ابحث عن نفسي الجزء الأول
واقفة بتحضر الفطار لاحمد عشان مايحسش بحاجة لقته داخل عليها
..صباح الخير.
..صباح النور. نمت كويس.
..الحمد لله. بتعملي ايه
..بحضرلك الفطار روح خد دش اكون خلصت.
..ماشي تسلم ايدك.
خرج وهو مستغرب تعاملها كأنها ماعملتش حاجة ..خرج من الحمام ولبس هدومه كانت غادة خلصت سفرة الفطار وقاعدة بتستناه ..قعدو يفطرو من غير كلام قطع الصمت صوت أحمد
..نعم.
..لما يجوا اهلنا ماتحكيش لمامتك أو اختك اننا لسه.
..آه حاضر أنا ماكنتش هقول أي حاجة اصلا.
..ماشي زمانهم على وصول.
كانت حنان أخت أحمد هي وجوزها وعيالها أول الواصلين لبيت أحمد لانهم في نفس المدينة وكان ترحيب أحمد وغادة بهم شديدا
أحمد اهلا وسهلا نورتو
حنان بتزغرط وبتحضن فاخوها الصغير إللى بقى راجل خلاص ليه بيته ومراته
حنان اقعدي يامرات اخويا الأول نبارك لكم مش مهم نشرب ايه دلوقتي لما يبقى يجي الكل
غادة اقعدت وهي بتبتسم لحنان ..وبعد قليل وصلت عيلة غادة وعيلة أحمد ..وتعالت الزغاريط في الشقة وبعد ماسلموا عليهم وباركولهم قامت غادة تجيب العصير ومعاها كريمة
في المطبخ
غادة الله يبارك فيكي
كريمة أحمد معاكي ازاي
غادة الحمدلله
كريمة كل حاجة تمام
غادةحاولت تهرب من الموضوع..هبقى احكيلك بعدين يلا عشان مانتأخرش عليهم..
خديجة ازاي عروستك معاك. اوعي تكوني زعلتيه ياغادة
أحمد لا ياماما غادة كويسة ومش بتزعلني أبدا وبتسمع كلامي
بصلها أحمد وهو قاصد عشان تفهم ماتحت سطور كلامه ..غادة ابتسمت بتوتر وفهمت إلى يقصده ..خلصت الزيارة على خير وماحدش شك فكلامهم ودعوهم بعد ما حطو فالمطبخ الاكل والحلويات ومشيوا..غادة قامت تحط الاكل فعلب وتحطه فالتلاجة وراح أحمد وراها
غادة عينيها مشغولة باللي بتعمله...تلت أيام ولو في امتحان صاحبتي هتبقى تقولي.
أحمد..ماشي أنا هطلع بعد الغدا اشم هوا شوية. اتخنقت.
خرج وسابها وهي ابتدت تخاف من معاملته إلى اتغيرت...وزي ماقلها بعد الغدا خرج واتأخر اوي لحد بالليل غادة اتعشت وجهزتله عشاه على السفرة وراحت تنام وقفلت باب الاوضة....أحمد راح لكافيه عالنيل وقعد وهو مضايق انها مش مهتمة بيه حس انه مخڼوق حاسب وطبع يتمشى عالكورنيش وماحسش بالوقت لغاية مالقى الوقت اتاخر ركب عربيته ورجع عالبيت. دخل عالبيت لقى هدوووء...معقول تكون نامت. لا بقى دي زودتها اوي..
قال بصوت عالي..أنا متجوز عشان انام لوحدي واتعشى لوحدي..
راح لها على باب الاوضة وخبط عليه پعنف...أنا عارف انك مش نايمة وسامعاني. انتي بتعملي كده ليه. في اتنين كان فرحهم امبارح ده حالهم. انتي زودتيها اوي ياغادة وبكرة لما ارجع من الشغل لازم نتكلم..
دخل على اوضته ورزع الباب ..غادة كانت سمعاه بس مش قادرة تواجهه لانها مش عارفة هتقوله ايه.
يتبع
