ابن ليل الجزء الثالث لأميرة أسامة
المحتويات
بسيطه لان لو انتي حبتيني بجد من قلبك المشاعر دي جوانا هتبقي واحده زي ما هغير عليكي هتغيري عليا زي ما هتضايقي لو شوفتيني في موقف زي ده انا كمان هضايق لو شوفتك في نفس الموقف يعني المشاعر اللي بينا اي حد بيحب بجد هيحس بيها مجرد ما قلبه يدق مش بعدد السنين يا دره.
ولو يا ستي هتفضلي تحسبيها بالطريقه دي فا انا موافق انك تنسي السنين اللي فاتت ونعتبر نفسنا حبينا بعض من يومين اعتبريني وقعت في حبك يا دره وقت ما سمعتك بتقولي انك بتحبيني
سونه هي ملهاش ذنب بالعكس صعبانه عليا وحاسه بيها واكيد حقها تحاول تدافع عن حبها ليك وحقها تغير هي حبتك اكتر ما انا حبيتك ومع ذلك انا غيرت عليك اوي فا اكيد من حقها هي كمان تغير عليك يا كرم.
كرم...بحب يعني مش زعلانه خلاص
دره....لا مش زعلانه يا كرم بس امشي بقي والنبي بدل ما حد يشوفك
دره...بحب تمام يا حبيبي
ابتسم كرم ونزل بسرعه من قدامها فضلت دره باصه عليه من السلم لحد ما نزل تحت من غير ما حد يشوفه وبعدين دخلت بسرعه جريت علي البلكونه بصت عليه لمحته بص شمال ويمين وبعدين راح علي طول علي بيته
ابتسمت دره وحطت ايدها علي قلبها وبعدين دخلت جوه سمعت موبايلها بيرن جريت عليه وردت وهي بتبتسم
كرم...وهو باين علي نفسه انه بيطلع السلم هنصدق بس انا مچنون بحبك يا دره
دره.....انت ازاي معرفتش تخليني احبك زمان يا كرم
كرم....بأبتسامه غبي تقولي ايه بقي
دره....بضحك وهي دموعها نازله ايوه انت صح غبي
كرم.....اغلطي اغلطي شكلك عيزاني نرجعولك يابت الجمال
كرم.....خلاص يا ست البنات انا طلعت
دره...طيب خد نفسك براحه
كرم....ما نفسي اتقطع في حبك من زمان يا شبر ونص
دره....بضحك بحبك يا ابن الرفاعي
كرم.....بشقاوه قفل الباب مش سامع
دره.....لا سامع ومش هقول تاني يارخم
كرم.....بأبتسامه جميله وانا بعشقك يا بت الجمال يا واجعه قلبي خلتيني نعيش فتره مراهقه متأخره عمري
دره....بضحك حد ضړبك علي ايدك وبعدين ما انت كمان بتخليني اعيش نفس الفتره معاك
كرم....محدش ضړبني علي ايدي بس مقدرش اشوف بنت قلبي زعلانه ومصالحهاش
دره.....خلاص مش زعلانه يا مچنون
كرم.....هتنامي
دره....اه وانت
كرم.....هنام
دره...بابتسامه وشها احمر خليك مؤدب
كرم....انتي تطولي يا شبر ونص تاخدي كرم الرفاعي
كرم....بحب ضحك احلي شبر ونص في الدنيا
دره....طيب يلا يا حبيبي روح نام
كرم.....ماشي يا عمري
دره....تصبح علي خير
كرم....وانتي من أهلي
قفلت دره وحطت الموبايل علي قلبها وغمضت عينها
دره....لنفسها غبيه يا دره غبيه ده كرم الرفاعي يا غبيه
في صباح يوم جديد نزلت دره وقالت انها مستعجله ومش هتقدر تفطر عشان عندها شغل وهتفطر بعدين.
ركبت عربيتها ومشيت كرم كان طلع قبلها واستناها في المكان اللي قالها عليه.
ركنت دره العربيه وابتسمت اول ما شافته واقف ساند علي عربيته السېجاره في ايده لابس نضاره الشمس ولابس تيشرت اسود مبين شكل جسمه وبنطلون چينس شكله كان جذاب و يخطف
اما دره فا كانت لابسه هي كمان بنطلون چينس و تيشرت أبيض ضيق علي جسمها و ماسكه الچاكت علي ايدها
قرب منها كرم فتحلها الباب وعلي وشه ابتسم جذابه واول ما نزلت و لمح التيشرت مفتوح علي شكل سبعه من علي صدرها وقف قدام الباب وحاصرها بينه وبين الباب وبسرعه الابتسامه راحت وحل مكانها ملامح الڠضب وبرز العرق اللي جنب رقبته
كرم .....مكااااااااانك
دره....في ايه
كرم....ألبسي الچاكت
دره....الجو مش برد
كرم.....بأبتسامه ڠضب البسي الچاكت يا دره
دره....طب ليه بس
بصتله دره پصدمه ومعرفتش تتكلم ووشها احمر
كرم....يلا هتفضلي بصالي اخلصي
دره....بإرتباك ااا علي فكره بقي مفيش حاجه باينه بس تمام هلبس حاضر
كلمتين قالتهم عشان تغطي علي كلمته اللي احرجتها لكن متوقعتش الاسوء
كرم....پغضب
دره....بصتله ومعرفتش تنطق لا هي عارفه تضحك علي شكله وهو ڠضبان وغيران عليها ولا عارفه تبص في عينه من الاحراج وعايزه الارض تتشق وتبلعها.
