ابن ليل الجزء الثالث لأميرة أسامة
المحتويات
طقم النيش بس بلاش ڼصب الله يباركلكم
دعاء يخربيت ام الطبق اللي ڤضحاني عليه
نبيله هاتيهولها يا واطيه انتي كمان بدل ما تجرسنا في الشارع
مها افوق بس ولو الطبق مجاش هنسمعكم اجدعها ربع في الشارع
نجوي انتي يابت اتعلمتي العفانه دي من امته
نبيله طول عمرها
مها يلا طلعوني مسرح وخدوا راحتكم علي الاخر
نبيله لا شكل السخونيه ردتلها تاني و بتخرف
الباب خبط قامت نجوي عشان تفتح
دعاء خليكي يا نوجا انا هنفتح
دعاء ازيك يا كرم
كرم ازيك يا دعاء عامله ايه
دعاء زي الفل انت عامل ايه
كرم الحمد لله لازم يعني المجنونه دي تتعب عشان نشوفك
دعاء لا والله ابدا وبعدين ما انا في وشكم علي طول
كرم الله وبلبله كمان كده كتير طلع ليكي معجبين يامها
قرب الاول من نجوي هي اللي كانت قريبه منه باس راسها وايدها
نبيله واحشني ياولا
كرم انتي اكتر يا بلبلتي ايه نتعبولك البت دي كل يوم عشان تيجي
نبيله ياولا بعد الشړ عنها
مها كمان عايز تتعبني طب اسأل الاول عليا يا اخويا
كرم حرارتك كويسه
نجوي دي عشان خدت العلاج
كرم خدت دش
نجوي اه بكر طلع بعد ما قفل معاك والله وفضل معاها لحد ما حراراتها نزلت من المايه ودعاء والنبي مسابتهاش
كرم تاكل بقي كويس عشان العلاج يعمل مفعول سريع
كرم بص لنبيله ورفع حاجبه انا كمان تعبان علي فكره
ضحكوا كلهم علي كرم
نبيله يالهوي ده المحشي كله يجي عندك يا كيرو
كرم حبيبتي يا بلبله بص لمها صحيح محشي ايه يابت اللي هتاكليه وانتي تعبانه كده انتي عايزه حاجه خفيفه
مها والنبي اطلع منها انت بأكل العيانين بتاعك
مها اه خليك في حالك بقي عينكم كلكم رشقت في المحشي
نبيله مالكيش دعوه بالولا يا ناقصه بدل ما نبعتله هو بس
كرم جبتيه لروحك قلبت عليكي
مها هو جديد عليها ما هي قلابه
نجوي يابت لمي لسانك واتلمي
دعاء بنقولك ياما انا هننزل وانتوا مع مها كده عشان نبصوا علي الاكل بدل ما يتحرق ومها تسمعنا ربع
نبيله طيب روحي بس انا موطيه عليه مټخافيش
دعاء عايزه حاجه يابت هنجيلك تاني
مها سلامتك يا دعاء تعبتك معايا
دعاء مش هنردوا عليكي يلا سلام يا نوجا سلام يا كرم
نجوي سلام يا دعاء
قام كرم عشان يوصلها
دعاء خليك يا كرم انا مش غريبه
كرم ماشي يا دعاء سلام
نجوي هنشوف الاكل ونرجعلك يا بلبله
نبيله خدي راحتك يا اختي
قعد كرم جنب نبيله تاني وفرد رجله
كرم اااااه
نبيله بصتله بأبتسامه حب وطبطبت علي رجله مالك ياولا
كرم زي الفل يا بلبله
مها بسخريه أيوه يلا شغلوا جو السهوكه
بصلها كرم وضحك
نبيله يابت خليكي في تعبك مالك ومالنا متغاظه ليه
كرم غيرانه
مها وانا هغير ليه يا اخويا ربنا يهني سعيد بسعيده
نبيله اهو انا اعرف ان اللي لسانه طويل ده لما يتعب ربنا بيهده إلا اختك تتعب ولسانها يفضل شغال
كرم سيبك منها دي عقلها في ذمه الله
مها ماهو طبعا قلبت عليا مش حبيب القلب جنبك نام ياولا علي كتفها نام
نبيله ومينامش ليه تعالي ياولا عشان نغيظوها
لفت نبيله ايدها عليه بحب
كرم نام علي كتفها بحب وطلع لسانه لمها
مها طلع لسانك اوي مين قدك
نبيله ما ياما يا واطيه الكتف ده شالك تنكري
مها بأبتسامه لا مننكرش بس طول عمر كرم عندك اللي يكسب
حطت نبيله ايدها علي راسه
نبيله ده ابن قلبي يا بت صحيح مش انا اللي مخلفاه بس حبه في قلبي كبير
