حب من طرف واحد بقلم ندى رأفت الجزء الاول
المحتويات
بيخبط ثريا .. أدهم يا حبيبي انت صاحي انا حضرتلك الاكل
أدهم بتعب .. اتفضلي يا عمتي خشي
دخلت ثريا وهي معاها صنيه الأكل وراحت قعدت جنب أدهم على السرير.. كلك لقمه يا أبني
أدهم .. والله ما ليا نفس يا عمتي
ثريا .. لا يا بني ما ينفعش انت عايزني ابقى نايمه وقلقانه عليك مش كفايه الكلام الفارغ اللي قلتهولك مراتك وكمان شكلك مش عاجبني
ثريا پصدمه .. انت بتقول إيه يا أدهم مينفعش الناس تقول علينا ايه وبعدين هي ليها حته تروحها دا احنا مقعدنها معانا معززه مكرمه رغم أنها مبتخلفش وملهاش لازمه وكمان متقوليش موضوع الشقه دا تاني
أدهم.. هي الخلفه بأيدها يا عمتي
ثريا .. طب سيبك منها يا أبني وكل ومتقوليش مليش نفس دي
استسلم أدهم ليها وفضل يأكل من إيدها لغايه ما خلص الاكل
ثريا .. يلا بقا أشرب كوبايه العصير دي علشان تديك طاقه كدا
أدهم.. والله ما قادر يا عمتي
ثريا بحزن.. هتكسف عمتك يا أدهم دا انا عملتلك العصير البرتقال اللي بتحبه
أدهم.. تسلم إيدك يا عمتي أكلك متذوقتش زيه في حته تانيه حتى كوبايه العصير محدش بيعرف يعملهالي مظبوته غيرك
ثريا .. بالهنا والشفا يا أبني صحه وعافيه اقوم بقى واسيبك ترتاح وكانت لسه هتقوم راح مسك أدهم إيدها وقال بصوت مخڼوق .. خليكي شويه يا عمتي
راحت قعدت السرير تاني فحط أدهم رأسه على فخذها ثريا .. مالك يا أبني فيك ايه
أدهم.. مفيش حاجه يا عمتي خليني كدا شويه بس
ثريا .. ماشي يا ابني براحتك
وقعدت تمسد على شعره شويه
ثريا .. الا بقولك يا أدهم انا بتصل بسيف مبيردش عليا
ثريا .. شكرا يا حبيبي ربنا يخليك ليا انت وسيف انا بعتبركم انتم الاتنين ولادي مش سيف بس
راح قام أدهم ومسك إيد عمته وباسها وقال .. وانا بعتبرك زي امي ربنا يخليكي لينا يا ست الكل راح باس رأسها
أدهم.. اه الحمد لله روحي انتي علشان ترتاحي تصبحي على خير
ثريا قامت واتجهت للباب وقالت .. وانت من اهله يا حبيبي وخرجت
الصبح على السفره كان كله قاعد بياكل الا نور كانت بصه على الطبق وملهاش نفس بصلها أدهم وهو قايم علشان يروح شغله وقالها بهدوء .. مبتكليش ليه يا نور كلي
ثريا .. إيه يا أدهم هو دا اكل يا أبني
أدهم.. معلش يا عمتي علشان متأخرش
ثريا .. متنساش انهارده ترجع بدري علشان نروح نقابل صفيه علشان نكتب الكتاب النهارده بليل
أدهم بضيق .. حاضر يا عمتي انا عندي مأموريتين هخلص الأولى وأجي أخدك ونروح على هناك وبعدها أطلع على التانيه
ثريا .. لا متتعبش نفسك يا حبيبي السواق هيوصلني على هناك تعال انت على هناك علطول
أدهم.. تمام يا عمتي
وكان لسه هيتجه للباب راح فجأه حس بدوخه وعدم توازن وعينه ابتدت تتشوش في الرؤيه فرجع لورا من غير ما يحس
نور پخوف قامت بسرعه وقالت بصړاخ .. ااأدهم
والده قام بسرعه وخوف ومسكه وقاله .. انت كويس يا ايني
ثريا وفقت جنبه وقالت .. لو مش كويس بلا شغل انهارده يا أبني مش هينفع تروح كدا
نور پخوف وعنيها اتكونت فيها دموع القلق لأنها اول مره تشوف أدهم بالوضع دا قالت پخنقه .. ايوه يا أدهم عمتي معاها حق ..
أدهم..انتم كبرتم الموضوع كدا ليه انا كويس اهو دي شويه دوخه بس مفيش حاجه يلا بقى علشان متأخرش
راح باس إيد والده وراس عمته ومسح دموع نور بهدوء وقال .. انا كويس مټخافيش
عمته .. ابقى طمني اومأ ادهم براسه
وبعدها اتجه للباب ومشي
وبعد فتره ..اتجهت ثريا لبيت صفيه وطلعت وخبطت على باب الفيلا فتحت ليها صفيه بوجه مرهق وبأبتسامه حاولت تخليها بشوشه
ثريا .. السلام عليكم
صفيه .. وعليكم السلام اتفضلي يا ثريا
دخلت ثريا وقالت .. إيده انتي الي فتحالي بنفسك مخلتيش الخدم يفتح ليه ولا علشان مفيش اصلا لأنك مش هتقدري تدفعلهم دلوقتي
صفيه بضيق وحرج .. اتفضلي اقعدي يا ثريا عايزه تشربي ايه
ثريا .. اللي عندك احنا مبنحبش نتقل على حد بس ياريت ميكنش شاي أو قهوه
صفيه بضيق .. تمام
وبعد فتره صغيره جت بعصير مانجا وحطه قدمها
ثريا .. صافي دي ولا معلبات أصل لو معلبات مش هشربها انا بحب الحاجه فريش
صفيه بأبتسامه صفرا.. لا صافي يا ثريا متقلقيش
ثريا .. طب كويس المهم اكلمك بقى في الموضوع الي جايه علشانه
صفيه .. ياريت أتفضلي
ثريا .. انا طبعا عارفه ان الفله دي محجوز عليها وكل شركات اخويا الله يرحمه بسبب الضرايب وانك واخده مهله أسبوع علشان تمشي منها
صفيه بغير فهم .. ايوه كلامك صح خير
ثريا .. فأنا مقدرش اسيب بنت اخويا ومرات اخويا الله يرحمه يترموا في الشارع علشان كدا انا بطلب إيد
متابعة القراءة
