ابن ليل الجزء الخامس لأميرة أسامة
المحتويات
في حاجه اهم
چاك قولي دره انا معاكي
دره محتاجه تجيبلي معلومتين مهمين چاك علي اساسهم هبدأ خطتي مع يوسف
چاك معلومتين ايه انا سامعك
دره اول معلومه عايزه اعرف شړاكه يوسف ودينا زي ما كنت مشاركاه يعني كل واحد فيهم ليه نصيب بأسمه ولا كل حاجه باسم يوسف تاني معلومه يوسف لما قالي علي موضوع المستثمر وشغله الغير قانوني اللي هو اتورط فيه عرفت منك انه كداب ولا في مستثمر ولا في اي حاجه
چاك بالنسبه للمعلومه الاولي اديني وقت واعرف وارد عليكي
دره وقت قد ايه
چاك يعني كلم ساعه او بالكتير بكره الصبح
دره طيب تمام
چاك اما المعلومه التانيه انا لما كنت بدور وراء يوسف عشان الاقي اي حاجه ترجع حقك وقتها عرفت ان مفيش اي مستثمر وكمان اطمني شغل يوسف قانوني مفيش فيه اي تجاره خارجه عن القانون ولا في اي حاجه غلط هو الغلط الوحيد اللي عنده انه مبقاش عنده ضمير يوسف بقي شخص تاني دره
چاك يوسف مخسر ناس كتير شغلهم في منهم ناس شركاتها بتقع في البورصه بسببه من الاخر هو دايس علي الكل محتكر السوق لنفسه مش حابب ان حد ينافسه و تقدري تقولي انه عنده استعداد يجي علي اي حد في مقابل انه يفضل هو التوب وبقي بيدوس علي اي حد يقف قدامه
دره يعني افهم من كده ان شغله مفيش فيه اي تجاره خارجه عن القانون
دره تمام چاك عموما انا
هستناك تجيبلي رد علي المعلومه الاولي
چاك اديني كام ساعه وهعرف كل حاجه وابلغك
دره اوك چاك وانا هبقي اعرفك كل اللي حصل بس لما افضي شويه
چاك اوك دره
دره باي چاك
قفلت دره مع چاك وبصت علي يوسف لقته باصصلها وبيضحك
بكر انا سمعت كل حاجه اني افهم كلمه مفهمتش حاجه خالص
دره بضحك انا كنت بطلب منه يعرفلي شغل يوسف في اي حاجه شمال ولا لأ وطلبت منه كمان يعرفلي شراكته هو ودينا مكتوبه علي الورق بينهم هما الاتنين ولا كله باسم يوسف
بكر طيب ليه
دره اولا انا كنت في البدايه ناويه ارجع حقي وبس لكن لما عرفت كل نوايا يوسف اقسمت اني اخد منه كل مليم و ارجعه للصفر من تاني بس كمان مش حابه أخد منه حاجه فلوسها تكون مش حلال عشان كده قبل ما اقرر انفذ خطتي لازم ابقي عارفه كويس القصه العبيطه اللي ألفها عليا بخصوص المستثمر دي هو ليه يد فيها اصلا و تخصه ولا مجرد كلام بس چاك أكدلي ان مفيش اي حاجه غير قانونيه وشغله سليم
دره فلوس دينا متخصنيش يا بكر انا اللي يخصني فلوسه هو واكيد مش هاخد منها اي حاجه
بكر انتي عبيطه دره بعد كل اللي عملته فيكي دي خربت بيتك وبيت ولادك وكانت العقل المدبر ده انا لو مكانك هرجعها للصفر زي ما هرجعه وانتقم منهم هما الاتنين واخليهم يعيشوا زي الشحاتين
اولهم والدها الراجل ده كان حد كويس معايا جدا وليه أفضال كتير اوي عليا وانا إكراما ليه هو بس مش هاخد منها حاجه اما تاني سبب فاهو اڼتقام من يوسف
دينا لما تعرف اني خدت كل مليم من يوسف وانه بقي علي الحديده مستحيل تكمل معاه وبكده هيبقي لوحده ومش بس هيبقي علي الحديده ده هيبقي بطوله ولا معاه فلوس ولا بيت ولا شغل ولا حتي دينا اللي باعنا عشانها