مها ااااه ياني هقوم ادخل الحمام عشان مسلسل العشق الممنوع ده بيعملي كرشة نفس
كرم بضحك عايزه مننا ايه البت دي
نبيله متغاظه مننا ياولا
مها استنوا عليا هنرجع ننكدوا عليكم
ضحكت نبيله وكرم عليها
وبعدين نبيله اكتر بحب
نبيله مالك ياولا انت كويس
كرم في ايه ما انا زي الفل اهو
نبيله من ناحية زي الفل يمكن بس حساك فيك حاجه زي اللي يكون متلغبط ومش عارف هو عايز ايه
كرم ايه بقيتي عرافه يا بلبله
نبيله بتتريق يا ابن نجوي قول بقي اني غلطانه
كرم عمرك ما كنتي غلطانه يا بلبله وديما بتحسي بيا
نبيله ايه اللي ملغبطك يا ابن الرفاعي
كرم بضحكه كلها شرود ما انتي عارفه اللي فيها
نبيله والله اللي نعرفه ان الحاجه اللي تلغبطني تبقي اكيد شغلاني وعشان منفضلش مشغولين بيها ناخد فيها قرار يخلي بالي يرتاح
كرم لا وبقيتي بتقولي حكم
ضړبته نبيله علي راسه اتلم ياولا
كرم ااااه ايدك تقيله يابلبله
نبيله سألته سؤال مباشر عامل ايه مع دره يا كرم
سكت كرم شويه وابتسم
نبيله سكت ليه شيفاك يعني أمورك ماشيه تمام وكمان هي
رجعت من معاك كويسه ومرتاحه
كرم بضحك ما قولنالك ريحتها علي الاخر
نبيله بضحك اه ياوسخ
كرم الله مش بنرد عليكي بس السؤال بقي يابلبله انا هرتاح امته
نبيله انهي راحه فيهم يا ۏسخ راحه القلب ولا راحه الشيطان اللي بيلعب في عقلك
كرم
نبيله اضحك اضحك والنبي شيطانك شكله مسوحك لا
بقيت عارف تريح قلبك ولا حتي عقلك
كرم ماهو لو ريحنا الشيطان نفسه كله هيرتاح يا بلبله
نبيله اخلاقك اتغيرت بقيت شمال ياولا
كرم دول عشرين سنه يا بلبله
نبيله بضحك عملوا فيك ايه العشرين سنه ياولا
كرم احييييييه علي اللي عملوا فيا يا بلبله والنبي خليني ساكت احسن لو اتكلمت هتتأكدي ان اخلاقي اتغيرت وهتقلبي عليا وتخافي علي بنتك مني
نبيله بحب منقدرش نقلب عليك يا ولا ولا حتي نقدر نخاف علي دره منك ومتقلقش انا حاسه بقلبك وعقلك و شيطانك يا منيل
ضحك كرم علي نبيله
نبيله عارف يا ولا انا عارفه ان ربنا هيريحك ويعوضك عن كل حاجه
كرم يريحني انهي راحه فيهم بالظبط يا بلبله والله انا خاېف يوم ما اوصل للراحه اللي قلبي بيتمناها اكون ودعتكم
نبيله حست ان قلبها اتقبض تف من بوئك يا ولا بعد الشړ عليك ليه كده توجع قلبي يا كرم
قام كرم من علي كتفها وسند علي الكنبه وبصلها
كرم هتزعلي عليا يا بلبله
نبيله في ايه يا ولا مالك أبو ورده وحشك ما تتلم في يومك المهبب ده قالبه معاك سواد كده ليه
كرم ده مجرد سؤال
نبيله يجعل يومي قبل يومك يا ابن قلبي واعيش لحد ما اطمن عليك واشوفك اسعد خلق الله وبعد كده يحصل اللي يحصل
كرم بعد الشړ عليكي يا ست الناس
نبيله بلاش السيره اللي توجع القلب دي يا كرم وجعت قلبي يا ابن نجوي
كرم ما خلاص بقي يا بلبله مكانش سؤال انا زي الفل اهو
خرجت مها مع نجوي
مها احيه علي المسلسل اللي مش راضي يخلص
كرم هنخلصوا الحلقه عشان ترتاحي يا بومه قام كرم وقف انا هنطلع نغير وننزل نشوفوا الشغل عايزه حاجه يا بلبله
نبيله عيزاك طيب يا حبيبي
نجوي اتأخرت عليكي يا بلبله معلش
نبيله يا اختي انا مش غريبه قولتلك خدي راحتك انا هنقوم بقي نكملوا المحشي
نجوي احيه انتي لاحقتي خليكي شويه
مها ما خلاص الحيله بتاعها مشي
نبيله يابت مالك ومال الولا هو قاعد فوق راسك
