ابحث عن نفسي الجزء الأول

جيرانهم اتصل يقولي عشان عارف اننا بقينا نسايب. يلا بسرعة عشان نروح لهم
الكل لبس بسرعة وأحمد ساق بيهم العربية لغاية مستشفى القاهرة.
غادة ارتاحت شوية وزال الالم وبقت قادرة ترد على حد لما يكلمها ماحدش عاتبها عاللي عملته عشان لسه مخضوضين عليها
فاطمة طيب يا حاج لو حد فالبلد سألنا هنقولهم حصل ايه. واهل خطيبها هنقولهم ايه اكيد هيعرفوا
محمد مش هنقولهم طبعا انها حاولت ټنتحر انتي عاوزة نبقى سيرة على كل لسان. احنا هنقول اني ضړبتها واغمى عليها جبناها المستشفى. محدش يجيب سيرة باللي حصل خالص سامعين.
وصل أحمد واهله عالمستشفى وراح جري على الاستقبال يسال على غادة
أحمد لو سمحتي اوضة غادة محمد فين
الممرضة الاوضة 120
راح جري عالاسانسير ووراه باباه ومامته ..وصلو على الطابق إلى فيه الاوضة ودخل أحمد يجري بلهفة
غادة اتفاجئت بوجوده وازاي عرف
محمد اهلا بالحاج كامل تعبتو نفسكم ليه بس
كامل سلامتك يابنتي أنا واحد صاحبي من جيرانكم قالي عشان عارف اننا نسايب
خديجة الف سلامة عليك يابنتي
أحمد حمد الله على سلامتك ياغادة
غادة بصوت تعبان الله يسلمكم
فاطمة تعبتوا نفسكم ليه كنتوا تيجوا عالبيت اريح
خديجة ايه الكلام ده يا حاجة فاطمة نعرف انه مرات ابني فالمستشفى ومنجيش نطمن عليها. بس حصل ايه
فاطمة بارتباك ابوها اتنرفز عليها وضربها هي بقى ضعيفة ورفيعة زي ما انتي شايفة ماستحملتش اغمى عليها
كامل الله يهديك ياحاج ضړبتها ليه بس
مصطفى معلش يا حاج ابوها واتعصب عليها وخلاص هو طيب بخاطرها لما فاقت
أحمد طيب هتطلع امتى من المستشفى وهي بقت كويسة خلاص مفيش خطۏرة عليها
مصطفى الحمد لله الدكتور طمنا انها كويسة وقال أول ماتصحى وتشد حيلها شوية ناخدها عالبيت وتستريح لها يومين كده على سريرها وتاكل كويس
إبراهيم طيب يلا نشوف الدكتور عشان نروح الوقت اتأخر اوي.
بعد شهر من إللى حصل رجعت الحياة طبيعية وقرب جهاز غادة يخلص وقرب كمان يتم كتب الكتاب والفرح ويروحوا لشقة القاهرة.
كريمة دلوقتي لسه ناقص ايه ياماما
فاطمة تقريبا حاجتها خلصت والحاج كامل متكلف بكل تجهيز الشقة من عفش وادوات منزلية فاضل الفستان يخلص الخياطة قالت بعد أسبوع
كريمة واتفقتوا الفرح هيبقى امتى
فاطمة بعد اسبوعين يكون الفستان خلص والشقة خلصت
كريمة مبروك ياغادة ربنا يتتملك بخير ياحبيبتي
غادة بعدم اهتمام الله يبارك فيكي
يوم الفرح...خديجة خارجة ورا أحمد بتزغرط هي واخته وهو لابس جلابية الفرح عشان الفرح فالبلد ووشه منور بالفرحة
خديجة مبروك ياحبيبي الف مبروك ده يوم المنى اللي شفتك فيه عريس ربنا يسعدك يارب
أحمد باس ايديها وراسها الله يبارك فيكي ياحبيبتي ويخليكي لينا
حنان يلا بقى ياعريس عشان العروسة زمانها مستنية
عند غادة لبست فستان الفرح وعملت شعرها بس طبعا مغطياه بالحجاب..وبعد الميك أب بقت ملكة جمال عشان أول مرة تعمل ميك أب كامل.. فاطمة وكريمة وشروق إلى بطنها بقت كبيرة نسبيا بيزغرطوا بفرحة كبيرة.. فاطمة ابتدت ټعيط وحضنت غادة إلى ولا مبسوطة ولا زعلانة مفيش أي تعبير على وشها
فاطمة خلاص ياغادة هتمشي والبيت هيفضى عليا
شروق كان مصيرها لبيتها وجوزها فالنهاية ياماما ربنا يتمم لها بخييير
كريمة يارب يسعدك ياحبيبتي هتوحشيني اوي
غادة يا جماعة ليه محسيسني اني ههاجر البلد قريبة اوي من مصر اوعوا ماتزورونيش كل أسبوع. اوعي ياماما تنسيني خلاص
فاطمة في حد بينسى ضناه ياحبيبتي ربنا يهنيكي ويسعدك ويزرقك بالذرية الصالحة
كريمة آمين يارب. في زغاريط برة شكل العريس وصل يلا ياماما
كريمة ماسكة الفستان من ورا عشان ميكعبلهاش فالسلم غادة ماسكة ايد مامتها پخوف مامتها حاسة بتوترها وبتبتسم لها عشان تطمنها وشروق ماشية جمب كريمة بتزغرط بفرحة
الفرح مليان معازيم قرايب العروسين ومعارفهم وجيرانهم وأصحابهم الكل بيرقص بفرحة أحمد قاعد فالكوشة هو وغادة غادة خاېفة اوي لما يبقوا لوحدهم ..أما أحمد فمبسوط اوي ومبهور بجمال غادة وحس انه ابتدى يحبها وكل شوية يبص عليها.. تم كتب الكتاب وابتدت الزغاريط من كل النواحي والكل بيرقص.. أما غادة فقلبها اتقبض ومش عارفة لما يروحو ويبقو لوحدهم هتتصرف ازاي.
بعد الفرح ماخلص والمعازيم راحوا كل من العروسين سلموا على اهلهم بحب ..الكل عينوه كانت مليانة دموع من التأثر..فتح أحمد باب العربية لغادة وقفله لما ركبت وركب هو كمان دور العربية وراح ناحية طريق القاهرة. بعد وعد من العيلتين هييجو