كرم....اخلصي بنقولك
دره....طيب انت واقف قدامي مش هنعرفوا نلبس أبعد شويه.
كرم....بصلها پغضب و حط السېجاره في بوئه ومسك منها الچاكت وهو واقف قدامها دخلت دره ايدها وبعدين دخلت التانيه وهي مبتسمه
كرم.....بص علي ضحكها وفضل علي نفس تكشيرته شال السېجاره من بوئه وبصلها وهو رافع حاجبه اقفلي الزراير
دره.....مش هعرف
كرم....نعمممم
دره....بضحك والله الچاكت الچينس ده عمري ما قفلت زرايره عشان الزراير بتاعته حديد ومش بعرف ادخلهم .
كرم....مش بتعرفي تدخليهم ادخلهم انا مسك الچاكت وبدأ يقفلها الزارير
فضلت دره تضحك عليه .
كرم....بتضحكي عليه بلاش تستفزيني انا ماسك روحي بالعافيه.
دره....بحب مسكته من خده بضحك علي المراهق الجميل بتاعي
كرم....ابتسم وهو رافع حاجبه لا اللي واقف قدامك ده مش المراهق ده واحد عادي متعصب و ماسك روحه عنك بالعافيه لكن المراهق بتاعي لو شيطانه طلع خافي منه عشان شيطانه ابن حرام يا دره
دره.....بضحك طب خلاص بلاش المراهق شيطانه يحضر كده ارتاحت لما خلتني ابقي حرانه
كرم....اه ودين محمد يا دره لو الچاكت اتقلع لا هنكد عليكي
دره....ما انا قدامك اهو مش هقلعه
كرم...بتكلم لما تروحي المستشفي تمام هتلاقي قدامك اي وقت
دره....بضحك احيه معندكش ثقه فيا
كرم....لا ولا في روحي ميتقلعش يادره والتيشرت ده ميتلبسش تاني
دره....طيب خلاص براحه يا باي عليك قلاب
كرم.....مدلها ايده يلا
مسكت دره كف ايده بحب ودخلت معاه علي المطعم.
كان مطعم في الدور الاول مفتوح والبحر ظاهر قدامهم.
قعد كرم وطلب الفطار قلع النضاره وكان باصص للبحر وبيهز رجله
دره....بابتسامه هتفضل مكشر كده
دره.....بكلممممك
كرم....علي
صوتك يلا
دره....بضحك طيب بحبك
كرم....بأبتسامه بتضحكي عليا بكلمه هاا
دره...خلاص بقي متبقاش عامل زي العيال الصغيره مش صممت تلبسني ولبست وعلي فكره انا لبست التيشرت ده مره او اتنين وانت متكلمتش وقتها مكنتش بتكلمني لسه الوقت عشان كلمتني خلاص بتتعصب
كرم....ودين محمد يا دره لو كنت خدت بالي منه سواء بكلمك او لأ مكنتش هنحلك
دره....بضحك يعني لو كنت شوفتني بيه وانت مش بتكلمني كنت هتقولي البسي
كرم.....ايه عندك شك
دره.....وافرض قولتلك انت مالك
كرم....كنت هنكسروا رقبة امك يادره
ضحكت دره وهي عينها بتطلع قلوب وحطت أيدها علي وشها وبعدين بصتله
طيب خلاص حقك عليا فك بقي
كرم
....ماشي يا دره اضحكي اوي
دره....خلاص بقي بقولك ايه انت هتفضل قاعد قدامي تعالي اقعد جنبي
كرم....لا مش جاي
دره....وحياتي
بصلها كرم پغضب وقام وقف راح شد الكرسي وقعد جنبها
مسكت دره ايده بهدوء وبصتله
ضغط كرم علي كف ايدها بحب لكن فضل علي نفس ملامح الڠضب
دره.....لو هتفضل مكشر كده مش هفطر
وهمشي
بصلها كرم في عينها وفضل ساكت شويه.
كرم.....ميتلبسش تاني
دره....بأبتسامه حاضر.
ابتسم كرم بهدوء وباس كف ايدها
دقايق و الفطار جه وبدأوا يفطروا مع بعض واخيرا كرم فك
وللحديث بقيه.....