نجوي جديد عليها هي ودره طول عمرهم بيغيروا من اللي يقرب منك او مني
نبيله يابت كلكم حبايبي وواخدين حته من روحي
مها لا يا اختي كرم واخد حته اكبر
نبيله بضحك انا هنمشي بدل ما نسمعها ربع وهي تعبانه كده
نجوي ماشي يا بلبله
مها متنسيش المحشي و ابعتيلي انا كرم لأ
نبيله ده انا نبعتله هو وانتي لا
مها شوفتي اديني خلتها تعترف انه واخد حته اكبر
نبيله مش هنردوا عليكي يلا بالاذن سلامتك يا ناقصه هنيجي نبص عليكي تاني
مها حبيبتي يا بلبله سلام
نزلت نبيله علي تحت كان رفاعي وزكريا واقفين مع بعض
رفاعي تسلم رجلك يا غاليه
نبيله الله يسلمك يا معلم بعد الشړ عن مها
زكريا عامله ايه البت
نبيله بضحك هتكون عامله ايه مش راحمه حد من لسانها الناقصه
رفاعي وانتي تايهه عن مها
نبيله بس بنحبها هنعملوا ايه
رفاعي وهي بتحبك ربنا ما يحرمكوا من بعض
زكريا امين يارب
نبيله يلا بالاذن انا يا معلمين
رفاعي اذنك معاكي يا اختي
زكريا يلا اطلعي
رفاعي بضحك مبتسترش مها
زكريا ومين فيهم بيستر كلهم مسحوبين من لسانهم
رفاعي علي قولك
عند محمد واحمد
احمد حمووو بنقولك ايه
محمد قول
احمد انت عرفت هيما اننا هنخرج بكره
محمد لا لسه مش عارف اصلا نقوله رايحين فين
احمد اي حاجه نتمشوا نقعدوا في مكان اكيد مش هيقول لأ
محمد ماشي بس يارب ما يقفش الحوار ده صايع
احمد يقفش ابه ده ناسي خالص عبد ميلاده انت وصيت علي التورته صحيح
محمد انا عرفت الولا حسن وقالي هو هيتصرف
احمد طيب ما تأكد عليه حسن مسطول ممكن ينسي
محمد لا خلاص ظبط كل حاجه متقلقش
احمد هو احنا مش هنقول لهيما ان البنات جايين صح
محمد لا هنقوله احنا بس وحسن هيجيبهم ويجي او هيلحقنا الاول لسه متفقناش
احمد طيب ما تيجي نروح نقوله الوقت اننا نخرج بكره
محمد تعالي نجسوا نبضه كده
احمد يلا بينا
راحوا مع بعض علي المحل بتاع هيما كان واقف شغال
محمد الله ينور
هيما عليك يا حمووو خير سايبين الدكان ليه معندكوش شغل
احمد لا بس زهقانين شويه
هيما بضحك وجايين تتمشوا عندي في الدكان ولا ايه
محمد يخربيت الظرف لا يا اخويا احنا عايزين نخرجوا
هيما تخرجوا تروحوا فين
احمد اي مكان يا هيما الواحد جاضض علي الاخر ما تيجي نخرج بكره نتمشي او نقعدوا في مكان
هيما واشمعني بكره ما تخلوها انهارده
محمد بكره عشان نبقي مجهزين روحنا انهارده خلاص اليوم بيطير وملحقناش
هيما وانت محتاج تجهز عامل فيها عريس ده هو بنطلون وتشيرت هتضربهم وخلصت
احمد لا لا بكره احسن
هيما مش عارف بس بكره كان عندي مشوارين شغل وممكن منعرفش
محمد يا جدع متعقدهاش
هيما مبنعقدهاش والله بس لو هتخرجوا
انهارده يبقي احسن
احمد هنقولو لبكر وهو يروح بدالك
هيما لا بكر لا حرام
يا جدع ده علي طول متدبس في كل حاجه
احمد يا جدع انت مالك لو مش هيقدر هيقول وكرم كمان موجود
هيما انتوا عارفين ان كرم بيخلع في اي وقت ووقته مش ملكه
محمد هنروح نقوله ولو هو كمان مش فاضي هيقول اسكت انت بقي متعقدهاش يلا يا ولا تعالي معايا
هيما روحوا يارب يعلقوكم علي باب الدكان
احمد اطلع منها انت بقي دي بتاعتنا احنا
هيما انا مالي روحوا منكم ليهم
راحوا الاتنين علي كرم وبكر
محمد كرم كرم خااال
احمد يا خاااال كيرو
كرم في ايييييه مالكم داخلين زي القطر كده ليه
بكر في ايه ياولا منك له
محمد طالبين منكم خدمه بس من غير ما
متابعة القراءة
