ابن ليل الجزء الثالث لأميرة أسامة
المحتويات
ديما موجوده في حياتي اللي بتعمليه ده هيخليكي تحولي الحب اللي جواكي لكره ليا وانا مش عايز كده انا كنت صريح معاكي من البدايه وهنفضل صريح معاكي للنهايه انا قلبي مش ملكي يابت الناس ومش هنقدر نجرحك او
نجرح غيرك
بصتله سونه بۏجع وهزت راسها بهدوء
سونه.....فهمت يا كرم يمكن كان عندي امل بس كان لازم نعرف من اول ما دره وصلت علي مصر ان الامل اتقطع
سونه....اسمعني يا كرم انا لا بنكرهوا دره ولا بنحقدوا عليها انا حبيتك و أتمنيت الاقي في قلبك مكان ليا بس زي ما انت قولت قلبك مش ملكك وانا مش هنلومك عشان انا حاسه بيك و وجعك هو نفس ۏجعي انا كمان قلبي مش ملكي وڠصب عنه اختارك انت دونا عن كل رجالة العالم بس خلاص مفيش فايده يا كرم انا حقيقي تعبت وقلبي تعب
سونه.....وانا مش زعلانه يا كرم انا زعلانه من نفسي وزعلانه علي نفسي بس عادي اتعودت علي كده
كرم....بتنهيده يلا عشان اروحك
سونه....بهدوء مسحت دموعها روح انت يا كرم انا هنقف شويه
كرم...الوقت اتأخر يا سونه يلا عشان متتأخريش علي بنتك
هز كرم راسه بهدوء ...تمام يا سونه خلي بالك من نفسك سلام
سونه....سلام
طلعت دره علي البيت كانت بتحاول تكون هاديه وتنسي
اللي حصل
فتحت الباب ودخلت الاكياس اللي معاها في المطبخ راحت بصت علي البنات كانوا يادوب لسه رايحين في النوم.
قربت دره من دارين بهدوء.
دره....دارين دارين حبيبتي
دره....ايوه لسه جايه امسكي الفلوس بتاعتك انتي واخواتك اهي
دارين....ميرسي يا مامي بس ليه سحبتيهم كلهم دول كتير
دره ....خليهم معاكم وجيبوا الهديه والحاجه اللي نقصاكم لو اتبقي فلوس رجعوها ولا احتاجتوا فلوس تاني عرفوني
دارين...لا دول كتير اوي اكيد هيكفي وهيتبقي كمان
دره....ماشي ياروحي كلتوا قبل ما تناموا
دره...لا يا روحي نامي يلا هتصحوا بدري انا هاخد شاور وهدخل انام عشان مرهقه جدا
دارين...طيب مش هتاكلي
دره....لا يا روحي مش جعانه جبتلك انتي واخواتك شوكلت وحجات كتير ابقوا شوفوها الصبح
دارين....بأبتسامه باست ايدها بحب ربنا يخليكي لينا
دره...باستها من راسها ويخليكم ليا يلا بونوي
خرجت دره وقفلت وراها الباب قلعت الچاكت ورمت نفسها علي الكرسي ورجعت راسها لوراء وهي بتتنهد
فجأه لقت موبايلها بيرن واسم كرم ظاهر بصت علي الموبايل قفلت الصوت وقامت علي اوضتها خدت غيار عشان تدخل تاخد شاور دافي يمكن يهديها.
فضل كرم يتصل عليها كتير وكان هيتجنن عرف انها فعلا اضايقت وزعلت منه بعتلها رساله.
خرجت دره من الحمام بعد نص ساعه راحت بصت علي الموبايل لاقته متصل بيها اكتر من عشرين مره وباعتلها رسايل علي الواتس فتحتهم
كرم....دره ردي عليا ولو بجد بتحبيني
كرم....دره اتصلت عليكي اكتر من مره ومش بتردي عارف انك مضايقه بس عشان خاطري ردي
كرم.....دره عايز نفهمك اللي حصل بلاش تزعلي مني وتاخدي موقف قبل ما تفهمي.
واخر رساله بعتها من ثواني كان باين عليه الڠضب في كلامه
كرم....ودين محمد يا دره لو ما رديتي عليا لا هتلاقيني حالا في وشك ومش هيهمني اي حد يشوفني ولا هيهمني منظرك ولا منظري قدامك دقيقه لو مردتيش هتلاقيني بنخبط ومش هننزل غير لما تفتحي
غمضت دره عينها و خدت نفس طويل وخرجته بهدوء عشان تهدأ قبل ما تتصل وبمجرد ما الموبايل رن جالها صوت كرم بسرعه.