أبن ليل
صاحبة البطل الواحد
أميره اسامه
البارت التاسع والعشرين
نجوي مها بت يا مها انتي نمتي علي روحك تاني
مها فتحت عينها بتعب ايوه ياما صاحيه اهو
نجوي قومي يا بت اشربي كوبايه اللمون دي
مها مش عايزه ياما نشرب زوري واجعني
نجوي يابت ما زورك واجعك عشان نازلة البرد قومي اشربي
مها بتعب طيب سيبها شويه
حطت ايدها علي راسها يالهوي انتي حرارتك عاليه اوي
مسكت نجوي الموبايل واتصلت علي بكر
بكر ايوه ياست الكل
نجوي بكر لو فاضي اطلعلي شويه
بكر في ايه ياما مها فيها حاجه
نجوي اه يا اخويا تعبانه شويه البت مولعه
بكر طب اقفلي جاي بسرعه
قفل بكر كان رفاعي قاعد بره مع زكريا
طلع بكر بسرعه الباب كان مفتوح خبط خبطتين
نجوي ادخل يا بكر الباب مفتوح
دخل بكر راح هلي مها قعد قدامها وحط ايده علي راسها
بكر مها ايه يا ماما فيكي ايه بس كنتي كويسه الصبح
فتحت مها عينها وغمضت تاني
نجوي هنعملوا ايه يا بكر العلاج شكله مجابش معاها نتيجه
بكر هي ملاحقتش تاخد منه اكيد لسه معملش مفعول
نجوي طيب انا مش عارفه نعملها ايه نجيبولها دكتور ولا نودوها المستشفي ولا نعملوا ايه
بكر لحظه طيب اكلم كرم كده تاني
نجوي كرم اكيد مشغول مش هيعرف يرد وبعدين هيعملها ايه
بكر خلينا نجربوا ولو مردش انا هنتصرف
في الوقت ده كان كرم ودره بيفطروا مع بعض
كرم ده ايه اكل الاطفال ده بقي
دره ده أكل اطفال حرام عليك انا مش قادره اتنفس ده اول يوم افطر بالشكل ده من وقت ما جيت
كرم الاكل بحاله يلا كلي
دره مش قادره والله يا كرم انت كل قاعد تأكل فيا ومكلتش حاجه
رن موبايل كرم في الوقت ده
كرم ده بكر
دره طيب رد عليه
كرم هز كرم راسه ورد الوووو
بكر ايه كرم مشغول ولا فاضي
كرم لا فاضي في ايه قول
بكر مها تعبانه اوي وسخنه مش عارف نعملوا ايه
كرم مش خدت من العلاج اللي قولتلك عليه
بكر خدت بس لسه زي ما هي من شويه كانت فايقه بس تعبت تاني
كرم خدته كام مره لحد الوقت
بكر خدته بليل بعد العشاء وخدت الصبح لما فطرت
كرم طيب ملحقش يعمل معاها حاجه لسه يابكر
بكر انا قولت كده لنوجا بس هي قلقانه
كرم لا متقلقش المهم خليها تعملها كمادات والافضل تاخد دش
بكر طيب تمام
كرم شويه و هبقي عندكم
بكر ماشي يا كرم يلا سلام
كرم سلام يا بكر
بصتله دره اول ما خلص
دره في ايه يا كرم مين اللي تعبان
كرم دي مها حرارتها عاليه و واخده دور برد بس شديد شويه
دره وعلاج ايه اللي قولت لبكر عليه يا كرم هو ينفع تاخد اي علاج كده وخلاص
كرم لا بس ده علاج كويس انا خدت منه قبل كده وبقيت كويس
دره سكتت شويه وبعدين بصتله ايوه يا حبيبي بس كل واحد فينا غير التاني يعني لازم دكتور هو اللي يكتب العلاج ده
كرم ايوه هي بس تجربه واكيد هيجيب نتيجه
دره مينفعش الكلام ده انا هعدي عليها واشوفها
كرم متشغليش بالك هو دور برد مش اكتر
دره ايه شخصت انت الحاله يعني
كرم بصلها وابتسم ايه مينفعش أشخص حالتها ولا لازم اكون دكتور
دره حبيبي انا مقصدش والله بس مش كل حالات البرد زي بعض
كرم بابتسامه عارف يا قلبي انك متقصديش وعموما ياستي ابقي عدي عليها وشوفيها لما تخلصي
دره إن شاء الله لو خلصت العمليه هطلع بسرعه اشوفها وبعدين هرجع تاني
كرم خليها بليل لما ترجعي علي طول عشان شغلك يا دره و متقلقيش لو تعبت اكتر من كده اكيد احنا معاها متقلقيش
دره طيب لحظه مسكت تليفونها واتصلت علي دعاء
كرم بتكلمي مين
دره ششش لحظه
دعاء ايوه يا دره
دره ايه يا
متابعة القراءة
