فتاة ذوبتني عشقا لأمنية محمد الجزء الثاني

الذكرى السادسة على كتب كتابنا ! ثم بالغ قائلا كل السنين واحنا سوا يانور عيني .. انا بحبك اوي ! عانقته بحب وهي مبتسمة وانا كمان بحبك اوي ياسليم .. ! اخذت نفسا عميقا مكملة بحبك جدا .. انت اللي مهما حصل مش هقدر اوفي حق اللي عملته معايا كل السنين الي فاتت .. انت اهم حاجة في حياتي يا سليم .. انت اللي استحملت معايا كل الفترات الصعبة وعديناها سوا ! ابتسم بدفئ قائلا وهنكون سوا دايما ياحبيبتي .. ربنا يجيب الحلو ان شاء الله .. ! هزت رأسها بإيجاب ان شاء الله ! ثم متوجهين نحو طاولة الطعام المجهزة بالشموع و ألذ الاطعمة التي يحبها سليم ....

فلاش باك مرة اخرى 
كان منزل فرح يملؤه الفرح من جميع ارجاؤه .. سليم .. فرح .. والدة فرح .. والدة سليم .. قمر .. كريم .. حور .. جميعهم جالسين ينتظرون قدوم المأذون ليكتبوا الكتاب سريعا كما طلب سليم ووافقت فرح دون معارضة منها .. تعرفت الوالدتين علي بعضهما البعض .. واحبا بعضا .. بينما قمر تجلس جوار سليم ويقهقهون سويا وتشاركهم فرح أيضا ....
وأخيرا بعد طول انتظار أعلن المأذون زواجهم والبسها سليم خاتم الزواج وهي أيضا ..
جلسا سويا في شرفة المنزل وهو يقول بحب الوضع يتحسن شوية وهنعمل فرح كبير يا ست فرح تنحنحت بخجل ثم اخفضت بصرها قائلة إن شاء الله ياسليم .. اممم انا هفضل هنا لحد ما الفرح يتعمل ! عبس بملامحه وهو يضيق عينيه قائلا ليه طيب هزت كتفها بقلة حيلة عشان لو الناس شافوني عندكم وبعدين مافيش فرح وجينا عملنا فرح هيقولوا اي همهم بضيق وهو يقول بس احنا ملناش دعوة بالناس يافرح .. احنا هنعيش في شقتنا حتى انا اشتريت شقة عشان نقعد فيها بعيد عن اهلك واهلي ! ضمت شفتيها ونظرت لداخل المنزل لعائلتها الصغيرة وتنهدت بعمق مم ماشي .. هما هيكونوا كويسين صح هز رأسه بإيجاب قائلا اه يافرح .. هيكونوا كويسين ياقلبي ! اخفضت بصرها بخجل لمنادته لها ب قلبه فأبتسم هو بخفوت لخجلها ذلك .. فهو قلبه منذ اللقاء الاولى يحب رؤيتها .. رؤية خجلها .. ملامحها الرقيقة .. جمالها كان لا يوصف في عينيه .. رقتها ونعومتها وتصرفاتها العفوية .. كل ذلك يخطف قلبه دون استئذان ..