بكر طيب
حلو اوي بس بردوا انتي ليكي عندها حق ازاي هتسبيها وبعدين لما تغلط ومتتعاقبش يبقي خسړت ايه
دره مين قالك انها مش هتتعاقب ومش هتخسر انا صحيح هسيبلها فلوس ابوها اللي دخلت بيها شريكه مع يوسف بس لما اخد من يوسف كل اللي حيلته الشركات لازم تتباع عشان اخد منها نصيب يوسف وعشان الشركات دي تفضل موجوده قدامها حاجه من اتنين لو معاها تشتري نصيبه تشيل بس هي فلوسها كلها في الشركات ومعندهاش سيوله تشتري نصيب يوسف فا هتبقي مضطره انها تكون مجبره علي دخول شريك جديد خالص يلحق الشركه قبل ما ټنهار وبردوا هي مش هتقدر تعمل كده ولا هتقدر تثق في حد وفي نفس الوقت دينا متقدرش تدير الشركات من غير شريك فا وقتها الشركات كلها هتتباع ومش هتخرج دينا غير بنفس المبلغ اللي دخلت بيه شريكه لاني هاخد منها كمان الارباح وبكده ابقي قفلتها عليها من كل ناحيه وډمرت الكيان بتاعهم في ضربه واحده وزي ما قولتلك دينا مش هتقعد لحظه مع يوسف ولا هتفكر انها تشيله في محنته ودينا مش من النوع اللي تقدر تشغل فلوسها ولو فكرت تشارك اي حد سهل يضحك عليها
بكر هي فكره حلوه بس بيتهيألي اللي تفكر في كل المصاېب دي دماغها مش هتعطل وهتقدر تشغل فلوسها
دره والله جايز بس لو قدرت تعمل كده وتلاقي بديل ليوسف ميتهيأليش يوسف لما يحس انه خسر كل حاجه وحتي هي موقفتش جنبه ويكتشف وشها الحقيقي اللي دمرته وډمرت بيته
هيسيبها صدقني يوسف لما يخسر كل حاجه مش هيبقي عنده اللي يبكي عليه و لو بقي عندها جزء بسيط من الذكاء شطارتها تهرب عشان يوسف مش هيسمي عليها وھيقتلها ابتسمت دره بشړ وبصت لبكر
بيتهيألي كده ابقي انتقمت منها ودمرتها زي ما دمرتني وجبت حقي منها بعيد عن فلوسها لانها متهمنيش هي لعبت مع يوسف علي فلوسي وانا هلعب مع يوسف بس علي حياتها مش علي فلوسها
بصلها بكر وابتسم بحزن وهز راسه
بصت دره لفوق وهي بتاخد نفس طويل عينها كلها ۏجع وقلبها كله ڠضب
بكر انتي كويسه
دره نزلت راسها بهدوء وبصتله بإبتسامه هبقي كويسه يا بكر هبقي كويسه
بكر وانا واثق انك هتبقي كويسه واحسن من الاول يا دره ولازم تعرفي اني اخوكي وفي ضهرك وعمري ما هنسيبك ومعاكي في اي حاجه
دره وانا عارفه يا بكر من غير ما تقول وده اللي مطمني بس هنرجع ونقولهالك تاني يا بكر كرم وعبدالله ميعرفوش اي حاجه عشان خاطري انا مش هقدر انفذ اي حاجه غير وهما بعيد كفايه وجودك انت وحسن وسونه تمام يا بكر
بكر تمام يا دره
اطمني محدش فيهم هيعرف حاجه وانا مأكد علي حسن وسونه كمان انهم ميقولوش اي حاجه لاي حد
دره حلو واكد عليهم تاني وتالت خلينا ماشيين زي ما احنا والوقت بقي جه معاد يوسف
مسكت موبايلها وفتحه وبصت لبكر
بكر ايه هتكلميه
دره بسخريه هو اللي عايزني مش انا خساره في المكالمه
ضحك بكر وبصلها
دره ربنا يكفينا شړ كيد النسا ده انتوا اللي يجي عليكم ميكسبشيا جنس حوا