كرم....مبترديش ليه لازم يعني نبعتلك رساله ونهددك عشان تردي
دره....بهدوء ومش هنرد ليه يا كرم
كرم....شايفه اتصلت بيكي كام مره وبعتلك كام رساله
دره.....سوري بس كنت بناخد شاور والموبايل كان بره ولما خرجت رديت عادي يعني
كرم....دره بلاش البرود ده
دره...و هنتبارد عليك ليه هو ده اللي حصل يا كرم
كرم.....وانا مش حافظك يا دره وعارف انك مضايقه مني
دره ...وهنضايق منك ليه يا كرم هو حصل حاجه
كرم....اهو سؤالك ده يعرفني اكتر انك مضايقه عشان ايوه يا دره حصل حاجه بس انتي مدتنيش فرصه نفهمك
دره....تفهمني ايه يا كرم انك يعني كنت مع سونه في الوقت ده وكنت واقف قريب منها وماسك ايدها عادي يا كرم ايه المشكله
كرم...نعممم انتي بجد شايفه انه عادي يعني انتي مش مضايقه يا دره ولا حتي غيرانه
دره....و أفرض في النهايه ده مش من حقي
كرم....يعني ايه مش من حقك
دره....يعني مش من حقي يا كرم لا اضايق ولا اتعصب و أغضب ولا حتي من حقي احس بالغيره ولو عملت
كده انت هترضي او هتسمح بده ولا انت كمان هتشوف انه مش من حقي وهيبقي معاك حق انا اللي زمان بعدت ومشيت ومنعت ان يكون ليا اي حق فيك ومكنتش قريبه منك طول السنين دي ومش معقول بعد التغيير اللي حصل بينا في يومين اجي احاسبك وازعل واستناك تيجي تصالحني
مش من حقي اجي احاسبك علي حب سونه ليك ولا اقدر أروح احاسبها .
كرم...اللي اعرفه يا دره انك لو بتحبيني بجد زي ما قولتي هتدي لنفسك كل الحق في اي حاجه تخصني هتضايقي من الموقف اللي شوفتيه هتزعلي هتغيري هتعترضي علي الاقل
دره ....وانا مش هعمل كده يا كرم عشان انا لا مضايقه ولا غيرانه ولا زعلانه حتي عادي موقف وعدي واكيد مش بشك فيك كمان فا اعمل اللي انت عايزه اطمن مش هزعل لاني مليش حق الزعل.
مسحت دره دموعها بهدوء وحاولت تفضل متماسكه وهاديه
كرم....جو البرود اللي انتي بتتعاملي بيه ده مياكلش معايا تمام يعني لو انتي مصدقه نفسك انا مش هنصدقك لو انتي بتحاولي تقنعيني انك مش مضايقه ولا غيرانه ولا زعلتي هنقولك انك كدابه يا دره ونظرة عينك فضحتك اول ما شوفتينا.
دره.....انت عايزني نقولك كلام انت عايز تسمعه عشان تتأكد أني كويسه صح
طيب يا كرم انا فعلا بنكدبوا عليك انا أضايقت لما شوفناك مع سونه في الوقت ده اضايقت وانا شيفاك واقف قريب منها وايدك حاضنه ايدها أضايقت لما كنت عايزه نعرف ايه السبب اللي خلاك تقابلها وكنت ھنموت من الغيره كمان وفضولي كان هيموتني عشان نعرف واقفين بتقولوا ايه وايه اللي بتحكوا فيه أضايقت وانا ماشيه وسيباكم تكملوا وقفتكم مع بعض أضايقت وانا حاسه اني مليش أي حق اجي اقف وسطكم و نبص في عين سونه ونقولها كرم ليا انا ومش من حقك تقفي
معاه و اخدك من ايدك
و نمشي .
أبتسمت دره بهدوء ايه مبسوط كده لو الكلام ده هو اللي انت عايز تسمعه و هيبسطك ويحسسك اني مش بارده خلاص صدقه بس انا قولتلك الحقيقه وانت اللي مصمم تخليني نزعل ونضايق بالعافيه.
كرم.....وانا قولتلك انك كدابه يا دره و أه هنصدقوا الكلام اللي قولتيه كله عشان عارف انه طالع من قلبك وعارف كمان ان كل حرف نطقتيه هو اللي انتي حاسه بيه الوقت
نزلت دموع دره ومعرفتش ترد عليه عشان هي كدابه وفعلا غارت عليه.
كرم....بهدوء ونبره كلها حب أفتحي يادره.
