انتي وكريمة واقفين بعيد ليه
فاطمة بتشاور لخاتم بصي ده ياغادة حلو اوي
غادة بعدم اهتمام ايوة حلو
الجواهرجي هوري حضرتك حاجة تليق عليه
خديجة الله حلو اوي ايه رأيكم
كريمة ايوة حلو ماشاءالله. تمام ياغادة كده
غادة آه تمام
حنان خلاص احنا هناخد دول. لو سمحت ورينا دبل رجالي
خديجة اختاري ياغادة لخطيبك دبلته
غادة باحراج احم دي حلوة
حنان ايوة وزي بتاعتك. خلاص على بركة الله يااحمد
أحمد ايوة تمام خلاص غادة إللى اختارت مفيش كلام بعدها
غادة مردتش بصتله ودورت وشها ..أحمد استغرب الكل اتحرج من اللي عملته. حاسب أحمد وروحو لبيت حنان شوية وبعدها رجعو البلد
في بيت غادة
فاطمة انتي يابت ياقليلة الادب والله لقول لابوكي يربيكي
كريمة ليه ياماما عملت ايه
فاطمة اسكتي انتي يابت. ايه إلى انتي عملتيه عند الصايغ
غادة عملت ايه
فاطمة دورت وشك وجوزك بيكلمك ياقليلة الادب. دلوقتي يقولو علينا ايه طب حتى قولي شكرا حتى اضحكي فوشه.
غادة متقوليش جوزي. أنا اصلا موافقتش عليه ولو بيحس على دمه هيفهم ويسيبني فحالي
ابوها دخل على آخر كلمة
محمد بتزعقي ليه. مين ده إللى يسيبك فحالك
كريمة خاڤت يضربها مفيش
متابعة القراءة