دره بضحك جنس حوا مفيش اطيب ولا احن منه بس اللي يفكر بس انه يجي عليهم لا شيطان الانس ولا شيطان الجن يقدر يقف قدامهم
بكر بإبتسامه طيب انا بنقول نقوم بقي نطلعلهم ونسيبك تتكلمي مع يوسف براحتك بدل ما تتحولي عليا انا غليان وعندي عيال عايز نربيهم
بمجرد ما اتفتح موبايلها ووصل ليوسف اشعار انه اتفتح اتصل عليها بصت دره علي الموبايل وابتسمت بشړ
دره مش قولتلك هيتصل يلا روح انت خليني نعرف نستفزه كويس
بكر بضحك سلام الله يكون في عونه
دره برفعه حاجب بره
بكر خرجنا يا ست متزوقيش
خرج بكر وساب دره لوحدها خدت نفس طويل وخرجته بهدوء وبعدين ردت علي الموبايل بكل برود
دره نعم
يوسف هو في ايه يا دره بالظبط كل ما هحاول اكلمك هلاقيكي قافله موبايلك
دره قولتلك قبل كده توطي صوتك وانت بتكلمني واظن اني بردوا قولتلك انا حره اقفل موبايلي افتحه ارد عليك مردش دي حاجه تخصني
يوسف بنفاذ صبر اللهم طولك يا روح ماشي يا دره انتي حره بس انتي عارفه اني عايزك
دره في ايه هو في كلام بينا اصلا
يوسف هو الكلام اللي بينا مخلصش يا دره هو انا لحقت اقولك اي حاجه دره
انا جايلك لحد عندك عشان نحل اللي بينا ده ومش همشي غير لما تديني فرصه اثبتلك حسن نيتي
دره بضحك حسن نيتك هي النيه موجوده بس حسنها مش موجود
يوسف يادره انا جاي وماددلك ايدي لو مش عشاني عشان البنات اللي بينا اكيد مش حلوه لما يلاقوا امهم واقفه في وش ابوهم وبعدين هما لو عرفوا اني في ضيقه وعملت كل ده عشان كنت مضطر هيزعلوا منك انتي ومش بعيد يقفوا قدامك بس انا اللي مش عايز اعمل كدم عشانك مش عارزك تخسري البنات انتي عارفه انهم بيحبوني وان كلامهم ده كان مجرد زعل بس لو عرفوا الحقيقه اكيد هيقدروا ده وموقفهم هيتغير من ناحيتي
دره بضحكه سخريه انت مصدق نفسك دول مدولكش فرصه حتي تدافع عن نفسك ولا سمعوك لما قولتلهم انك كنت متورط ومش بس كده وقفوا قصادك و هانوك قدام الكل انت مش مكسوف من نفسك دول مش طايقين يبصوا في وشك
يوسف ياستي ملكيش دعوه باللي بيني وبين البنات في النهايه دول بناتي وانا عاذرهم هما لسه صغيرين وعاطفتهم مسيطره عليهم خلينا احنا نحلها مع بعض ولما كل حاجه ترجع زي ما كانت هبقي اقعد معاهم وافهمهم كل اللي مريت بيه
دره انت عايز ايه يا يوسف
يوسف عايز اقعد معاكي في اي مكان انتي تختاريه بس نكون لوحدنا هفهمك كل حاجه بالتفصيل وانا واثق انك هتفهميني يا دره زي ما طول عمرك فهماني
دره تصدق بالله واللي خلقني وخلقك يا شيخ انا اكتشفت اني فهمتك فعلا بس مؤخرا وان طول السنين اللي فاتت مكنتش فهماك وكنت عبيطه بس يلا خيرها في غيرها خلينا في المهم وطلبك مرفوض لا هنقابلك ولا هنسمعك يا يوسف والكلام بيني وبينك خلص من يوم ما حطيت رجلي في مطار امريكا وحقي مش هتنازل عنه وهاخده منك
يوسف يادره انتي كده بتقفليها خالص واللي بتعمليه ده في خطړ عليكي وعلي البنات
دره ايه بتهددني انا وبناتك يا يوسف
يوسف انا مش پهددك انا اقصد ان المستثمر لو فلوسه مرجعتش مش بعيد
متابعة القراءة