دره....پصدمه من وسط دموعها نفتح ايه
كرم....افتحي الباب انا بره
دره....بتعمل ايه يا مچنون امشي امشي ياكرم
كرم....مش هنمشي غير لما اشوفك افتحي يادره بدل ما نرنوا الجرس
بصت دره حواليها و جريت علي أوض بناتها تسمعهم لا يكونوا صاحين مكانش في صوت
كرم....ايه هتفتحي ولا نرنوا
دره فتحت بسرعه وهي بتبص وراها علي بناتها وخرجت بره بصت علي السلم بسرعه و هو واقف مبتسم علي لغبطتها رجعت بصتله وبصوت واطي
دره....انت اكيد مچنون بتعمل ايه ياكرم هنا امشي عشان خاطري
كرم ...اهدي متقلقيش هنمشي بس كان لازم نيجي نصالحك و نمسح الدموع اللي بتحاولي تخبيها عليا دي
مسحت دره علي عينها بسرعه وبصتله
دره....انا مش بنعيط و قولتلك اني كويسه
كرم ...طب لو كويسه بصي في عيني يادره وقولي انك مكنتيش غيرانه
بصتله درن بنظره حزن.
دره.....ايوه بنكدبوا يا كرم وغيرت عليك أرتاحت امشي بقي
كرم ....اه ارتاحت عشان لو مش ده اللي حصل يبقي مش هنصدق انك حبتيني بجد يادره انا بس عايز نعرفك حاجه مهمه .
سونه عرفت من بنتها اللي حصل امبارح وعرفت اني. سيبت كل حاجه وجريت وراكي نلحقك وانتي. اكيد عارفه ان سونه يعني جواها مشاعر قديمه من ناحيتي انا مش حابب اتكلم فيها لانها في النهايه ست وكمان مش ذنبها يا دره انها حبتني وطبيعي غارت عليا وكلمتني. عشان نروح نشوفها سونه عندها أمل اني نديها فرصه يمكن اقدر احبها اليوم اللي شوفناها فيه لما خرجنا من اللانش وقالتلك الكلام اللي سمعتهولك لما مشيتي انا مقدرتش نسكتلها وجيت عليها اوي بس هي متحملتش واڼهارت وبقت واقفه زي العيله الصغيره تترجاني اني نديها فرصه مش هنكدب عليكي الحاله اللي كانت عليها مكانتش تسمح ابدا اني نوجعها بكلتمي اكتر من كده
ونقولها اني مش بنحبها لان هي كده كده عارفه ومتأكده ان قلبي معاكي بس ۏجعها انا حسيت بيه لان عيشته فتره طويله بس سونه فسرت سكوتي ده علي انه وعد مني ليها اني نديها فرصه ولما طلبتني انهارده كان لازم نروحلها و نعرفها كل حاجه ونقولها تبطل تعيش علي امل وحلم صعب تحقيقه حتي لو هتتوجع شويه بس لازم تفوق بقي خصوصا بعد اللي حصل بيني وبينك مكانش ينفع افضل معشمها بأمل مش موجود من الاساس ممسكتش ايدها يا دره هي اللي مسكتها مش عارف مسكتها رجاء ولا شافتك وحبت تأكدلك اني معاها وشغل نسوان بس في النهايه هي مش حد وحش هي غلبانه وذنبها انها وقعت في حب راجل مش شايف ست في عينه غيرك يا دره.
انا قولتلك اللي حصل كله عشان تبقي فاهمه مكنتش هنقدر ننام وانا عارف انك مضايقه دره انا اتوجعت عشرين سنه بسببك وسواء كنتي قاصده توجعيني او لا فا ده مش هيغير الۏجع اللي كنت بنحس بيه مش هيغير احساسي بالغيره اللي كنت بحسه وانا عارف انك عايشه مع يوسف وفي حضنه مش هنغير احساس الغيره لما كنت نتخيل مسكة ايده ليكي وكلامه معاكي وهو باصص في عينك
ومهما كان ۏجعي يا دره من الاحساس ده عشان بنحبك مكانش ينفع نحسسهولك عشان كده جيتلك لحد بابك عشان مش هقدر اسيبك تنامي وانتي حاسه بيه
واه يا دره كنت عايز نسمع منك انك بتغيري مش معقول سونه تغير عليا وانتي لأ واوعي يا دره اسمع منك مره تانيه كلمه مليش حق في أي حاجه. قولتهالك و هنقولها تاني مشاعر الڠضب والغيره والحب ملهاش وقت محدد عشان نحس بيها يا دره متقارنيش عمر حبي ليكي اللي بقاله سنين بحبك اللي بداتي تحسيه من فتره
متابعة القراءة