تيم وطيف 
كانوا يتناولون وجبة الإفطار سويا بينما هو هادئ .. لا يتحدث كثيرا منذ لقاء تلك المدعوة ليلى .. بينما هي هادئة حتى لا تثير الجدل .. نظرت له بطرف عينيها فلاحظ ذلك .. ثم قال بهدوء مالك فردت سريعا ها .. ماليش عادي يعني ..! هز رأسه بهدوءقائلة انت كويس ياتيم قوص حاجبيه ونظر لها بتساؤل اي السؤال دا .. اه كويس شيفاني اي قدامك يعني ! نظرت له قليلا دون التحدث ثم ابعدت يديها من فوق يديه قائلة براحتك ياتيم .. وقت ما تحب تحكي ابقى احكيلي ..! ثم وقفت مكانها وهي تأخذ طبق طعامها وتوجهت للمطبخ فزفر هو بضيق وتوجه خلفها طيف .. انا مشوش شوية اليومين دول بسبب الشغل متزعليش من طريقة كلامي ! لم تنظر له بل اكملت غسل طبقها قائلة ببرود بسبب الشغل ولا ليلى ..! قوص حاجبيه قائلا بحدة ليلى مين دي .. ليلى دي متهمنيش اصلا ! همهمت بطريقة وكأنها تصدقه بكذب ولكنها قالت وهي تهز كتفها انت حر ياتيم .. مش هغصبك على حاجة ياحبيبي ! ثم نظرت له نظرة خاطفة سريعة وابتعدت لتخرج من المطبخ ولكنه أمسك يديها بقوة قائلا طيف .. متعمليش كدا ! جذبت يديها من يديه قائلة پقهر متعملش انت كدا ياتيم .. مترجعناش من البداية تاني .. متخلنيش احس اني وحيدة تاني وترجع كل الذكريات الۏحشة تاني في بالي .. ارجوك ! وقف امامها ووضع يديه علي خدها قائلا بخفوت طيف .. انا مش قصدي كدا بس انا متوتر اليومين دول وتعبان شوية .. استحمليني عشان خاطري ! تنهدت بعمق وهي تقول انا معاك .. احكيلي عشان تفك عن نفسك .. احكيلي عشان ترتاح قربنا من بعض متبعدناش ! هز رأسه بإيجاب قائلا حاضر .. هحكيلك بس لما احس ان الوقت مناسب عشان اقدر احكيلك ! قائلة ماشي ياحبيبي هستناك ! فأبتسم هو بحنو ثم ودعها وذهب
للعمل بينما هي جلست تفكر .. تفكير عميق ينهش من قلبها واعماقها خوفا من الابتعاد مرة اخرى ...
.......................
نور وتامر 
انتهيا من عمل الشركة وخرجا سويا بسيارته متوجهين نحو مطعم لتناول وجبة الغداء .. قال تامر وهو مشغول بقيادته هتفضلي تشتغلي بعد الجواز يانور هزت رأسها بإيجاب قائلة بخفوت اه ياحبيبي وابطل شغل ليه ابرز شفتيه وحرك رأسه يمينا ويسارا قائلا لا ابدا بسألك بس .. اصله ملوش لزوم يعني كل الي هتحتاجيه هتلاقيه عندك ! اعتدلت في جلستها ليصبح وجهها له .. وظهرها للباب خلفها قائلة انا مش بشتغل عشان كدا .. انا بشتغل عشان انا بحب شغلي وعشان انا عايزة اثبت نفسي مبقاش درست وتعبت وفي الاخر اقعد في البيت ! قوص حاجبيه قائلا بحدة طب مالك انتفختي علينا كدا ليه .. انا بقولك اللي عندي عشان لو عايزة تسيبي الشغل ! اعتدلت في جلستها الصحيحة وهي تبعد بصرها لنافذة السيارة قائلة بهدوء لا مش عايزة اسيبه .. عايزة افضل اشتغل ! هز رأسه بهدوء ثم اكمل هنحدد امتى معاد الفرح ! برزت شفتيها بحيرة وهي تقول معرفش .. انت مقولتش والدتك هتيجي اخر الاسبوع .. لما تبقى تيجي نحدد كل حاجة ! همهم بخفوت ثم اوقف سيارته امام مطعم قائلا ماشي يانوارتي .. يلا ! تنهدت بعمق وترجلت من السيارة معه لداخل المطعم ... جلسا سويا علي المائدة وطلب هو الطعام لهم ..
نظر لها بعمق ثما قائلا بدفئ انا آسف على طريقتي في العربية معاكي .. بس انتي كلامك استفزني ! نظرت له بهدوء محصلش حاجة خلاص ! قوص حاجبيه بحدة قائلا والله .. انا بعتذر وانتي بتقولي محصلش حاجة خلاص ! نظرت له قليلا ثم اخرجت تنهيدة عميقة من داخلها قائلة خلاص يا تامر .. بجد محصلش حاجة وانا كمان كلامي كان مستفز انا آسفة ! ابعد يديه عن يديها واكتفى بالايماء برأسه دون اضافة حرف آخر .. ظلت هي الاخرى صامتة ثم قائلة خلاص متزعلش .. انا ببحبك ! نظر لعينيها بخفوت وقال بدفئ وانا كمان بحبك .. ! ابتسمت بخجل ممزوج بالحب فأكمل لما نخلص اكل هنروح البيت الي بيتشطب بتاعنا عشان تشوفيه وتختاري الألوان وكل حاجة تمام ! للحظات ترددت ولكنها اؤمت له بإيجاب مؤيدة كلامه قائلة ماشي تمام ! .. اتى الطعام واكلا سويا ثم ذهبا الى ذلك المنزل
..............................
ليث وحنين 
كانا يجلسان في شرفة المنزل وهي نظرها في الفراغ