ابحث عن نفسي الجزء الأول
المحتويات
يزوروهم بعد الظهر..غادة كانت محرجة جدا وبتفرك فايديها أحمد لاحظ احراجها وحاول يتكلم معاها فاي حاجة عشان يخفف عنها
أحمد ازيك ياغادة
غادة الحمدلله
أحمد مبسوطة
غادة الحمدلله
أحمد ربنا يقدرني واسعدك طول عمرك
غادة...
أحمد ايه رأيك الأسبوع الجاي نروح الإسكندرية
غادة ليه
أحمد يعني نعمل أسبوع عسل أنا روحت هناك كام مرة وعاوز افسحك فيها
أحمد استغرب ردها لكنه فسره على انها مكسوفة منه...وصلوا للشقة كانت شقة حلوة وواسعة وانيقة جدا من حيث العفش أو الديكور فاحمد ذوقه حلو جدا كونه مهندس ديكور..غادة انبهرت بفخامة الشقة وبصت على كل اوضة فيها... اوضة نوم والحمام بتاعهااوضة مكتب أحمدصالة عشان الضيوف صالون فيه التليفزيون مطبخ وحمام تاني
غادة بابتسامة طبعا عجبتني ذوقك حلو اوي
أحمد طيب أنا هغير هدومي فالاوضة التانية وهحضر العشا زمانك جعانة مش كده
غادة الصراحة ايوة بس متتعبش نفسك أنا هغير الفستان بسرعة وهحضر السفرة
أحمد لالالا غيري براحتك أنا إلى هحضرها انتي عروسة ولازم تدلعي ومتعمليش حاجة خالص
غادة اروح اقعد وانت تحضر العشا ماينفعش أنا هحضر السلطة وانت كمل إلى بتعمله
أحمد ابتسم لها وكمل إلى بيعمله.. قعدوا الاتنين يتعشوا وأحمد بيحط لها فطبقها اكل كل شوية..غادة مكسوفة تاكل قدامه
غادة أنت كل شوية بتحطلي وانت ماكلتش خالص
أحمد لا باكل اهوه
خلصو عشا راح أحمد يغسل ايديه وغادة ابتدت تلم السفرة..بعد ماخلصت لم السفرة بمساعدة أحمد قعدت عالكنبة فالصالون وجه هو قعد جنبها وابتدى يكلمها عن كليتها وعن نفسها. سكتوا شوية أحمد قرب منها ومسك ايديها قربها من شفايفه وباسها اتفاجأت غادة من إللى عمله وسحبت ايديها بسرعة. أحمد استغرب من تصرفها قرب منها عشان يبوسها بعدت عنه بسرعة..أحمد حس بحاجة غريبة
غادة بصوت مرتعش مفيش
أحمد مفيش ازاي. أنا كل ماقرب منك تبعدي ليه
غادة أنا.
أحمد انتي ايه ياغادة
غادة ماينفعش يا أحمد دلوقتي
أحمد ماينفعش ايه وضحي كلامك
غادة مش لازم دلوقتي يعني. أنا مش مستعدة وووتعبانة من مجهود الفرح
أحمد نعم. انتي بتقولي ايه. واهلنا إللى جايين بكرة دول هنقولهم ايه.
أحمد أنا مينفعش معايا الكلام ده انتي عاوزة اهلي يقولو عليا مش راجل
غادة أنت ازاي تكلمني كده. أنت المهندس المتعلم تفكر بالطريقة دي خليت ايه اللي مش متعلمين
أحمد أنا بقولك إللى اهلي واهلك هيفكرو فيه. غادة خلي الليلة تعدي وماتخلنيش اقلب عليك
غادة خاڤت من صوته إللى ابتدى يعلى وابتدت دموعها تنزل ..أحمد حس انها خاڤت منه وطى صوته شوية ..خلاص بطلي عياط دلوقتي وقومي نامي. أنا هنام فالمكتب. أما نشوف آخرتها.
راح دخل الاوضة ورزع الباب مسحت غادة دموعها ودخلت اوضة النوم قفلت الباب بالمفتاح وقعدت ټعيط كتير عالسرير المرة دي عداها انها تعبانة المرة الجاية هتقوله ايه...أحمد رزع الباب وقعد على الكنبة بعصبية ..أنا حاسس بحاجة غريبة. مش معقول تعبانة لدرجة كل ماقرب منها تبعد عني هعمل ايه ياربي فاللي جايين بكرة دول. مش هينفع اقولهم على حاجة طبعا. احنا هنمثل كانه مفيش أي مشكلة وبعدين ربنا يحلها. مع اني مش مطمن وحاسس انه في حاجة ورا تصرف غادة.
في البلد أهل غادة بيحضرو نفسهم والاكل والحلويات عشان يروحو لغادة
فاطمة تصدقي يا كريمة وحشتني فالكام ساعة إلى راحتها دي
كريمة ربنا يسعدها يارب
مصطفى جه هو وشروق وجايب معاه اكل عملاه شروق
فاطمة تعبتي نفسك ليه يابنتي هو انتي فيكي حيل
شروق ماتقوليش كده ياماما دي غادة زي اختي
كريمة انتي فالكام على خير
شروق أول الخامس
كريمة ربنا يتكملك على خير
شروق يارب ويديكي انتي كمان ياكريمة
كريمة بحزن يارب
...
خديجة يلا ياحاج كامل هنتأخر
كامل كلمتي حنان
خديجة ايوة كلمتها هي هتيجي على هناك
كامل طيب يالا على بركة الله.
...
أحمد صحي وقام يروح عالحمام بص لقى اوضة غادة مفتوحة وفي صوت فالمطبخ راح يشوف بتعمل ايه ..غادة
متابعة القراءة
